Populiarios Biblijos eilutės iš Sykadyipén 7

Dalintis

Paló davá saró me dykhcjom, i, ĥáda, isyn but but manušá, so nikonéske na sys pir zor te ginel len, saré kheritkoné rodendyr, saré rodendyr, saré manušytkoné nacyiéndyr, saré jekhe-čibakire ir'jéndyr (sem'iéndyr/čibéndyr/čib'jéndyr), savé sys terdé angíl trono i angíl Sventoné Bakroreste. Jone sys uridé dre parné uribená, i dre vastá sys lénde pal'mitka randiá (vétki).

I jone dénas gódla zoralé zaniása i phenenas: “Zrakhibén javéla amaré Devléstyr, Savó isyn beštó pe trono i Sventoné Bakrorestyr.”

syr Svénto Bakroró, Savó isyn maškirál trono, javéla te čaliakirel len i te lydžál ke ĥanyngorja džidé-panieskire. I Devél vykhosela kažno jasvin léngire jakhéndyr.”

Vaš davá jone isyn angíl Devléskiro trono i dynarinénas (služynénas) Léske dyvesé i ratý dre Léskiri Khangirí. Odová, Kon isyn beštó pe trono, rosčhuvela péskiri šátra pe lénde sýrby zrakhéla len. Jone na javéna butýr te bokhaljon, na javéna te tyrdenpe te p'jen: kham i vari-savó xačkiribén na peréla pe lénde

“Na kerén čoripén ni pe phuv, ni pe mórjo (derjáv), angíl dová, syr ame čhuvasa čergenorí pe čekat pishar'jénge Amaré Devléskire.” I me šundjom odolengire-manušéngiro kicypen (količestvo), konéske čhudé čergenorí: 144000 manušá, savé sys saré Izrailjoskire-čhavéngire rodendyr (čangéndyr)