Populiarios Biblijos eilutės iš Sykadyipén 5

Dalintis

I jone bagandle neví gilý, phení: “Tu san mol te priles kadavá svítko i te otphandes čergenorja (piečati), pal-dová so Tu sánas začhindló i Tu vykindian manušén vaš Devléske Péskire ratésa kažnoné jekhé-čibákire irjátyr (sem'iátyr) i kažnoné rodycóstyr, i manušytkoné nacyjátyr i kheritkoné rodóstyr.

i jone rakirdé zoralé zaniása: “Svénto Bakroró isyn mol, Savó sys muliakirdo te prilel zoralypén i barvalypén i zor, i patýv, i sláva i manušéngiro šaribén.”

I Tu kerdián léndyr rašángiro Kralipén, savé javéna te kralinen pe phuv.”

I me šundjom, syr kažno džidalo, savés Devél sozdyjá, savó isyn dro Bolybnáskiro Rajo, pe phuv i tel phuv, i pe mórjo (derjáv), i saró, isyn andrál dre lénde, phenenas: “Odoléske, Savó isyn pe trono, i Sventoné Bakroreske, mek te javél šaribén, i patýv, i sláva i zoralypén pe viečna viéki.”

I jekh godephurendyr phendiá mánge: “Na rov! Dykh! O Ščer (Liévo) Judáskire rodóstyr, Davidóskire ratestyr, seménca, lyjá upralypén, sob (kaj)/jov te del ráda te otphandel svítko i léskire eftá čergenorja.”