Populiarios Biblijos eilutės iš ĀCƐ URÓM 13

Dalintis

Amáŋ aá kwú Óndú alɔ Ujísɔ̄si Ohɔ́nyɛtá ā ú kóō lɛbɛ̄ɛka ɔkplɛ́fú ō wiiyē ká aá ú, cɛ́ɛ́ kú aá híī jɛga lɛ ɔkpíyē ká aá kóō yá ɔdōbɔ̄bí nɛ̄ ó tíne ā gɛ ŋ́.

Aá bī ɔ̄cɛ dúúmā ulé ɔdā dúúmā ŋ́, ń táafú ŋ́ ō yíihɔtū tū ɔ́mpa aá. Ohígbū ka ɔ̄cɛ nōo ī yíihɔtū tá odúúdú ācɛ ā lɛ íne ā tū ɛɛ́.

Ɛjɛ̄ɛ̄jī aá kóō lɛyítáajɛ lɛ igɛ́mɛ́nti nēe ī gbāājɛ ā. Ohígbū ka ɔcɛ́ dúú lɔfú kú abɔ̄yī nū ŋ́, ń táafú ŋ́ ayíbɛ ɛ̄nɛ̄ o ŋmá ɛgiyí Ɔwɔicō ā nɛ. Ɔwɔicō ōfōōfūnū ī je íkwu ō gbō ācɛ lɛ ɔ̄cɛ glá á.

Ɔ́ɔmā léka ó lɛbɛ̄ɛka otú mɛ ɛ́ɛ́ mā, eyī kē gáā nyā ɛɛ́ mā. Ká ālɔ̄ lɛ ɔdōbɔ̄bí nɛ̄ ācɛ ī yá ajɛ odobū ā kpó bónū, cɛ́ɛ́ ká ālɔ̄, ɛ́gɛ́nɛ̄ ācɛ ī kɛlā, lɛ iyɔ́fú ō bī nunu ɔlɛ́ɛnɔ kpó tū iyē.

Ɔ́dāŋ́ ka ɔ̄cɛ he uwɔ ɔtū, á gáā yá ɔ̄ ɔdōbɔ̄bí dúúmā ŋ́. Ohígbū ɔ́ɔmā ihɔtū ō yá wɛ o lɛyítáajɛ lɛ ɛjɛ̄ɛ̄jī íne āá.

Aá gbā ɔdā dóódu nōo wɛ ukpɛ̄ kú uwā ā lɛ uwá. Aá gbā ɛdɔ ijɔ̄lɛ́ dúú nēé da aá ka aá gbā ā, aá lɛ ojīlīmā ce odúúdú uwā.