Populiarios Biblijos eilutės iš ĀCƐ URÓM 14

Dalintis

Ohígbū ka eko nɛ̄ ɔ̄cɛ ī kɛlā ajɛ ō gbō kú Ɔwɔicō, ɔ̄cɛ í yɔ̄ ī kɛlā lɛyíkwu íne kú ɔdōlé mɛ́mla ɔdā ō gwá ŋ́, amáŋ ɔ̄cɛ ī kɛlā lɛyíkwu o yá ɔdā nɛ̄ Ɔwɔicō dɔɔ̄kā, o bá ɛbɔ́ mla anú, mɛ́mla o lɛ ɔtūnɛhɛ̄ nɛ̄ Alelékwū Ihɔ ī je ā. Ɔ̄cɛ nōo ī yúklɔ́ lɛ Ohɔ́nyɛtá ɔwɛ ɛ́gɛ́nyā kē í yá kú ɔtū kóō he Ɔwɔicō, ó klla kē í yá kú ācɛ kéē cɛ̄tra anú.

Ɔ́dāŋ ka alɔ kōō yēeyī, alɔ yēeyī lɛ Óndú ā, ámāŋ ɔ́dāŋ ka alɔ gekwú, alɔ kwú lɛ Óndú ā. Ó lɛ ā mɛ́ɛ̄ ā, ɔ́dāŋ́ ka alɔ kōō yēeyī ámāŋ nɛ̄ alɔ gekwú, alɔ wɛ ákú Óndú ā.

Ohígbū ɔ́ɔmā alɔ í yɔ̄ ī cēyītīkwū ká ālɔ̄ yá ɔdā nōo í yá kú ācɛ kéē bá ɛbɔ́ mla iyī uwā mɛ́mla o yá ɔdā nōo í tá ɔ́mpa uwā abɔ̄ kéē le lɔfú iyē.

Ó lɛ ā, ālɔ̄ híī ŋmó iyī alɔ ɛpɔ̄bí gɛ ŋ́. Ikɔkɔ ɔ́ɔmā, ālɔ̄ lɛ ɔ́ kaŋmó ipú ɔtū kú alɔ ká alɔ í gáā yá ɔdā nōo í yá kú ɔ́mpā alɔ kóō bīyíne kú Ɔwɔicō ŋ́.

Ohígbū kéē tá ɔ̄ ipú ɔkpá kú ɛlɔ̄ɔwɔicō ā ka Óndú ā kahíníī, “Ɔdā nōo yá ɛ́ɛ́ nɛ̄ n wɛ Ɔwɔicō nōo yēeyī ā, ɛjɛ̄ɛ̄jī ācɛ dóódu géē lɛ okwúukwu kwajɛ gā um. Ɛjɛ̄ɛ̄jī ācɛ dóódu kē í cɛ̄ tɛ́ɛcɛ ka n wɛ Ɔwɔicō.” Ɔnyɔɔyɛ kú alɔ géē kɔkɔ kú iyī nū lɛ Ɔwɔicō.

Aá mīyɛ ācɔ̄lóhɔ́nyɛtá nēé lɔfú ipú ɔtū nēé kpóce ā ŋ́ mā, aá híī táafú mla uwá lɛyíkwu ɔdā nēé cíkā ō yá mɛ́mla ɛ̄nɛ̄ é cíkā ō yá ŋ́ mā ŋ́.

A cíkā ō kɛpɔ̄ tū ɔ̄cocɛ̄hɔ̄ kú ɔ̄cɛ ɔhá ā? Óndú nū ōfūnū lɔfú ka kóō yá lɔhi, amáŋ ka ó yá lɔhi ŋ́ má, ohígbū ka Óndú ā lɔfú í má kéē lɛ ɔdā olɔhi yá á.