Populiarios Biblijos eilutės iš ĀCƐ URÓM 12

Dalintis

Aá híī yá ucē gbla ācɛ kú ipú ɛcɛ nyā ŋ́, amáŋ je ɛga lɛ Ɔwɔicō kóō lɛ ɔwɛ nɛ̄ a gē gbɛlá ā pīyabɔ̄. Cɛ́ɛ́ a géē jé odúúdú aɔ́dā nēe lɔhi klla he Ɔwɔicō ɔtū ā.

Ohígbū ɔ́ɔmā ā ayínɛ́ um, ohígbū eyīnyinyi ce eyīnyinyi alɔ nɛ̄ Ɔwɔicō má ā n gē lɛ abɔ̄ tɛ́yīpɛ̄ lɛ aá, ká aá kwú iyī aá ú bɛ̄ɛka ɛya nēé gwó oyēeyī lɛ Ɔwɔicō ā, ká aá kwú ɔtū ká aá ú tá ká aá cɛ̄ ɔ̄ ɛhɔ̄ ɔwɛ nōo í he ɔ́ ɔtū. Ɛ̄nyā wɛ ɔwɛ ɔkwɛ̄yi nɛ̄ aá cíkā ō gbā Ɔwɔicō ɛ̄gbā á.

Aá yɔ̄ ī gwéeyē ohígbū ka aá lɛ eyīyōce. Aá lɔ́tūle eko nɛ̄ ācɛ ɔhá ī junwalu lɛ aá. Aá híī hɛ́ bené ŋmá ɔkɔ nɛ̄ aá ī gbā ā ŋ́.

Aá bī ɔdā olɔhi ō yá le yá ɔdōbɔ̄bí lé.

Aá yíihɔtū tá ɔ́mpa aá bɛ̄ɛka ayínɛ́ ékpónú ā. Aá híī kpéeko bónū ō lɛ ojīlīmā ce ɔ́mpa aá ŋ́.

Eko nɛ̄ aá í yíihɔtū, óō wɛ ihɔtū ɔkwɛ̄yi. Aá tá ɔdā nōo bɔ̄bí, aá lɛ abɔ̄ flá tū ɔdā nōo lɔhi.

Aá yá ɔdā dúúmā nōo tɔ́ɔtɛ́ lɛ aá kú aá lā ɛbɔ́ mla odúúdu ācɛ.

19 Ācɛ ō he um ɔtū, aá híī gwɔ̄ɔ́ci ŋ́, ikɔkɔ ɔ́ɔmā aá lɛ ɛga je lɛ Ɔwɔicō kóō ŋmó ɔ̄cɛ ɔ́ɔmā ɛpɔ̄bí. Ohígbū kéē tá ipú ɔkpá kú ɛlɔ̄ɔwɔicō kahíníī, “Ami í gwō ɔ́ci á, n géē cíla ulé, abɔ̄ Óndú ā ka lɛ á.”

Aá cēyītīkwū, aá híī kwáahi ŋ́. Aá cɛ̄ Óndú ā ɛhɔ̄ mla ɔtū ékpónú.

Ohígbū ɛhi nɛ̄ Ɔwɔicō je gā um mā, n da ɛjɛ̄ɛ̄jī aá ka, aá híī gbɛlá je iyī aá gicō fíyɛ́ ɛ́gɛ́nɛ̄ o cíkā ā ŋ́. Amáŋ aá gbēyī gɔɔ cɛ́ɛ́ ká aá je iyī aá ɛ́gɛ́nɛ̄ aá kpɔ́tūce Ɔwɔicō lɛ ā.

Aá híī bī obɔ̄bí le cíla ulé obɔ̄bí dúúmā ŋ́, amáŋ aá cēyītīkwū kú aá yá ɔdā nɛ̄ ɛjɛ̄ɛ̄jī ācɛ ka kóō wɛ ɔdā olɔhi ā.

Aá lā ɛbɔ́ mla ɔ́mpa aá. Aá híī yá ɔbɔ́ɔ̄cɛ ŋ́, amáŋ aá tíyē kwu ācɛ nēe gbɛhá ā, ɔ̄cɛ dúú kóō híī gbɛlá ka anúɔ je odúúdú ɔdā dóódu ŋ́.

Aá híī gwɔ̄ɔ́ci ŋ́, amáŋ “ɔ́dāŋ ka ɛmiyɛ í ŋmó olɛlā kú uwɔ, je ɔdōlé lɛ ɔ́. Ɔ́dāŋ́ ka ijēēnyi ī ŋmó ɔ̄, je éŋkpɔ̄ lɛ ɔ́. Ohígbū ka o ŋmá lɛ ɛ́gɛ́nyā nɛ̄ aá ī yá, í cɛ̄ lɛ uwēyī í kwú ɔ̄.”

Aá ba Ɔwɔicō cɛ́ɛ́ kóō hɔ́hā ce ācɛ nēe ī yá aá ŋmó ā. Aá da ɔ́ kóō hɔ́hā ce uwá, óō híī wɛ o da ɔ́ kóō tá okónu lɛ uwá ŋ́. Aá gwéeyē mla ācɛ nēe gē gwéeyē, aá jikwū mla ācɛ nēe ī jikwū ā.

Aá je ɔdā nōo ce aɔ́mpa aá nēe wɛ ācɔ̄lóhɔ́nyɛtá ɛgbá ā lɛ uwá. Aá mīyɛ ayínɛ́ aá ācɔ̄lóhɔ́nyɛtá nēe wɛ ugbɔga ā wā ɔlɛ́ aá.

Ɛ́gɛ́nɛ̄ ɔnyɔɔnyɛ kú alɔ lɛ ɔkpíyē nōo lɛ ābɔ̄ ɛyɛ́ɛyɛ́yí alɛwa nēe kē ī yúklɔ́ ɛyɛ́ɛyɛ́yí ā. Ɔwɛ ékpónú ɔ́ɔmā, nááná nɛ̄ alɔ wɛ ācɛ ɛyɛ́ɛyɛ́yí alɛwa ā, alɔ lɛbɛ̄ɛka ɔ̄cɛ ékpónú mla Ohɔ́nyɛtá ā. Ɔnyɔɔnyɛ kú alɔ kē wɛ ābɔ̄ kú ɔ́mpā nū, nēe cɛgbá ācɛ ohile.