Populiarios Biblijos eilutės iš ĀCƐ URÓM 11

Dalintis

Ohígbū ka Ɔwɔicō yá odúúdú ɔda dóódu á, ɛjɛ̄ɛ̄jī ɔdā dóódu ŋmá ɛgiyí nū, é kéē yɔ̄ lɛ ɔ́. Ālɔ̄ cɛ̄tra Ɔwɔicō ŋmá eko tá eko. Aamí.

Ɛ́gɛ́nyā nɛ̄ eyīnyinyi kú Ɔwɔicō nwuné lɛ ā! Íjééyī mɛ́mla ɔdōojé kú Ɔwɔicō ī mɛ glá ŋ́! Ɔ̄cɛ dúú í jɛ́yí ɛ́gɛ́nɛ̄ ó ī miya ɛlā kú nū ŋ́! Ɔ̄nyɛ jɛ́yí ɔwɛ nōó ī yá odée kú nū ā?

“Ɛ́gɛ́nɛ̄ é tá ɔkpá kú ɛlɔ̄ɔwɔicō lɛ ā, ɔnyɛ jé ɔtū kú Óndú ā, “Ɔnyɛ jé ɔdā nɛ̄ Ɔwɔicō yɔ̄ ī gbɛlá? Ɔ̄nyɛ jé odée jɛ̄ nōo nwū ɔ̄ ɛlā ā?”

Ɛ́gɔ́ɔmā nōó lɛ abālɔbányā dúú á. Ó lɛ ācɛ olígíí nēe hile nɛ̄ Ɔwɔicō fu ohígbū kóō ī ményinyi íbí. Ācɛ nōó ī fu ā, ó fu uwá ŋmá eyīnyinyi uwā nōó má ā nɛ̄ n, ó ŋmá lɛ úklɔ́ nēé yá ā ŋ́. Ohígbū ka ɔ́dāŋ́ ka Ɔwɔicō ī fu ācɛ ŋmá lɛ úklɔ́ nēé yá nɛɛ, ó lɛ ā ó ményinyi ācɛ ɔkwɔ̄ɔ̄kwɛ̄yi ŋ́.

É lɛ ābɔ̄ ōhī kú ɔcí nēé hī ka ólīifu nēé hí ā gwó bónū, anɔ́ɔ é lɛ ābɔ̄ kú ólīifu kú ipácí hɛ́ kwu ɔ́, cɛ́ɛ́ kú ābɔ̄ ā kóō lū ŋmá enyi ō pi ŋmá ipú ɛ́nɛ́ ɔcí ā. Aá nēe wɛ aílɔ́wá ā lɛbɛ̄ɛka ɔcí kú ólīfu kú ipácí ā, abālɔbányā ā lɛ ukpɛ̄ kú ɔdā olɔhi nɛ̄hi kú ācɛ Ujíyu ā lɛ dúú ɛ́ɛ́. Anɔ́ɔ abɔ̄ nōó le ā, aá híī leyī gwō ācɛ nēé hɛ́ bónū bɛ̄ɛka ābɔ̄ ɔcí ā ŋ́. Ɔwɛ nyá nɛ̄ aá í gwō ā? Aá wɛ ābɔ̄ ōfōōfūnū nɛ̄ n, aá gē tá ɛgba ā abɔ̄ ŋ́, ɛgba ɔcí ā gē tá aá abɔ̄ á.