Yoswa 6
6
Okhukwa khwaYeriko
1Ne Yeriko liali nilieekalwa butinyu muno khulwa abaIsiraeli; omundu yesi shiyarulangamwo, kata omundu yesi shiyayeenjilangamwo ta. 2OMWAMI naboolela Yoswa mbu Lola, ehaanile Yeriko mumukhonokwo, nomuruchi walio, nabasaatsa abalulu beitswoni. 3Mubotokhane litookho, abelihe bosi nibalibotokhana lulala. Okhole orio tsindaalo tsisasaba. 4Abakuhani musaafu bachinje tsinzika musaafu, mbu tsinzika tsiamamiiku, imbeli welisanduku; ne khunyanga yomusaafu mubotokhane litookho okhuula musaafu, nabo abakuhani nibakhupa tsitlzika tsana. 5Ne olwa balakhupa oluyoka olurambi netsinzika tsiamamiiku, inywe nimuhulila oluyoka Iwetsinzika, abandu bosi bachinje olukhu olukhongo muno; mana olukoba Iwelitookho lulalibulukha puu, nbandu nibatikulukha buli mundu hambeliwe shirunji. 6Kho Yoswa waNuni nalanga abakuhani nababoolela mbu Chinje lisanduku lieindakano, mana abakuhani musaafu bachinje tsinzika musaafu, mbu tsinzika tsiamamiiku, imbeli welisanduku liOMWAMI 7Nasunjila abandu mbu Bire, mubotokhane litookho, nabo abandu abeemanuule ebimanulwa babire imbeli welisanduku liOMWAMI.
8Nikaba kario; mbu olwa Yoswa yali nasunjiile abandu, abakuhani abo musaafu abachinga tsinzika musaafu, mbu tsinzika tsiamamiiku, imbeli wOMWAMI, babira; nibakhupa tsinzika tsiabwe; nalio lisanduku lieindakano yOMWAMI nililonda munyuma wabwe. 9Nabo abandu abali nibeemanuule ebimanulwa nibaranjilila abakuhani aboopi betsinzika, nabo abalishinga emukongo nibalonda inyuma welisznduku, abakuhani nibachenda nibakhupa tsinzika. 10Yoswa nalaka abandu mbu Murachinga olukhu, kata okhukhola oluyoka luhuliilishe, kata okhuboola likhuwa liosi neminwa chieenywe ta, okhuula khunyanga olwa ndalamubiila mbu muchinje olukhu; mana mulachinga olukhu. 11Kho yabotokhasia lisanduku liOMWAMI khwitookho ario, nilibotokhana lulala; niboola enakambi, nibakonayo.
12Mana Yoswa nahuuna mumabwibwi, abakuhani nibachinga lisanduku liOMWAMI. 13Nabo abakuhani musaafu tsana abachinga tsinzika musaafu tsiamamiiku imbeli welisanduku liOMWAMI nibatsiililila, nibakhupanga tsinzika tsiabwe; abandu abo abeemanuule ebimanulwa nibabaranjilila; nabo abalishinga emukongo nibalonda inyuma welisanduku liOMWAMI, abakuhani nibachenda nibakhupa tsinzika. 14Khandi khunyanga yakhabili nibabotokhana litookho lulala, nibakalukha mukambi; nibakhola bario tsindaalo tsisasaba.
15Mana khunyanga yomusaafu bahuuna obukwe nibusheba, nibabotokhana litookho, shinga olwa bakholanga, akhandi musaafu; yali khunyanga eyo yonyene eya babotokhana litookho okhuula musaafu. 16Ne olwomusaafu, olwa abakuhani bakhupa tsinzika, Yoswa yaboolela abandu mbu Chinje olukhu, okhuba OMWAMI amuheelesiye litookho. 17Ne litookho lilaahulwa OMWAMI limululwe, eliene nende abalimwo bosi; habula Rahabu omutamba yenyene abe mwoyo, nende bosi aba ali ninabo munzu, shichila yabisa abarume aba khwaruma. 18Neenyu, mwilinde muleshe okhutiila khushindu shiosi eshiahuliilwe okhumuIulwa, muleshe okhubukula eshindu eshiahuliilwe olwa muba nimushiahuule; mwakhachila ikambi yaIsiraeli niyahulilwa okhumululwa, nimuchileerela amanyasio. 19Habula tsifeetsa tsiosi netsitsahaabu, nebimanulwa biomukasa nebieshibia, ebio nebiahule biOMWAMI, bileerwe mwibiishilo liOMWAMI. 20Kho abandu nibachinga olukhu, abakuhani nibakhupa tsinzika; ne olwa abandu bahulila oluyoka Iwetsinzika, abandu bachinga olukhu olukhongo, mana olukoba nilulibulukha puu! Abandu nibatikulukha nibeenjila mwitookho, buli mundu hambeliwe shilunji, nibabukula litookho. 21Nibatibilia elala bosi abali mwitookho, mbu abasaatsa nabakhasi, ababuukha nabakofu, tsing'ombe, namakondi, netsisishili, nibabimalilana netsinganga.
22Mana Yoswa nasunjila abandu abo babili abali nibaluurile eshialo, ari Mwinjile munzu yomutamba tsana, murusiemwo omukhasi tsana, nende bosi aba ali ninabo, shinga olwa mwamwitsubila. 23Abasooliili abo abaluuri nibeenjila, nibarusiamwo Rahabu, nasamwana, nanyina, nabaana babwe, nende bosi aba yali ninabo; nibarusia nende abeinzu yabwe yosi; nibabara elwanyi weikambi yaIsiraeli. 24Nibasamba litookho nomulilo, nende biosi ebiali nibilimwo; habula tsifeetsa tsiosi netsitsahaabu, nebimanulwa biomukasa nebieshibia, babira mwibiishilo lieinzu YOMWAMI. 25Ne Rahabu omutamba, nabeinzu yabwe, nende bosi aba yali ninabo, Yoswa yabahonokosia babe mwoyo; naye yamenya hakari waIsiraeli, kata okhuula olwa leelo; shichila yabisa abarume aba Yoswa yaruma okhuluura Yeriko.
26Ne Yoswa yabalachilisilia mushiitsubo khushise eshio ari
Abe mushilaamo shiobubii imbeli wOMWAMI omundu yesi oubuukha okhuumbakha litookho lino liaYeriko;
alakhupa omuse kwalio nafwilwa omwanawe omwikulanda,
khandi alasinjisia eshilibwa nafwilwa omwanawe omushe.
27Kho OMWAMI naba halala nende Yoswa; ifumaye niyitswana mushialo shiosi.
Oluluyia Union Version © Bible Society of Kenya 1975