Okhukalushila 27
27
Aka Amalako okhuhandiikwa khushikulu shiaEbali
1Musa nende abakofu baIsiraeli nibalashilisia abandu, bari Lindenje lilako liosi elia emulaka leelo. 2Ne khunyanga eya mulaambukha Yorodani okhuula khushialo eshia OMWAMI Nyasayewo akhuheelesia, osinjisie amachina amakhongo nokabakha lilongo. 3Mana ohandiichekhwo amakhuwa kosi kamalako kano olwa olaba nomalile okhwambukha, mbu winjile mushialo eshia OMWAMI Nyasayewo akhuheelesia, eshialo eshiitsuulemwo amabeele nende obuushi, shinga OMWAMI, Nyasaye wabakuukabo, olwa yakhusuubisia. 4Ne olwa mulaba nimwambuushe Yorodani, mulasinjisia amachina kano aka emulaka inyanga yino, mushikulu shiaEbali; ne okabashe lilongo. 5Mana ebweneyo wumbashile OMWAMI Nyasayewo eshimalilo shiemisango, eshimalilo eshikholelwa amachinaorakachinguulila eshibaatsilo shieshibia shiosi ta. 6Wumbashe eshimalilo shiOMWAMI Nyasayewo amachina akarabaatsilwe ta; mana omalile OMWAMI Nyasayewo emisango emisambe khushio. 7Khandi omale emisango chiokhwishia, noliilayo, niwikhoyela imbeli wOMWAMI Nyasayewo. 8Mana ohandiiche khumachina tsana amakhuwa kosi kamalako kano, kasoomeshe bulayi.
9Kho Musa nabakuhani abaLawi nibaboolela Isiraeli yosi bari Holeela, oreche amarwi, iwe Isilaeli; leelo luno okholeeshe oluyia lwabandu bOMWAMI Nyasayewo. 10Khulwako ohulilenje omwoyo kwOMWAMI Nyasayewo, nokhola akamalakoke naka alachilisia kosi, aka ekhulak inyanga yino.
Ebilaka munwa khushikulu shiaEbali
11Ne Musa yalachilisia abandu khunyanea yeneyo, ari 12Abandu bano bzsinjile khushikulu shiaGerizimu okhusabila abandu ikhabi olwa mulaba nimwambuushe Yorodanimbu Simeoni, Lawi, Yuda, Isakhari, Yusufu, naBenyamini; 13nabo bano basinjile khushikulu shiaEbali khulwa eshilaka munwa, mbu Reubeni Gadi, Asheri, Zabuloni, Dani, naNafutali. 14Mana abaLawi barumbushe nibasunjila abaIsiraeli bosi nomwoyo omukhongo, bari:
15Ali mushilaamo shiobubii omundu oukhola eshifwanani eshibaatse kata eshisalule, eshisinyo khuMWAMI, emilimo chiamakhono komundu omusitsa, nashiemekha mabiswi. Nabo abandu bosi bakalusie bari Amina.
16Ali mushilaamo shiobubii oufwola samwana kata nyina. Abandu bosi nibaboola mbu Amina.
17Ali mushilaamo shiobubii owiha eshimanyilo shiolwakho lwowashie. Abandu bosi nibaboola mbu Anina.
18Ali mushilaamo shiobubii oushiamia omubofu okhurula khunjila. Abandu bosi nibaboola mbu Amina.
19Ali mushilaamo shiobubii oushiamia obukhala hi bwomurende, nomubisandu, nomukhasi omulekhwa. Abandu bosi nibaboola mbu Amina.
20Ali mushilaamo shiobubii oukona nomukhasi wasamwana, okhuba aba nafunuule ingubo yasamwana. Abandu bosi nibaboola mbu Amina.
21Ali mushilaamo shiobubii oukona nomuruko kweimbia yosi yosi. Abandu bosi nibaboola mbu Amina.
22Ali mushilaamo shiobubii oukona nomukhaana wabwe, omwana wasamwana kata omwana wanyina. Abandu bosi nibaboola mbu Amina.
23Ali mushilaamo shiobubii oukona nanyakhufialanyene. Abandu bosi nibaboola mbu Amina.
24Ali mushilaamo shiobubii owira owashie mabiswi. Abandu bosi nibaboola mbu Amina.
25Ali mushilaamo shiobubii oubukula eshiomufuusi khulwa okhwira omundu oubula eshikha. Abandu bosi nibahoola mbu Amina.
26Ali mushilaamo shiobubii ouratinyisia amakhuwa kamalako kano nakakhola ta. Abandu bosi nibaboola mbu Amina.
Oluluyia Union Version © Bible Society of Kenya 1975