1 Timoteo Eꞌyo soti ɨ̀ꞌdazà
Eꞌyo soti ɨ̀ꞌdazà
Timitayo nɨ ndráánɨ́ Kristiani àloo mvaa drʉ ɨngajʉ Azia ɨ̀ga were vɨɨ alɨa nɨ. Ayopi nɨ Yahudi òdrʉ nɨ díká atapi nɨ Giriki nɨ. Ca ꞌbarʉʉ ovʉle Paulo be díká ꞌbarʉʉ ɨ̀rɨ àzà kole vɨ́ɨvɨɨ drʉ eꞌyo Orɨ awo vɨɨ ɨmbarɨa. Waragà òkò Paulo nɨ sɨ̀le Timitayo yɨ́ vɨɨ ꞌdu eꞌyo ꞌwàrà ꞌwàrà na ɨnɨ àzí nga ɨ. Waragà ꞌdɨ̀vɨɨ awo eꞌyo òkò vɨɨ ɨ̀rɨ bílé lɨzà ɨmbataa ɨ̀nzò drʉ Kristiani ɨ̀sɨlɨa vɨɨ drìa. Ɨmbataa ꞌdɨ̀vɨɨ òsonɨ ꞌba Yahudi drʉ díká Yahudi drʉ kʉ vɨɨ ꞌyowa vɨɨ ɨnɨ be mʉ̀ díká ꞌba ꞌbá ɨ̀rɨ ɨgataa ꞌyojʉ kɨ́nɨ̀ wúdrìkúrù ꞌdɨ̀vɨɨ ɨ̀rɨ ace eꞌyo ònzɨ be díká ráaka ꞌba ɨcó pataa isú lʉ́ ònìtaa zìzà yɨ̀ àloo eꞌyo ꞌozà kɨ̀le tà alóo ɨnɨ nyajʉ díká ꞌbanɨ ànɨ rujʉ kʉ vɨɨ yɨ̀ ka. Díká waragà ndee alɨa pàbaa eꞌyo azílé kànísà drìcejʉ vɨɨ ɨnɨ léti ꞌbanɨ ìnzìtaa fèjʉ vɨɨ ɨbe, díká eꞌyo ɨ̀cele ɨdrɨ ꞌba kànísà drì ceꞌba vɨɨ ꞌyowa vɨɨ àloo ꞌba ꞌba àzà kole vɨɨ ɨnɨ nɨ ovʉjʉ vɨɨ ɨbe. Àsìjʉ, ꞌba fé ɨmbataa Timitayo yɨ́ léti ɨ̀rɨ nɨ ɨcojʉ ovʉjʉ àzíꞌbá kílílí Yesu Kristo awo vɨɨ drʉ díká àzí ɨ̀rɨ nɨ ngale ongʉlʉmʉ̀ mgbimgbi àꞌɨ̀taa alɨa vɨɨ ɨnɨ be vɨɨ drìa.
ハイライト
シェア
コピー
すべてのデバイスで、ハイライト箇所を保存したいですか？ サインアップまたはサインインしてください。
© Wycliffe Bible Translators, Inc., © SIL Uganda, All rights reserved