Lyfr y Psalmau 133
133
1Mor dda, mor hyfryd yw
Fod brodyr yn byw ’nghŷd;
2Mae ’n fwy o lawer iawn ei werth
Na ’r ennaint prisfawr drud,
A red ar hyd y farf,
Barf Aaron, gwas y nef;
Oddi ar ei ben y rhed i lawr
Hyd odre ’i wisgoedd ef.
3Y gwlith o Hermon fryn
Ireiddia Sïon lân;
Felly mae ’r brodyr hoff sy ’n byw
Mewn cariad diwahân.
Yn sanctaidd Sïon fryn,
Ei Eglwys lân ddi‐lyth,
Gorch’mynodd Duw i’w fendith fod,
Sef nefol fywyd byth.
Y Psallwyr gan y Parch. Morris Williams (Nicander). Cyhoeddwyd gan H. Hughes, Llundain 1850. Cafodd y testun ei ddigideiddio gan Gymdeithas y Beibl yn 2021.