ᒨᓯᓯ ᓯᕗᓪᓖᑦ 35の有名な聖句

シェア

ᒎᑎᐅᓪᓗ ᐅᖃᐅᑎᕚ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᐅᓄᕐᑐᓂᒃ ᕿᑐᕐᖏᐅᕆᑦᓯ ᐅᓄᕐᓯᕙᓪᓕᐊᓗᓯᓗ; ᐃᓅᖃᑎᒌᒡᔪᐊᑦ ᐃᓅᖃᑎᒌᒐᓴᒡᔪᐊᓪᓗ ᐃᓕᖕᓂᑦ ᐱᔪᒫᕐᐳᑦ, ᐊᖓᔪᖅᑳᕐᔪᐊᓂᒡᓗ ᑭᖑᕚᖃᕈᒫᕐᐳᑎᑦ. ᓄᓇ ᑐᓂᓚᐅᕐᑕᕋ ᐂᑉᕋᕼᐋᒻᒧᑦ ᐂᓴᑭᒧᓪᓗ ᑐᓂᓂᐊᕆᕙᕋ ᐃᓕᖕᓄᑦ, ᑭᖑᕚᒃᓴᕐᓄᓪᓗᑦᑕᐅᖅ ᑐᓂᔪᒫᕆᕙᕋ ᑭᖑᓂᕐᓂ.”

ᑕᕝᕙᓐᖓᑦ ᐊᐅᓪᓚᕐᓂᐊᓕᕋᑦᑕ ᐱᑎᓕᒧᓐᖓᐅᓗᑕ, ᑍᑲᓂ ᑐᓂᕐᕈᓯᕐᕕᓕᐅᕐᓂᐊᕋᒪ ᒎᑎᒧᑦ ᐅᕙᓐᓂᒃ ᑐᓴᓚᐅᕐᑐᒧᑦ ᐃᓱᒪᔮᕐᓇᕐᑐᒦᑎᓪᓗᖓ ᐅᕙᓐᓂᒡᓗ ᐃᓚᕾᓐᓇᖃᑦᑕᕐᑐᒧᑦ ᓇᒧᓐᖓᕋᓗᐊᕌᖓᒪ.”

ᒎᑎᐅᓪᓗ ᐅᖃᐅᑎᕚ, “ᔧᑯᒥᒃ ᐊᑎᖃᕋᕕᑦ; ᒫᓐᓇᒥᑦ ᔧᑯᒥᒃ ᑍᔭᐅᓂᐊᕈᓐᓃᕐᐳᑎᑦ, ᐃᓴᕆᐊᓕᒥᒃ ᐊᑎᖃᕐᓂᐊᓕᕐᐳᑎᑦ.” ᑍᒤᒻᒪᑦ ᐃᓴᕆᐊᓕᒥᒃ ᑍᔭᐅᕙᓕᓚᐅᕐᐳᖅ.

ᑕᕝᕙ ᔧᑯ ᓇᖕᒥᓂᕐᒥᓄᑦ ᐃᓚᒋᔭᓕᒫᒥᓄᓪᓗ ᐅᖃᕐᐳᖅ, “ᐃᓅᖃᑎᑐᖃᕆᓐᖏᑕᑦᑕ ᒎᑎᓐᖑᐊᖏᑦ ᐱᓯᒪᔭᓯ ᐃᒋᓚᐅᕐᓯᐅᒃ; ᐃᓕᑦᓯᓐᓂᒃ ᓴᓗᒻᒪᕐᓴᕆᑦᓯ, ᐊᓯᖏᓐᓂᒡᓗ ᐊᓐᓄᕌᕐᓗᓯ.

ᒎᑎ ᔧᑯᒧᑦ ᐅᖃᕐᐳᖅ, “ᒪᑭᓪᓗᑎᑦ, ᐱᑎᓕᒧᑦ ᐂᓕᕆᑦ, ᑍᑲᓂᓗ ᓄᓇᑖᕐᓗᑎᑦ; ᑕᕝᕙᓂᓗ ᑐᓂᕐᕈᓯᕐᕕᓕᐅᕐᓗᑎᑦ ᒎᑎᒧᑦ ᐃᓕᖕᓄᑦ ᓴᖅᑭᓚᐅᕐᑐᒧᑦ ᕿᒫᑎᓪᓗᑎᑦ ᐊᖓᔪᖕᓂᑦ ᐄᓴᒥᑦ.”

ᑐᖁᓕᒑᓕᕐᓗᓂᓕ ᐊᓂᕐᓇᖏᕐᓂᐊᓕᕐᓱᓂ, ᐃᕐᓂᕐᑖᓂ ᐊᑦᓯᕐᐹ ᐱᓐ-ᐆᓂᒥᒃ; ᐊᑖᑕᖓᑕᓕ ᐊᑦᓯᕐᐹ ᐱᓐᔭᒥᓂᒥᒃ.