متّا 18の有名な聖句

シェア

چونکی هارادا ائکی و یا اوچ نفر منئم آدیمدا بئر یره ییغیلسالار، من اورادا، اونلارین آراسیندایام.»

سئزه گئنه دیئرم کی، اگر سئزدن ائکی نفر یر اوزونده ائستیه‌جکلری هر هانسی بئر شی اوچون موتّفئق اولالار، گؤیلرده اولان آتام اونلار اوچون اده‌جک.

عئسا بئر اوشاغی یانینا چاغیردی و اونو اورتایا قویوب، ددی: «دوغروسونو سئزه دیئرم، اگر سئز دؤنوب کؤرپه اوشاقلار کئمی اولمایاسینیز، گؤیلرئن پادشاهلیغینا اصلا گئره بئلمزسئنئز.

اونا گؤره، کئم اؤزونو بو اوشاق کئمی آلچاق اِتسه، گؤیلرئن پادشاهلیغیندا لاپ بؤیوک اودور.

و کئم بله بئر اوشاغی منئم آدیمین خاطئری اوچون قبول اتسه، منی قبول اتمئش اولور.

دوغروسونو سئزه دیئرم؛ یر اوزونده باغلادیغینیز هر شی، گؤیده باغلانمیش اولاجاق. و یر اوزونده آچدیغینیز هر شی، گؤیده آچیلمیش اولاجاق.

گؤیده اولان آتام دا سئزه اله اده‌جک، اگر سئزلردن هر بئرئنئز ده قارداشینیزین خاطاسینی اورَکدن باغیشلامایاسینیز.»

آمّا کئم منه ائنانان بو کئچئکلردن بئرئنی بودره‌تسه، اونون اوچون داها یاخشی اولار کی، بوینونا ائری بئر دیئرمان داشی آسیب، دهنزئن دئبئنه آتیلسین.

سئز نه گومان ادئرسئنئز؟ اگر بئر آدامین یوز قویونو اولسا و اونلاردان بئری یولونو آزسا، مگر دوخسان‌دوقّوزونو داغلاردا قویوب، ائتمئش قویونو آختارماغا گتمز؟