Lukas 2
2
Yesus lahir intu lewu Bethlehem
(Mat. 1:18-25)
1Metuh katika te Kaisar Agustus Mampalua ije parentah, manyuhu mandaftar aran uras uluh intu saluruh dunia. 2Jituh pendaftaran ije inguan metuh Kirenius manjadi wali negara intu daerah Siria. 3Maka haguet ndai uras uluh mandaftarkan arepah masing-masing intu lewu'ah kabuat.
4Kalute kea Yusuf haguet bara kota akan Kota Nazaret intu daerah Galilea Akan daerah Yudea, akan Lewu Raja Daud je ara te Betlehem awi iye ba'asal bara katurunan Raja Daud. 5Yusuf mangguang kanih akan mandaftar arepah dengan Maria awi iye jadi batunangan denga'ah tuntang jadi batihi. 6Metuh ewen intu hete sampai ndai Maria te akan manak, 7tuntang iye manak ije biti anak hatue, ije bakas, Palus imbungkus'ah umba talamping tuntang impenter'ah intu huang dulang, awi jatun huma uka ewen nyandehan.
Kawan utusan Tuhan mansanan akan kawan gembala bahwa sang Juruselamat jadi lahir
8Intu daerah sakitar Betlehem, tege pire-pire gembala je melai intu pulau uru tuntang manjaga karen domba ewen intu huang hamalem andau te. 9Salenga dumah ije biti utusan Tuhan intu tukep ewen tuntang kahalap Tuhan halendang manyangkulep ewen tuntang ewen kea uras mikeh. 10Ela mikeh, auh utusan Tuhan umba ewen: “awi je katutu'ah aku mansanan akam mu kabar bahalap mengenai kahanjak je hai tutu akan uras uluh kalunen.” 11Awi andau tuh jadi lahir akam mu Juruselamat, yete Mesias, Tuhan, intu lewu Daud. 12Tuntang tege tanda akam mu: “Ikau akan manyundau ije biti anak awau tuntang imbungkus umba talamping impenter intu huang dulang te.”
13Salenga metuh jite tagitan uras kawan utusan Tuhan te dengan are tutu kawan tentara sorga je manara Allah, auh'ah:
14“Kahalap akan Allah intu uka ije tangka gantung ah tuntang
kasanang kamangat intu bumi intu helat uluh je tumun kahandak-Ah.”
15Limbah jite, kawan utusan Tuhan te haluli akan sorga. Balalu kawan gembala te bapander sama arep ewen umba je beken: “Ayu itah mangguang kan Betlehem akan nampayah kilau je insanan Tuhan akan itah.” 16Balalu ewen capat mangguang akan lewu te. Tuntang ewen kea nanture Maria ewen due Yusuf tuntang anak awau te, metuh jite menter intu huang dulang uka ma'andak panginan metu je pelum uluh. 17Metuh ewen mananture anak awau te, ewen mangesah narai je jadi insanan utusan Tuhan akan ewen manganai Yesus te. 18Tuntang uras uluh je mahining narai je insanan kawan gembala te ewen heran. 19Tapi Maria tatap mingkes karen rahasia te intu huang atei'ah tuntang mamikir'ah. 20Maka haluli tinai kawan gembala te sambil manara tuntang menyembah Allah awi narai je inyeneh tuntang ewen nanture'ah, uras sesuai umba je jadi insanan akan ewen.
Uluh bakas Yesus manenga iye akan Tuhan intu huma Tuhan
21Metuh Yesus umur kahanya andau te Yesus inyunat sesuai dengan Hukum Musa, tuntang manampa aran'ah yete Yesus, yete aran je inyewut awi utusan Tuhan te sahindai Iye inihi indu-Ah. 22Tuntang andau katika'ah je jadi inentu awi hukum Musa akan Maria ewen due Yusuf akan manjadi Barasih jadi ilalus, maka Yusuf tuntang Maria mimbit tabelan Yesus akan Human Allah intu kota Yerusalem tuntang manyarah-Ah akan Tuhan. 23Awi tege inulis huang hukum Musa: “Uras anak hatue bakas harus inenga akan Allah,” 24tuntang manenga surungan manumun narai je insanan huang hukum Musa, Iye te ije pasang burung takukur atawa due kungan anak burung dara mangat Maria manjadi barasih secara ritual.
25Intu kota Yerusalem te tege ije biti uluh ara te Simeon. Iye te uluh ije bujur tuntang ta'at je manunggu pandumah penyalamat akan Israel. Roh Barasih tege intu hunjunah, 26Tuntang aka'ah insanan awi Roh Barasih, bahwa Iye dia akan matei sahindai iye nampayah Mesias je ijanji Tuhan je inyuhu. 27Metuh andau jite Tuhan mimbit Simeon intu huang huma Allah, katika Maria tuntang Yusuf mimbit Yesus intu kanih akan manyarah'ah akan Tuhan kilau je inentu awi hukum Musa, 28Iye manarima Yesus te tuntang mamentang Yesus sambil manara Allah, auh'ah:
29“Metuh tuh, Tuhan,
duem ih hamba-Mu tuh matei huang kasanang kamangat,
awi Ikau jadi manguan narai je jadi Ikau nyanji'ah akangku,
30awi matangku tuh jadi nanture kasalamatan je Ikau manyuhu akan manyalamat uras uluh are,
31jadi Ikau manyiapah akan inanture awi uras uluh kalunen,
32kasalamatan jituh akan manjadi kalawa je mansanan arep-Mu akan kare uluh beken Yahudi tuntang mimbit kahalap akan Umat-Mu, uluh Israel.”
33Tuntang bapa dengan indu-Ah heran tutu narai je insanan Simeon umba Yesus. 34Limbas jite Simeon memberkati kadue uluh bakas-Ah, balalu iye hamauh umba indu-Ah, Maria: “Awi Anak tuh, Allah akan mahancur uluh are intu Israel, tuntang Iye akan manyalamat uluh are intu Israel. Tuntang Iye akan manjadi ije tanda bara Allah, tapi are uluh akan malawan Iye.”
Hana manara Yesus Anak Allah
35“Hal jituh akan manjadi sahingga pikiran uluh are akan terungkap. Tuntang kapehen je hai, sama kilau pisau akan mangetu tahaseng mu kea.”
36Tinai Kea intu hete tege Hana Ije biti nabi bawi. Iye yete anak bawi bara ije biti uluh hatue je ara te Fhanuel je ba'asal bara suku Asyer. Iye jadi puna ongko ndai. Katahin uju nyelu iye belum umba bana'ah, balalu bana'ah matei. 37Balalu iye manjadi balu sampai ba'umur hanya puluh epat nyelu. Iye dia puji ngalihi Huma Allah, tuntang handau hamalem ibadah sambil bapuasa tuntang balaku doa. 38Katika Simeon bapander umba Maria tuntang Yusuf, iye dumah tuntang manara Tuhan. Iye mansanan mangenai awau Yesus akan uras uluh je jadi manunggu dengan paharap mangat Allah manyuhu Mesias akan mambebas karen uluh intu kota Yerusalem te.
39Limbas Yusuf tuntang Maria jadi manguan uras je inyuhu awi hukum Musa te, haluli ndai ewen akan kota asal ewen, yete kota Nazaret, intu daerah Galilea. 40Anak jite batambah hai tuntang menjadi kuat, are kapintar karati, tuntang kataun Allah tege umba Iye.
Katika Yesus ba'umur due belas nyelu huang Huma Allah
41Setiap nyelu uluh bakas Yesus tulak akan kota Yerusalem huang andau pesta Paskah te. 42Katika sampai waktu'ah akan pesta Paskah te, Maria tuntang Yusuf mimbit Yesus akan kota Yerusalem. Metuh jite. Metuh Yesus ba'umur due belas nyelu. 43Limbas pesta te jadi, Maria tuntang Yususf malihi kota Yerusalem akan buli akan huma. Ewen dia mangatawan bahwa Yesus jadi melai intu kota jite kabuat. 44Uluh bakas'ah ngira bahwa Iye tege intu helat uluh je nanjung umba ewen, ewen manggau Iye intu helat karen keluarga tuntang kapatuh ewen. 45Metuh ewen dia manyundau Iye, ewen haluli tinai akan kota Yerusalem, akan manggau Iye intu kanih. 46Intu andau katelu ewen manyundau Iye intu huang Huma Allah, metuh te Iye munduk intu helat uluh pintar atawa pire-pire guru hukum Musa. Iye mahining narai je ewen ajar'ah tuntang hakisek sama arep ewen. 47Uluh je manyeneh auh-Ah heran tutu awi kapintaran-Ah tuntang uras tau injawab-Ah. 48Metuh uluh bakas-Ah manyundau Iye intu kanih Ewen menjadi heran, limbas te indu-Ah bapander umba Iye: “Anak ku, ikau seharusah dia manguan hal jituh akan ikei! Bapa-Mu tuntang aku kicuh manggau Ikau.” 49Balalu Yesus manjawab'ah: “Ikau dia perlu manggau Aku. Ikau seharusah katawan bahwa Aku tuh tege intu huang huma Bapa-Ku.” 50Tapi uluh bakas'ah dia mengerti narai je insanan Yesus te.
51Limbas te Yesus buli umba uluh bakas'ah akan kota Nazaret tuntang Iye halajur manumun auh ewen. Tapi indua-Ah mingkes uras te huang atei'ah. 52Yesus batambah hai tuntang batambah pintar balalu kea inyinta awi Allah tuntang uluh kalunen.
Attualmente Selezionati:
Lukas 2: AMGV
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Manuhing Bible by Beyond Translation is licensed under Creative Commons Attribution-ShareAlike 4.0 License.
