Lukas 1
1
Tamparan
1Teofilus je bahalap, are tutu uluh je jadi ba'usaha manampa ije kesah mangenai je tege intu helat itah, 2Kilau je insanan'ah akan itah bara ewen, je bara tamparan'ah yete akan saksi mata tuntang kawan pangajar ajaran. 3Awi te Teofilus, aku jadi mangumpul'ah urasah te dengan taliti bara asal'ah, aku mandinu ije kaputusan manulisah akam mu dengan taratur, 4Mangat ikau tau mangatawan, awi narai bewei je jadi ku sanan akam mu puna bujur.
Utusan Tuhan mansanan mengenai kelahiran Yohanes Pampandui
5Metuh katika Herodes manjadi Raja intu daerah Yudea, tege ije biti uluh je ara te imam Zakharia, iye te bara kalompok kare imam je ara te Abia. Aran sawa te Elisabet kea ba'asal bara keturunan Harun imam je sulakah intu Israel. 6Zakharia tuntang Elisabet te puna bujur intu taharep Allah. Ewen due manumun uras parentah Tuhan. 7Tapi, ewen due jatun mandinu anak awi Elisabet te tamanang, awi ewen due te jadi bakas tutu.
8Huang ije katika, sampai ndai katika'ah kalompok imam Zakharia je akan memimpin intu taharep Tuhan melai Huma Allah intu kota Yerusalem. 9Awi iye jadi kana intih, kilau je biasa'ah, eweh jadi imam je bagawi, maka iye ih inyuhu tame intu huang uka Huma Allah tuntang mamapui manyan intu hunjun meja parapen. 10Metuh te kea uras umat hakumpul intu luar sambil balaku doa. Metuh jite iye mapui manyan. 11Katika jite tege ije biti uluh utusan Tuhan mamparahan arepah akan Zakharia je mendeng intu hila gantau meja uka mapui mayan te. 12Katika Zakharia mananture utusan Tuhan te, iye tarewen tuntang mikeh. 13Balalu utusan Tuhan te hamauh umba iye: “Ela mikeh, oi Zakharia, awi karen doa mu jadi ihining tuntang sawa mu Elisabet, akan manak ije biti uluh hatue akam mu tuntang ikau kea manampa ara te Yohanes. 14Ikau akan hanjak tutu, kilau te kea uluh are akan hanjak umba kelahiranah. 15Awi iye akan hai intu taharep Tuhan, iye dia inyuhu mihup anggur tuntang iye kea inguntep awi Roh Barasih nampara bara huang kanain indu'ah; 16Iye tau akan mimbit uluh Israel haluli akan Tuhan Allah ewen te. Tuntang iye akan mandohop uluh Israel akan batobat bara kare kasalan ewen. 17Tuntang iye dumah manyaselu kilau akan utusan Tuhan huang roh tuntang kuasan Elia akan manampa atei kawan bapa haluli akan kawan anak'ah tuntang atei karen uluh je durhaka haluli akan pikiran uluh je bujur tuntang iye kea manyiap umat akan Tuhan je tumun kahandak-Ah intu metuh Iye dumah.”
18Balalu Zakharia misek umba utusan Tuhan te: “Kilenampi aku mangatawa'ah narai je akan bujur-bujur tarjadi? Awi aku tuntang sawang ku jadi bakas akan manempun anak.” 19Utusan Tuhan jite manjawab auh'ah: “Arangku Gabriel je bagawi akan Allah tuntang aku ingutus akan mansanan akam mu kabar bahalap tuh mengenai anak mu. 20Jekatutuah ikau dia tau bapander sampai anak mu lahir, awi ikau dia percaya auh ku. Karen auh ku te akan manjadi tabukti intu katika je tepat.”
21Metuh jite are uluh je manunggu Zakharia. Manampa ewen heran, awi iye kalute katatahi'ah intu huang uka Huma Allah te. 22Metuh iye balua bara Huma Allah, Zakharia dia tau bapander umba ewen. Tapi ewen mangerti kea, awi iye jadi nanture ije tampayah intu huang Huma Allah te. Balalu Iye manenga tanda ih akan ewen, awi iye bisu. 23Balalu iye buli akan huma'ah awi narai je gawi te uras jadi ndai.
24Dia tahi limbas te Elisabet, sawa'ah, batihi lime bulan katahi'ah iye manyahukan arepah, 25Iye hamauh: “Tuh ampi gawin Tuhan akangku katika intu kare andau tuh Iye jadi manunjuk ah kataun-Ah tuntang wayah tuh Iye manganan kapapang ku intu taharep uluh are awi aku dia manempun anak.”
Utusan Tuhan mansanan bahwa Yesus akan lahir
26Katika Elisabet jadi batihi huang bulan je kahajawen'ah, Allah manyuhu utusan Tuhan, Gabriel mangguang ije intu daerah Galilea yete kota Nazaret, 27Mangguang ije biti uluh bawi je bujang je ara te Maria. Metuh te batunangan dengan Yusuf, bara keluarga Raja Daud. 28Utusan Tuhan Gabriel te mamparahan arepah akan Maria, iye manenga tabe: “Tabe akam mu, oi ikau je inberkat, awi Tuhan mampahayak ikau.”
29Maria takijut manyeneh auh te, iye bapander intu atei'ah, narai maksud tabe te? 30Balalu utusan Tuhan hamauh umba iye: “Ela mikeh, oi Maria, awi ikau mandinu kasinta intu taharep Allah. 31Je katutu'ah ikau akan batihi tuntang manak anak hatue tuntang kea ikau manampa ara te Yesus. 32Amun Iye jadi hai, Iye inyewut Anak Allah je pangkagantung'ah. Tuntang Tuhan Allah manenga-Iye karajaan Daud, bapa tatu hiang-Ah. 33Tuntang Iye akan manjadi raja hunjun karen keturunan Yakub sampai katatahi'ah, tuntang karajaan-Ah dia tau lepah.” 34Maria misek umba utusan Tuhan te: “Kilenampi aku tau mandinun anak, awi aku masih bujang?” 35Auh utusan Tuhan te manjawab'ah: “Roh Barasih akan muhun hunjun ikau tuntang kea kuasa Allah je pangkagantung'ah mangalindung ikau. Awi anak te inyewut barasih tuntang akan inyewut Anak Allah. 36Kilau te kea Elisabet, paharimmu te, kajahawen bulan tuh batihi kea anak hatue huang kabakas'ah, je inyewut tamanang te. 37Awi akan Allah jatun je dia tau tarjadi.”
38Balalu Maria manjawab: “Je katutu aku tuh palayan Tuhan ih, jadi ih huang aku manumun auh mu te.” Limbas te utusan Tuhan tulak mangalihi iye.
Maria tuntang Elisabet
39Pire-pire bulan limbas jite Maria tulak dengan capat mangguang ije daerah Yehuda je uka Zakharia melai. 40Intu hete iye tame huma Zakharia tuntang manenga tabe akan Elisabet. 41Metuh Elisabet mahining tabe bara Maria te, anak intu kanai'ah hanjak tutu tuntang Elisabet kea inguntep awi Roh Barasih, 42Iye hamauh dengan kahanjak umba Maria auh'ah: “Maria, hanjak ih ikau intu helat uras kawan bawi tuntang inberkat ih anak intu kanaim mu. 43Ikau yete indu Tuhanku dumah maja aku! 44Awi je katutu'ah, metuh tabe mu te hining awi pinding ku, anak je intu kanaing ku hanjak tutu. 45Tuntang hanjak ih iye, je jadi percaya, awi narai je insanan aka'ah bara Tuhan, akan terbukti.”
Nyianyian manara Allah
46Limbas te Maria manara Tuhan:
“Pambelum ku manara akan Tuhan,
47Tuntang atei ku hanjak awi Allah, Juruselamat-ku,”
48awi Iye jadi manarima ampin kakuranganku tuh.
je katutu'ah, nampara bara wayah tuh uras keturunan manyewut aku hanjak,
49Awi Je Puna kuasa jadi manguan gawi-Ah je hai akangku tuntang ara-Ah yete barasih.
50Tuntang kapasi-Ah turun-temurun akan uluh je mikeh umba Iye.
51Iye mamparahan kuasa-Ah umba ampi gawi lenge-Ah tuntang mamisah karen uluh je sombong atei'ah;
52Iye kea manenga karen uluh je bakuasa bara karajaan'ah tuntang mampagantung karen uluh je randah;
53Iye kea je manenga panginan akan uluh je bala'u,
Tuntang manyuhu uluh je tatau buhau jatun taluh je imbitah;
54Iye mandohop Israel,
hamba-Ah, awi iye mingat akan pengampunan-Ah:
55“Kilau injanji-Ah akan tatu hiang itah.”
Akan Abraham tuntang karen keturunan'ah sampai katatahiah.
56Jadi telu bulan Maria te melai umba Elisabet, Maria te buli akan huma'ah intu kota Nazaret.
Kelahiran Yohanes Pampandui
57Balalu sampai ndai katika'ah akan Elisabet manak tuntang iye kea manak ije biti anak hatue. 58Metuh kawan tetangga'ah tuntang kawan pahari'ah mahining, bahwa Tuhan jadi manenga kapasi-Ah je hai tutu aka'ah, hanjak uras ewen umba iye.
59Katika anak jite ba'umur kahanya andau, ewen dumah manyunat anak te tuntang manampa ara'ah manumun aran bapa'ah yete Zakharia. 60Tapi indu'ah hamauh: “Ela, iye harus inampa aran Yohanes.” 61Tapi ewen hamauh umba iye: “Jatun aran je kilau te intu helat kawan paharimmu.” 62Tapi ewen manenga tanda akan misek bapa'ah Zakharia eweh ara je handak inenga'ah akan anak te. 63Zakharia balaku ije buku akan nulis, tuntang Iye manulis intu buku te: “Aran te yete Yohanes.” Uras ewen hete manjadi heran narai je jadi inulis'ah. 64Metuh jite kea Allah mampahaluli jela'ah mangat tau bapander balalu iye hamauh manara Allah. 65Maka uluh je melai intu sekalilingah uras mikeh, awi peristiwa jite akan kare auh uluh intu uras daerah Yudea. 66Uluh are je mahiningah te mamikir'ah: “Anak tuh kareh belum akan manjadi uluh je puna hai atawa penting.” Awi kuasa Tuhan halajur pahayak iye.
Nyanyian Zakharia manara Allah
67Tuntang Zakharia, bapa'ah, je tege kuasa Roh Barasih intu iye hamauh:
68“Tara akan Tuhan, Allah Israel,
awi Tuhan jadi mandohop uluh intihan-Ah tuntang malekak ewen aka-Ah,
69Tuhan jadi manenga akan itah kasalamatan bara katurunan Daud,
palayan Tuhan te,
70kilau je jadi insanan-Ah bara wayah usang awi kawan nabi je barasih te,
71akan kasalamatan itah bara karen musuh itah tuntang kea bara uluh je dia rajin umba itah,
72akan mamparahan kuasa-Ah kilau umba datu hiyang itah bihin,
awi puna perjanjian Tuhan te bujur bahalap,
73yete perjanjian-Ah akan Abraham,
bahwa Tuhan akan manenga itah uluh je akan manyalamat uluh kalunen katahin itah belum,
74mangat itah, inyalamat bara lengen kawan musuh itah,
mangat kea itah tau manyembah Iye jatun angat mikeh,
75huang karasih tuntang kabujur itah belum intu taharep-Ah katahin itah belum.
76tuntang ikau kea oi anak-Ku akan inyewut nabi Allah je pangkagantung;
awi ikau jadi helu manyiap uluh intihan akan Tuhan.
77Mangat uluh kalunen tau mangatawan akan karen kasala'ah akan tau mandinu kasalamatan tuntang dinu pangampunan kasala akan ewen,
78awi pangampunan tuntang kapasi bara Allah dengan manyalamat itah.
Tuhan akan mandohop itah,
tuntang Mesias akan dumah akan itah bara sorga sama kilau matanandau lembut.
79Je akan mampalawa pambelum itah intu kakaput tuntang akan manuntun itah akan kasalamatan
Kasanang, tuntang kamangat.”
80Balalu Yohanes te batambah hai tuntang percaya umba arepah, iye melai intu pulau pasir balalu sampai ndai katika'ah iye berkhotbah akan uluh Israel.
Attualmente Selezionati:
Lukas 1: AMGV
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Manuhing Bible by Beyond Translation is licensed under Creative Commons Attribution-ShareAlike 4.0 License.
