Lukas 3
3
Yohanes Pampandui
(Mat. 3:1-12; Mrk. 1:1-8; Yoh. 1:19-28)
1Metuh jite nyelu kalimebelas Tiberius manjadi kaisar intu Roma, Pontius Pilatus manjadi Gubernur daerah Yudea, Herodes manjadi raja intu daerah Galilea, tuntang pahari'ah, Filipus, yete manjadi raja intu daerah Iturea tuntang Trakhonitis, tuntang Lisanias manjadi raja intu daerah Abilene. 2Hanas tuntang Kayafas manjadi Imam Hai intu agama, metuh wayah jite, Allah bapander umba Yohanes, anak Zakharia je melai intu pulau pasir. 3Yohanes tulak akan seluruh wilayah intu sakitar sungei Yordan tuntang berkhotbah akan uluh are: “batobat ih bara kare kasala ketun tuntang aku akan mampandui ketun, tuntang Allah akan mangampun kare kasala ketun.” 4Kilau je jadi inulis intu buku nabi Yesaya mengenai Yohanes Akan tege auh suara je ngombak kikui bara pulau pasir:
“Kilau ikau manyiapah jalan akan pandumah raja,
mempersiap arep mu akan pandumah Tuhan,
nyiapih arep mu akan hasundau umba Iye.
5Satiap luwau akan inimbuk, satiap gunung tuntang bukit akan imparata'ah,
jalan je bengkok akan impalurus'ah,
tuntang jalan je rusak akan imparasih.
6Maka uluh are akan mananture kasalamatan bara Allah.”
7Awi jite Yohanes hamauh umba uluh are je dumah mangguang iye akan impandui: “Oi ketun je ba'asal bara katurunan handipe bawisa! Eweh je mander akam mu bahwa ikau tau lapas bara hukuman Tuhan je akan dumah?” 8Jadi amun kilau te keleh ketun mawi je bahalap awi ketun jadi batobat. Ela ketun bapikir awi Abraham te bapa ketun! Allah tau manampa anak-anak akan Abraham bara kawan batu tuh! 9Katika jituh, Allah akan mahukum kare uluh je dia batobat. Amun ikau kilau kayu dia bauhat tuntang tau manenga hasil'ah bua je bahalap, Allah akan mahukum uluh jite sama kilau kayu te akan ineweng tuntang imapui.
10Amun kilau te auh'ah: “narai je saharusah ikei mawi'ah?” Kisek ewen umba Yohanes. 11Yohanes manjawab'ah: “Eweh je tege due kalambar baju, nenga ije akan je jatun baju'ah, eweh je bala'u nenga panginan aka.” 12Kawan pangumpul pajak dumah akan impandui tuntang misek kea umba Yohanes auh'ah: “Guru, narai kea je saharusah ikei mawi'ah?” 13Ela ketun: “managih je dia sasuai umba karen utang'ah umba ikau,” auh Yohanes. 14Kawan tantara kea misek umba Yohanes: “Narai je saharusah kea ikei mawi'ah? Ela manduan ayun uluh, cukup ih arep mu umba upahmu.” Auh Yohanes umba ewen.
15Uluh are bapikir, en Yohanes tuh uluh je ikei nunggu'ah, atawa iye tuh Mesias, 16balalu Yohanes hamauh umba ewen urasah: “Aku mampandui ketun dengan danum, tapi Iye je labih bakuasa bara aku akan dumah mampandui ketun umba Roh Barasih tuntang dengan apui tuntang malekak tali sapatu-Ah pun aku dia bahanyi. 17Mesias yete kilau uluh panana pamalan je Kiap hapa mamisah isi bara apis'ah jadi tege intu lenge-Ah Iye mangumpul karen parei-Ah te tuntang pantame intu karangking-Ah, tapi apis tuntang gajugu'ah akan imapui-Ah huang apui je dia tau belep.”
18Sambil maningak ewen Yohanes kea mansanan kabar bahalap akan ewen uluh are. 19Huang ije katika Yohanes puji maningak raja Herodes awi iye jadi kawin umba sawan pahari'ah Herodias, tuntang kasalan je beken, 20balalu Herodes manguan hal lebih papa tinai dengan mampatame Yohanes intu huang panjara.
Yesus Anak Allah impandui
(Mat. 3:13-17; Mrk. 1:9-11; Yoh. 1:32-34)
21Balalu uluh are jadi impandui awi Yohanes tuntang metuh Yesus impandui, balaku doa, langit tabuka 22Tuntang Roh Barasih ampin burung dara muhun lalu tingkep intu hunjun Yesus, Tege suara hamauh bara langit: “Ikau ih Anak je kasayang awing-Ku, denga-Mu bewei Aku bakahandak.”
Jereh datu hiang Yesus
(Mat. 1:1-17)
23Yesus nampara manguan gawi-Ah, metuh umur Yesus telupuluh nyelu tuntang manumun auh uluh Yesus te anak Yusuf, Eli, 24Matat, Lewi, Malkhi, Yanai, Yusuf, 25Matica, Amos, Nahum, Hesli, Nagai, 26Maat, Matica, Simei, Yosekh, Yuda, 27Yohanan, Resa, Zerubabel, Sealtiel, Neri, 28Malkhi, Adi, Kosam, Elmadam, Er, 29Yesua, Eliezer, Yorim, Matat, Lewi, 30Simeon, Yehuda, Yusuf, Yonam, Elyakim, 31Melea, Mina, Matata, Natan, Daud, 32Isai, Obed, Boas, Salmon, Nahason, 33Aminadab, Admin, Arni, Hezron, Peres, Yehuda, 34Yakub, Ishak, Abraham, Terah, Nahor, 35Serug, Rehu, Peleg, Eber, Salmon, 36Kenan, Arpakhsad, Sem, Nuh, Lamekh, 37Metusalah, Henokh, Yared, Mahalaleel, Kenan, 38Enos, Set, Adam, Anak Allah.
Attualmente Selezionati:
Lukas 3: AMGV
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Manuhing Bible by Beyond Translation is licensed under Creative Commons Attribution-ShareAlike 4.0 License.
