Lukas 12
12
Ajaran khusus akan kawan murid
(Mat. 10:26-27)
1Metuh te are tutu uluh hakumpul, balalu Yesus mansanan akan kawan murid-Ah. Auh-Ah: Barendeng-rendeng ih umba ajaran uluh Farisi, yete ewen cuma pura-pura ih. 2Awi jatun taluh je inyahukan je dia gitan atawa ingatawan. 3Jadi, narai je imbisik mu akan kakare uluh intu uka je inutup akan insanan akan uluh are, mangat uras uluh tau mahining'ah. 4Yesus malanjut auh-Ah: “Hining ih tutu-tutu, kare kawal-Ku. Ela ih mikeh umba uluh kalunen, walaupun ewen tau mampatei ikau. Tapi ewen dia tau manampa narai bewei hindai umba ikau limbas te! 5Tapi mikeh ih umba Tuhan. Awi Iye dia hanya manempu kuasa akan mampatei uluh, tapi kea manempu kuasa akan namean ewen intu neraka. Yoh, Aku hamauh dengam mu, Allah jite ih ije-ije je harus ikau mikeh'ah! 6Dia kah ikau ngatawan bahwa lime kungan burung je kurik injual dengan rega due kabawak tembaga? Tapi, Allah dia puji nagalapean ije bewei bara ewen! 7Tapi, Allah labih mamikir Ikau! Awi Ikau labih barega bara kare burung je kurik. Jadi ela ih mikeh. Tuhan katawan satiap balau je intu kulukmu. 8Aku mansanan akam mu: Amun uluh mangaku secara terbuka intu taharep uluh are bahwa iye ayung-Ku, maka Aku, Anak Kalunen kea akan mangaku secara terbuka intu taharep kawan utusan Tuhan bara Allah bahwa uluh tuh yete ayung-Ku. 9Tapi sebalikah, eweh bewei je mansanan akan uluh beken secara terbuka bahwa iye dia ayung-Ku, maka Aku kea mansanan akan kawan utusan Tuhan bara Allah bahwa iye dia ayung-Ku. 10Awi Allah tau mangampun eweh bewei je mahina Aku, Anak Kalunen, tapi Iye dia akan mangampun eweh bewei je mahina Roh Barasih-Ah. 11Amun uluh are manekap Ikau tuntang manaharep ikau akan kawan imam huma Ibadah atawa intu taharep kawan gubernur atawa kea penguasa. Ela mikeh kilenampi Ikau mambela arep mu atawa narai je insananmu. 12Awi tege Roh je Barasih mansanan akan ketun je harus ketun sanan'ah.”
Uluh tatau je humung
13Ije biti uluh bara kakaren uluh te hamauh umba Yesus: “Guru, sananih akan paharingku mangat manenga akangku bagian ramu je ngalihi bapa ikei.” 14Tapi Yesus manjawab auh uluh te: “Eweh kah je manenga akang-Ku kuasa mangat manjadi hakim atawa mambagi panatau akan ketun due?” Jatun. 15Hamauh tinai Yesus umba uluh are: “Barendeng-rendeng ih manjaga arep mu bara uras macam kasarakahan. Awi tujuan pambelum ewen dia inentu huang kakaren panatau je ikau tempu.”
16Balalu Yesus mansanan akan ewen ije suntu: “Tege ije biti uluh tatau je manempu hasil tana'ah je are tutu. 17Iye bapikir huang atei'ah narai je harus iye nguan'ah, awi iye jatun uka mandak hasil tana'ah 18Balalu Iye mamutus'ah akan mangganti karangkingah akan manampa karangking je taheta tuntang hai, tuntang intu hete iye mandak parei tuntang karen barang je beken. 19Limbas te iye mangkeme kamangat awi uras barang'ah iandak akan banyelu-nyelu. Iye tau belum dengan mangat walaupun iye dia bagawi. Iye tau kea kuman mihup tuntang manguan pesta sakahandak atei'ah. 20Tapi limbas te Allah hamauh umba iye, ikau tuh uluh je humung! Alem tuh ikau akan matei. Limbas te narai je jadi ikau mandakah akan kabuatmu tau manjadi akan uluh are, je dia ikau tempu ndai! 21Awi te akibatah uluh je manggau panatau aka kabuat ih, tapi iye uluh je susah intu taharep Allah.”
Ela mikeh tuntang percaya ih umba Tuhan
(Mat. 6:25-34)
22Awi te Yesus mansanan akan kawan murid-Ah: “Ela ih mikeh umba pambelum ketun, tuntang karen panginan, umba biti bereng ketun, tuntang karen baju pakayan ketun.” 23Awi pambelum mu te puna perlu bara panginan, biti bereng te puna perlu bara pakayan. 24Ture ih ketun kawan burung kaak je dia malan manana, tatap inpakanan awi Allah. Mahi ndai ketun je uluh kalunen labih bara kawan burung te! 25Awi pambelum mu lebih penting bara panginammu. Bitim mu lebih penting bara pakayan je ikau hapa'ah. 26Jadi, amun ketun dia ulih manguan gawi je isut, tapi buhen ikau mikeh umba masalah je beken? 27Coba mikir'ah tuntang nantureah kilenampi kambang te belum. Ewen dia bagawi. Ewen dia manampa pakayan ewen kabuat. Tapi Raja Salomo, je puna tatau, mahapan pakayan dia sama kahalapah dengan kare kambang te. 28Allah jadi manenga kahalap akan kare uru je belum intu petak, walaupun sanjulu ih sahindai inganan intu apui. Oi, ikau kurang percaya, dia kah Iye je lebih pasti akan marawatmu. Awi ikau ih je kurang percaya. 29Awi te ela mikeh narai je akan panginammu. Je ikau merluah. Awi te ela mikeh awi Tuhan akan manyadia'ah akam mu. 30Awi kare uluh je beken kia mamikir hal jite, tapi Allah jadi mangatawan keperluan Mu te. 31Awi te, mikir ih narai je tau ikau nguanah akan Karajaan Allah. Metuh ikau manguan te, Tuhan akan manyadia uras'ah akam mu.
32Ikau yete kalompok kurik kare murid-Ku. Ela mikeh, awi Bapamu je intu sorga dengan kahanjak atei manenga karajaan-Ah akam mu.
33Awi te, jual ih narai je ikau tempu tuntang duit nenga akan ewen je memerlu'ah. Ngumpul ih panatau akam mu kabuat intu sorga. Awi tabungan intu sorga dia tau manjadi rusak atawa nihau. Intu sorga, maling tuntang gagat dia tau mahancur tabunganmu. 34Awi intu kueh panataumu te tege intu hete kea ateimu tege.
Basiap ih akan pandumah Yesus haluli
(Mat. 24:43-51)
35Tuntang Yesus malanjut auh-Ah: “Basiap ih halajur umba Aku, sama kilau kare pembantu je mahapan pakayan akan bagawi dengan sumbu je balawa. 36Jadi ih sama kilau pembantu je manunggu tuanah dumah bara pesta kawin. Awi katika iye dumah tuntang mangatuk baun tunggang, ewen capat mambuka baun tunggang aka'ah tuntang manyambutah. 37Katika tuan ewen te dumah tuntang nanture kawan pembantuah uras misik akan manyambut pandumah'ah, iye hanjak tutu umba ewen. Aku jamin pasti iye mapahapan pakayan bagawi, tuntang manyuhu ewen munduk tuntang manyurung panginan. 38Bahkan amun tuanah buli bentuk alem atawa tampalawei, metuh te iye nanture kawan pembantu jadi misik tuntang siap akan manyambutah, iye hanjak tutu umba ewen. 39Tuh yete suntu je beken je tau ikau mikir'ah. Amun je tempun huma te ngatawan pea maling akan dumah, iye akan tatap akan batawat tuntang dia nantalua maling te tame huma'ah. 40Kilau te kea ikau, harus halajur siap awi Aku, Anak Kalunen, akan dumah haluli je dia ikau ngatawanah.”
41Balalu Petrus misek umba Yesus: “Tuhan, naraikah maksud suntu jituh en hanya akan ikei bewei atawa akan uras uluh je mahining auh-Mu?” 42Tuhan manjawab, Aku mansanan hal jituh akan uras uluh. Jadi ih sama kilau ije biti pembantu je harati tuntang tau impercaya je ulih inyuhu awi tuanah akan mangurus pembantu je beken tuntang manenga panginan akan ewen. 43Limbas pire-pire waktu, metuh tuanah haluli akan huma, iye nanture ketua kare pembantu jadi manguan gawi je bahalap, maka tuanah hanjak tutu umba iye. 44Aku mansanan akam mu sabujur'ah aku hamauh dengam mu, bahwa tuanah akan mangankat iye manjadi penguasa umba kare ramuah. 45Tapi, amun iye mamikir tahi tutu tuanah akan dumah intu huma'ah, balalu iye nampara mawi uras pembantu je beken. Iye mungkin akan nampara pesta tuntang babusau dengan anggur. 46Balalu limbas te tuanah dumah huang ije andau je sama je dengan salenga. Tuanah akan mahukum dengan karas tuntang manyuhu iye bakumpul umba kare pembantu je beken je dia taat.
47Pembantu je jadi mangatawan kahandak tuanah tapi dia basiap-siap, atawa dia manguan narai je kahandak tuanah, iye akan imukul dengan karas. 48Tapi pembantu je dia mangatawan kahandak tuanah tuntang manguan narai je seharus'ah akan mandinu hukuman je isut. Bara satiap uluh je jadi inenga are, are kea je inentu awi tuanah. Bara uluh te, kalute kea akan uluh inenga are akan inentu lebih are tinai.
Uluh are manantang sama arepah awi ajaran Yesus
(Mat. 10:34-36)
49Balalu limbas te Yesus hamauh, Tujuang-Ku dumah akan dunia tuh yete akan mampelum apui intu helat uluh kalunen. Tuntang Aku puna baharap apui te jadi manjalak! 50Tapi sahindai hal te tarjadi, Aku harus manarima kapahen je babehat. Tuntang Aku akan pehe sampai uras'ah lepah. 51Awi te ela bapikir bahwa pandumah-Ku akan bumi tuh tau mimbit kamangat intu helat uluh kalunen. Sebalikah, Aku dumah akan manampa kasabak intu helat uluh kalunen. 52Nampara bara wayah tuh, amun tege lime biti huang ije kaluarga, ewen tau saling bakalahi. Telu biti malawan due biti, tuntang due biti malawan telu biti, awi Aku. 53Akan tege kasabak antara bapa tuntang kawan anak hatue'ah, indu tuntang anak je bawi, empu je bawi tuntang manantu je bawi, awi Aku.
Memperkira kahapus zaman
54Hamauh tinai Yesus umba uluh are: Amun ikau nanture baun andau hila pambelep, pasti ikau hamauh: “Andau handak ujan!” Tuntang jite ih je tarjadi. 55Tuntang metuh riwut dumah bara hila pambelum, ikau pasti hamauh, andau akan mandang, tuntang jite ih je tarjadi.
56Puna ketun tuh uluh je pura-pura! Ikau tau maramal ampin kare cuaca intu petak tuntang langit. Tapi buhen ikau dia tau mangerti tujuan bara peristiwa je metuh tarjadi wayah tuh? 57Ikau kabuat je harus mambeda'ah narai je harus ikau nguanah. 58Amun ije biti uluh manuduh ikau tuntang mimbit akan pengadilan, nguanih uras je tau ikau mayalesai'ah masalah huang perjalanan akan pengadilan. Amun dia, iye akan mimbit ikau intu taharep hakim tuntang balalu manyarah ikau akan intu penjara. 59Aku mansanan akam mu, ikau harus mambayar uras kare utangmu sahindai ikau balua bara penjara.
Attualmente Selezionati:
Lukas 12: AMGV
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Manuhing Bible by Beyond Translation is licensed under Creative Commons Attribution-ShareAlike 4.0 License.
