Lukas 13
13
Yesus manyuhu uluh are akan batobat atawa ewen akan matei
1Intu katika jite pire-pire biti uluh mansanan kabar akan Yesus manganai narai je jadi tarjadi umba karen uluh Galilea, tuntang Gubernur Romawi Pilatus manyuhu ewen akan impatei, metuh ewen manampa surungan akan Tuhan. 2Yesus manjawab auh ewen te: “Ela Ikau mangira uluh Galilea tuh labih are kasala'ah bara uras uluh bara daerah Galilea je beken, awi ewen sama mangkeme kapehen te? 3Tapi Aku mansanan akam mu Dia! Tapi amun ikau dia batobat, ketun uras akan hancur kilau jite kea. 4Kilen nampi je hanya belas uluh je matei penyet tugu tukep Siloam te? Enkah manurut ketun labih are kasala'ah bara uras uluh je melai intu Yerusalem? 5Tapi Aku mansanan akam mu Dia! Tapi amun ketun dia batobat bara kare kasalammu umba Allah, ketun uras akan matei.” 6Balalu Yesus mansanan ije suntu akan ewen. Tege ije uluh hatue je manamepun kayu ara intu kabun anggur'ah. Katika sampai waktuah Kayu ara te mamua, balalu iye tulak akan mananture Enkah bua ara te tege, tapi iye dia manyundauah. 7Maka, iye hamauh umba uluh je mangurus kabun anggur te: Hining, jadi telu nyelu aku akan hetuh manggau bua ara intu kayu ara tuh, tapi aku dia manyundau bua narai bewei, awi te, neweng ih Kayu ara tuh! Ela manantaluwa Kayu te marusak petak. 8Pengurus kabun te manjawabah: Tuan, duem ih iye belum akan nyelu harian tuh, aku akan mamparasih kalilingah tuntang aku akan mamupukah. 9Amun Kayu jite mamua intu nyelu harian kareh, maka akan labih bahalap, tapi amun dia, maka aku akan maneweng Kayu te akam mu.
Yesus mampakeleh uluh haban intu andau sabat
10Katika andau Sabat, metuh Yesus majar kare uluh intu ije huma ibadah. 11Intu hete tege ije biti uluh bawi dia tau mananjung je katahi'ah jadi hanya belas nyelu iname awi roh je papa sampai iye haban hajongkong dia tau mendeng je lurus. 12Yesus nanture bawi te, balalu manantehau'ah tuntang hamauh umba iye: “Oi uluh bawi je inyinta, hetuh ikau Allah jadi mampakeleh kahaban mu.” 13Balalu Yesus mandak lenge-Ah hunjun bawi te. Metuh jite kea, bawi te tau mendeng sambil hamauh manara Allah awi iye jadi impakeleh. 14Tapi imam huma ibadah te malait Yesus awi mampakeleh uluh huang andau Sabat. Maka iye bapander umba uluh are: “Tege jahawen andau huang ije minggu akan itah manguan karen gawi. Awi te, dumah ih intu andau je beken ela huang andau Sabat.” 15Tapi Yesus manjawab auh uluh jite, auh-Ah: Oi kawan kalunen je pura-pura ih, satiap uluh mampalua karen pambelumah bara karambang'ah satiap andau Sabat, tuntang mimbit balua mangguang uka panginan'ah. 16Jadi, dia sala akan mampakeleh bawi tuh bara panyakitah intu andau Sabat. awi, iye yete anak bawi Abraham, tuntang roh je papa jadi manampa iye dia tau mananjung je katahi'ah jadi hanya belas nyelu. 17Metuh Yesus mansanan hal jite, ewen uras manjadi mahamen tuntang uluh are hanjak tutu awi uras gawi te bahalap je jadi Yesus nguan'ah.
Due suntu mengenai Karajaan Allah
(Mat. 13:31-33; Mrk. 4:30-32)
18Tinai Yesus hamauh: “Aku akan manenga ije suntu mengenai Karajaan Allah akam mu tuntang kilau narai Karajaan te. 19Hal tuh sama kilau bawak sawi je uluh mangimbul tuntang inawur intu kabun'ah. Bawak sawi belum manjadi hakayu hai, tuntang uka kawan burung intu langit manampa saranga'ah huang satiap edanah.” 20Tuntang Yesus hamauh tinai: “Aku akan manenga ije suntu mengenai Karajaan Allah akam mu. 21Jituh sama kilau ragi je induan ije biti uluh bawi tuntang inyampur intu huang tepung sampai mangamir urasah.”
Eweh je akan inyalamat
22Katika Yesus mananjung mangguang kota Yerusalem umba kawan murid-Ah, Yesus majar karen uluh intu kota tuntang karen lewu intu salama perjalanan'ah.
23Balalu tege ije biti uluh mamisek umba Yesus: “Tuhan, enkah cuma pire-pire uluh bewei je akan inyalamat?” 24Yesus manjawab akan uras uluh je tege intu hete, karajaan Allah jite sama kilau ije huma je baun tunggangah seke. Ikau harus ba'usaha karas akan maname baun tunggang jite salagi masih tabuka. Aku mansanan akam mu bahwa are uluh handak maname intu hete. Tapi ewen dia akan tau manangkalauah. 25Awi amun je tempun huma te jadi hingkat tuntang jadi manutup batunggang te, ikau je intu luar mangatok huma te sambil mantehau, Tuan, mbuka tuh akan ikei huma! Tapi tempun huma te manjawab tuntang hamauh umba ikau, Aku dia mangasene ikau. 26Balalu kea ketun akan manjawab'ah, tapi Guru, ikei tuh je puji kuman mihup umba Ikau. Tuntang Ikau kea puji majar intu kare jalan kota ikei. 27Tapi Iye hamauh tinai umba ikau, Aku puna dia mangasene ketun tuntang bara kueh asalmu. Buhau ketun bara taharep-Ku, oi ketun uluh je manguan kapapa! 28Katika jite ikau akan manangis tuntang karit kasinga huang kasingi, nanture Abraham, Ishak, Yakub, tuntang uras kawan nabi intu huang karajaan Allah te, tapi ikau dia tau tame akan huang te. 29Tuntang are uluh beken Yahudi akan dumah bara uras dunia akan kuman intu pesta Karajaan Allah. 30Tege pire-pire uluh je manempun uka'ah penda intu huang pambelumah metuh tuh je akan manempun uka je gantung intu harian andau, tuntang tege kea je manempun uka'ah gantung metuh tuh akan manempun uka je paling penda intu harian andau.
Kasih Yesus akan Yerusalem
(Mat. 23:37-39)
31Katika jite kea pire-pire biti uluh Farisi dumah tuntang hamauh umba Yesus: “Ikei maningak Ikau akan buhau bara hetuh, awi Herodes, je bakuasa, marancang akan mampatei Ikau.” 32Yesus manjawab auh ewen, Tulak ih tuntang sanan akan Herodes je licik sama kilau serigala te. Sanan aka'ah, Aku akan mandari roh je papa tuntang mampakeleh uluh te huang waktu je singkat, tuntang Aku akan capat mampajadi gawing-Ku. 33Kilenampi bewei, Aku harus malanjut perjalanan-Ku salama pire-pire andau hindai akan sampai intu kota Yerusalem awi luka'ah yete uka intu kueh satiap nabi harus matei 34Oi! Ketun masyarakat Yerusalem! Aku puna pehe atei dengan ketun! Awi ikau tabiasa mampatei kare nabi je inyuhu Allah akam mu dengan mamedak ewen dengan batu sampai matei! Aku rancak tutu handak mameluk ikau dengan segah, sama kilau indu manuk je mameluk kare anak ah intu penda palapas'ah, tapi ikau dia manyuhu Aku! 35Hining ih, huma ibadah akan kana lihi awi Tuhan. Ikau tau yakin bahwa ikau dia akan puji mananture Aku hindai sampai ikau hamauh: Yo itah manara Iye je dumah dengan kuasa Tuhan!
Attualmente Selezionati:
Lukas 13: AMGV
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Manuhing Bible by Beyond Translation is licensed under Creative Commons Attribution-ShareAlike 4.0 License.
