2CO 13
13
मी विश्वासदी पारख शेयना
1इप्पुड निन तिसरातुक मी तीकुड वस्तुनान. इद्दार लेकाते मुग्गुर साक्षीदारला नोरता प्रत्येक शब्द सिद्ध आय्यी. 2यल्ला निन यप्पुड दुसरा तुक मी जताक उंटीन, आल्ले इप्पुड धुराम उंडी आ मंदीक यवार पहिला पाप शेशीनीर, इंगा बाकी मंदीक इप्पुड पहिलाने शपतान की, जर निन वापस वस्तीन तर वारकी खरेमे दंड इच्यान. 3येनटीक की ना तीकेल ख्रिस्त माटलाडताड दिनदी प्रमाण मिक बेक; वाड मी बद्दल कमजोर लेड पण मी लोना सामर्थी उंडाड. 4येनटीक की जरी कमजोरीला वान क्रुस मिंदा खिळाशेदेंक वच्या तरी परमेश्वर सामर्थ्यता वाड जित्ता उंडाड इंगा जरी दांटल्या मिम पण कमजोर उंडाम पण मिम परमेश्वर सामर्थ्यता मी इचांग, वान जताक जित्ता उंड्याम.
5इदी सुशेदेंक स्वताद पारख शेयना#13:5 स्वताद पारख शेयना पौल करिंथलोन विश्वासी मंदीक आत्म-परीक्षण शेशेदेंक उत्तेजन इस्ताड की वारदी विश्वास खरेम उंडाद का लेद की मीर विश्वासला उंडार का लेद; स्वताद परीक्षा तिस्कोंडा. मिक यरका लेद येम की येशु ख्रिस्त मी लोना उंडाड? यरका लेकुंटे तर मंग, मीर परीक्षाला नापास आयनोर उंडार. 6नाक आशा उंडाद की, मिम परीक्षाला यल्लाच कालेद इदी मीर ओळखाशार. 7मिम परमेश्वर देगार इल्ला प्रार्थना शेस्ताम की मीर येमीच वाईट शेयाराद; मिम इ परीक्षाला नापास आयनोर जरी कमस्ते तरी येम शिंगार उंडाद आद्दे शेयना. 8येनटीक की मिम खरेम विरुद्ध येमीच शेयाम, तर खरेम इचांग शेस्ताम.
9यप्पुड मिम कमजोर उंडाम इंगा मीर बलवान उंडार आप्पुड मिम आनंद शेस्ताम इंगा मीर परिपुर्ण कावाला आंका प्रार्थना शेस्ताम. 10दिनिचांग इ माटलु निन पत्रला रास्तुनान की, यप्पुड निन मी देगार वच्यान तर नाक आ अधिकारदी उपयोग कडकपणे शेशेद फनी फडाराद, याद प्रभुड मिद नाश शेशेदेंक लेद तर आत्मिक उन्नती इचांग इच्चीनाड.
आशिर्वाद इंगा समाप्ती 13:11-14
आखरीद दंडाम इंगा आशिर्वाद
11आखरीक, हे आक्का तम्मुळ्ळालाला, आनंद शेयना परिपुर्ण आयकेन फोंडा, वगामेगारकी उत्तेजन इंडा. मीर वगा मनटोर कांडा इंगा शांतीता निलना इंगा प्रेम इंगा शांतीटोड परमेश्वर मी जताक उंडाला. 12प्रेमता शेतल्या शेय इच्ची#13:12 रेमता शेतल्या शेय इच्ची पवित्र मुत्ता (सुरुवाती मंडळीला पवित्र मुत्ता इदी वगाट सामान्य दंडाम उंड्या, इदी मुत्ता विश्वासी मंदी नडमुडदी प्रेम, एकता इंगा संगतीद प्रतिक उंड्या, याद शंपाक लेकाते नत्ती फन्या मिंदा इद्दुर) वगामेगारकी दंडाम शेयना.
13मिमलान आंदार परमेश्वर मंदी सलाम आंटार.
14प्रभु येशु ख्रिस्तद कृपा, परमेश्वरदी प्रेम इंगा पवित्र आत्माद सहभागीता मी आंदार जताक उंडाला. आमेन.
Attualmente Selezionati:
2CO 13: WNT
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi