GAL 1
1
ओळख — 1:1-10
दंडाम
1-2निन पौल ना जताक उंडीने आक्का तम्मुळ्ळा जताक गलती शहरलोन मंडळीलाक इदी पत्र रास्तुनान; मंदी तीकेल लेकाते मनशी तीकेल लेद, तर येशु ख्रिस्त तीकेल इंगा यवाड येशुन सच्चीनोर लोन्केल जिवंत शेशा वाड परमेश्वर आब्बाड, वान तीकेल निवडाशिनोड निन प्रेषित उंडान. 3मिम प्रार्थना शेस्ताम की मना परमेश्वर आब्बान तीकेल इंगा मना प्रभु येशु ख्रिस्तन तीकेल मिक कृपा इंगा शांती उंडाला. 4मना परमेश्वर आब्बान इच्छा लेका, इ वर्तमान दुष्ट युगकेल मनालनी इडपीच्चेदेंक, प्रभु येशु ख्रिस्तड मना पापला इचांग स्वतान इचकाड्या. 5परमेश्वर आब्बानकी युगानयुग गौरव उंडाला. आमेन.
6नाक आश्चर्य वाटास्ताद की, यवाड मिमलान ख्रिस्तन कृपाला फिल्चीनाड वान तीकेल, इंता लग्गान, मीर इंगोगो शुभवर्तमान तीकुड तिरगीनार. 7इंगोगोट यादुच शुभवर्तमान लेद; पण मिमलान घोटाळाला केडपेतोर इंगा ख्रिस्तन शुभवर्तमाननी बिगडाय मतेदेंक सुशेतोर इल्ला यंता तरी मंदी उंडार. 8पण याद शुभवर्तमान मिम मिक शप्पीनाम दान काना अलग शुभवर्तमान जर मिम शपतीम लेकाते स्वर्गलेल वच्चीनोड स्वर्गदुत पण शप्या, तरी वाड शापित उंडाला. 9यल्ला मिम पहिला शपतीम आल्ले मिम इंगा शपताम की, यवाड मिक, येम मीर स्वीकार शेशीनार दान काना, अलग शुभवर्तमान मिक शपताड वाड शापित उंडाला.
10निन इप्पुड मन्सुला लेकाते निन परमेश्वरदी कृपा शिक्केदेंक प्रयत्न शेस्तुनान येम? निन मनसुलान खुश शेशेदेंक सुस्तुनान येम? निन इप्पुड नंताक मनसुलान खुश शेस्का उंडीन्टे तर निन ख्रिस्तन दास लेकुंटुटीन.
शुभवर्तमानदी प्रमाणिकरण — 1:11—2:21
11येनटीक की, हे आक्का तम्मुळ्ळालाला, निन मिक शपतान की, निन मिक याद शुभवर्तमान शप्पीनान आदी मन्सुल शप्पीनार इल्ला लेद. 12येनटीक की आदी नाक मन्सुला तीकेल शिक्कालेद आल्ले आदी नाक यवार नेरपा पण लेद; तर येशु ख्रिस्तन प्रगटीकरनता आदी नाक शिक्या. 13मीर ना, यहुदी धर्मलोन, पहिला जीवन बद्दल इनीनार की, निन यल्ला परमेश्वर मंडळीक शेंगेम त्रास इच्ची दानदी नाश शेयदुन. 14इंगा निन ना आब्बा तातागार रितीला बद्दल शेंगेम जास्त उत्साही उंटीन दिनिचांग ना वयटोर मंदी काना निन यहुदी धर्मला मुंदारकी फोइंटीन.
15पण या परमेश्वर नन्नु आम्मा कडपु लोन्केल अलग शेशा इंगा वान कृपाता नन्नु फिलच्या, वानकी यप्पुड शिंगार वाटाशा की, 16वान कोडकुन ना लोना प्रकट शेयाला, आंटे यहुदी लेनोर मंदीला निन वानदी शुभवर्तमान शप्पाला आप्पुड निन यादुच मनशीद सल्ला तिस्कुनालेद, 17इंगा ना काना पहिला यवार प्रेषितलु उंडीर वार तीकुड यरुशलेम शहरकी फोलेद पण निन लगेच अरबस्तान देशामकी यल्ली फोयतीन इंगा आंदुकेल दिमिष्क शहरकी वापस वस्तीन.
18मुंदारकी, मुड यंडला नंतार, निन कैफान भेटाशेदेंक यरुशलेम शहरकी फोयतीन इंगा पंधरा दिवस निन वान देगार निलस्तीन; 19पण प्रभुन तम्मुड याकोबनी इडशी निन इंगोगो प्रेषितला लोन्केल यवारनीच सुडालेद. 20निन याय माटलु मिक इ पत्राला रास्तुनान, तर सुडना, परमेश्वर मुंदार निन खोटा माटलाडाक वच्चीनान. 21मंग निन सिरीया इंगा किलकीया प्रांतलोंग वस्तीन. 22इंगा ख्रिस्तला उंडीनोर, यहुदीया प्रांतलोन मंडळीलाक निन अनोळखी उंटीन. 23वारकी इंते इनीनीर की, “पहिला माद छळ शेशी यवाड विश्वासदी नाश शेयदु दानदी वाड इप्पुड सुवार्ता शपतुनाड.” 24इंगा वार ना बद्दल परमेश्वरदी गौरव शेशेदेंक आंटीर.
Attualmente Selezionati:
GAL 1: WNT
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi