2CO 12
12
पौलदी स्वर्गीय दृष्टांत
1निन अभिमान शेशेद शिंगार लेद पण नाक शेयाबेक आयताद, आंका इप्पुड निन प्रभुन दर्शन इंगा प्रकटीकरण बद्दल शपतान. 2निन ख्रिस्तला वगा मनशीन गुरतु फटतान; वाड चौदा वर्ष पहिला (फयला का फय बैट्या इदी नाक यरका लेद, परमेश्वरकी यरका उंडाद) तिसरा स्वर्ग #12:2 तिसरा स्वर्ग स्वर्ग लेकाते परमेश्वर निलचेद जागा, याद फैनुड मोडाम काना फैनिक उंडाद नंताक एका फोयेदेंक वच्चीन्या. 3वाड नाक यरका उंडाड इंगा आ मनशी (फयला का फय इडशी अलग इदी नाक यरका लेद, परमेश्वरकी यरका उंडाद) 4आ मनशीन सुखलोकलोंग येकेन फोईर इंगा आ मनशी यटला बद्दल माटलाडेद पण बरोबर लेद इल्ला वाक्य इन्या. 5दिनिचांग निन इ मनशी बद्दल अभिमान शेशान, पण स्वता बद्दल शेयाक फोयान, तर फक्त ना कमजोर माटलाद अभिमान शेशान.
6जर नाक अभिमान शेशेद उंटे, तर निन इल्ला शेशेदेंक मुर्ख कान, येनटीक की निन येम खरेम आदी माटलाडतान; येनटीक की नाक वाटायाद की यवाडाना ना जीवनला येम पण सुस्ताड लेकाते इंटाड दान काना जास्त वाड नन्नु मानायाराद.
पौल फयला मुल्लु
7पण नाक याय अद्भुत प्रकटीकरणलु शिक्या, आटला इचांग निन जास्त अभिमान शेयाराद आंका, ना फयला वगाट मुल्लु#12:7 फयला वगाट मुल्लु वगाट गुपित संकट, याद पौलनी नम्र बनायमती फेटदु; यादाना बिमारी लेकाते छळ उंडी इच्चेदेंक वच्चीनाद, आदी नन्नु मतेदेंक इंगा जास्त अभिमान शेयाराद आंका थांबाय मतेदेंक शैतान दुत रुपला फनी शेस्ताद.
8ना लोनीकेल आदी यल्ली फोवाला आंका निन प्रभुनकी दीन बद्दल मुड तुकुल विनंती शेस्तीन. 9इंगा वाड नन्नु आन्या की, 'नाद कृपा नी इचांग शेंगेम उंडाद, येनटीक की कमजोरीला नाद सामर्थ्य सिद्ध आयताद,' दिनिचांग, शेंगेम आनंदता, निन ना कमजोरीला अभिमान शेशान, दिनिचांग की ख्रिस्तद सामर्थ्य ना मिंदा उंडाला; 10इंगा दिनिचांग ख्रिस्तन इचांग बिमारीला, अपमानला, संकटला, छळला इंगा दुखला निन आनंदीत आयतान येनटीक की निन यप्पुड कमजोर उंटान आप्पुडे बलवान उंटान.
फेर फेट्टी पण पौलदी करिंथलोन मंदी इचांग प्रेम
11निन मुर्ख बनास्तीन, इल्ला बनाशेदेंक मीर नन्नु मजबुर शेस्तीर; खरेम सुस्ते तर, मीर नाद प्रशंसा शेयाबेक उंटीर येनटीक की निन येमीच लेकुन्ना, तरी आ महान प्रेषितला काना निन यादुच माटलाला कमी लेन. 12वगा प्रेषिती खरेम चिन्हल, अद्भुत फनुल इंगा सामर्थ्य फनुल मी मंदी नडमा शेंगेम सहनशीलता जताक शेशेदेंक वच्या. 13येनटीक की निन नाद भोरु मी मिंदा येयालेद, इ वगा माटा इडशी मीर इंगा इंगोगो या माटलाला इंगोगो मंडळी काना कमी उंडार? ना इ अपराधनी क्षमा शेयना.
14सुडना, निन तिसरातुक मी तीकुड वच्चेदेंक तैयार उंडान इंगा मी मिंदा भोरु येयाक फोयान ; येनटीक की नाक आदी बेकालेद येम मी देगार उंडाद, नाक तर मीर बेक, येनटीक की बिळ्ळु आम्मा-आब्बान इचांग जमा शेयाराद पण आम्मा-आब्बानकी बिळ्ळा इचांग जमा शेशी फेट्टाबेक. 15निन मी आत्माल इचांग शेंगेम आनंदता खर्च शेशान इंगा स्वता खर्च आय्यान. निन मी मिंदा शेंगेम प्रेम शेस्तान आंका मीर ना मिंदा कमी प्रेम शेस्तार येम?
16इल्ला आय्यी शकास्ताद की निन मी मिंदा भोरु येयालेन, पण निन हुशारीता मिक धोका इच्ची फसाय मततीन. 17निन मी तीकुड यवारनी आंपतीन, इल्ला यवाराना तीकेल निन मिद फायदा तिस्कुंटीन येम? 18निन तीतकी विनंती शेस्तीन, मिम मा वगा तम्मुन वान जताक आंपतुनाम. तीत मी तीकेल फायदा तिस्कुन्या येम? मिम वक्का आत्माता नडवा लेद येम? वक्का चालता नडवा लेद येम?
19हे प्रिय मंदीलाला मिक इयाड नंताक वाटास्तुन्याला की मिम मी इचांग माद समर्थन शेस्तुनाम, मिम तर परमेश्वर मुंदार फेट्टी ख्रिस्तला माटलाडतुनाम, आन्नी माटलु मी उन्नती इचांग उंडाय. 20येनटीक की नाक यरपु आयताद की, यप्पुड निन मी तीकुड वच्यान आप्पुड मीर नाक आल्ला कमसा राद, यल्ला नाक सुशेद उंडाद; इंगा मीर पण नन्नु आल्ला सुडाराद यल्ला मिक नन्नु सुशेद उंडाद. नाक यरपु उंडाद की मी नडमा नाक कदाचित जगडाल, ईर्ष्या, कोफाम, विरोध, अपमान, कुरकुर, घमंड, अफवा इंगा गोंधळ कमसा राद. 21लेकाते निन वापस वच्यान आप्पुड ना परमेश्वर मी मुंदार नन्नु नम्र शेशी इंगा यवार पाप शेशी वार शेशीने अशुद्ध फनीद, व्यभिचारदी इंगा शारीरिक पापदी यवार पश्चात्ताप शेयालेद इल्लोन शेंगेम मंदी इचांग नाक येडवा बेक आय्यी.
Attualmente Selezionati:
2CO 12: WNT
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi