Sak 1
1
Bambolu
1Mugaande wuwu, wutseteende nde me Sake, musalitsi wu Nzambi ne wu Fumu Sesu Wusoolu ne Nzambi. Magoneveege bambolu gu digumi ne bibaandu bi beyi bi Israel bipanzige mu buloongu.
Wubile ne muginyinyi mu gitu
2Baane ba Tayi, ve kabili yenu ne minoongu minoongu mi maguge, bilanu ne mbili yinyunge; 3mumbare yenu diyatsi re, gitu gyeenu ga gigwaarile mu dimaangu, dimaangu dyene digubage muginyinyi. 4Ne vane, diyelile mure muginyinyi wenu wukebile kwanga ne gu disukusulu, mure yenu dikebile bayelimine guga dyaambu dibive, ne dikerebunu yivaave nisi gimoosi. 5Ga wumoosi ve ganegarenu abunu buyedi, atombi bwo gu Nzambi, ne Nzambi aguveege yandi buyedi bwene; mumbare Nzambi akaveegi gu bootsu ne murime mwaasi guga batseembu. 6Te avondi bwo ne gitu, guga tume page; mumbare mutu wukatumi page abagunu mungibe wu mubu wukanangulu ne divuge ne wusindigu tselu ne tselu. 7Mutu wene ayataase re aguveegu yivaave ne Fumu. 8Yandi ane mirime mibeyi ne bisalu byandi byootsu bisakaswekimi.
9Mwaane tayi wu dibagele konane wu mugyetu wuyi disaandi anyemugi mumbare Nzambi amemakise yandi, 10ne mwaane tayi wu dibagele vore wu mugyetu wuyi yikiti anyemugi mumbare Nzambi amegulumuse yandi: nungyenze, yikiti agutsyemugu ga ngaange yi biriri. 11Nyangu yimebale ne gyusule gyandi gi mbabele, yo yigoneyumuse bisinge; ngaange yirenungugu ne yiretsyemuse buvwaandi bwandi. Munoongu wumoosi gu yisine, agutsyemugu ve ganegare bisalu byandi. 12Myule gu yandi wukagwaarili mu dimaangu; mumbare ve yulu wugwaarile wandi, agudile museende wu monyu wu mubu ne mubu wugane Nzambi gu bootsu babakaroondu naandi.
Dimaangu disakarugi gu Nzambi
13Mutu ga amaangu ayayambile re: «Nzambi re wugonemaange me», mumbare Nzambi asakamaangu mu wuvage dyaambu dibive ne yabene asakamaangi mutu. 14Te mutu mutu akadutu akagaangu ke ne banzaale tsi yabene tsibive tsikayenzi yandi gu dimaangu. 15Kere nzaale yiyibi ga yisasiisu yikaburi dibi. Nane dibi ga dikuunze wunege, dyo dikaburi difu. 16Diyadungeme mu dyaambu dyene, baane ba Tayi badiroonde: 17byootsu bibinyi bidikadili, ne nzolu yootsu yivyogilile wunyi bikarugi ke gu Nzambi wusuunde dyuumbi ne tsuungi, ne banyetse. Yandi asakakalugi, ne mu yandi gusaandi diviseme. 18Yabene aroonde wuveege yetu monyu mu disuge di mabigu mandi ma yimwaanze mure dikebile miluunde mi mareege ve ganegare byootsu bisuunde yandi.
Wuyulu mabigu ma Nzambi ne wuvage nagonerume mo
19Baane ba Tayi ba diroonde, bweedi yenu diyabi re: mutu mutu ababisi wuyulu, ayaleenge wuyambile vo wubile ne kabu. 20Mumbare mu kyelu Nzambi, mutu wune kabu asakavagi maambu masuungeme. 21Kagu busanu byootsu bikabungi ne byootsu bibibi. Yakanu ne murime wusunde, mabigu matsesunze Nzambi mu yenu, mumbare mo mane dinyaange diwuyobule yenu.
22Kagu vaganu magonerume mabigu ma Nzambi, diyasiingene ke ne wuyulu mbe digudungeme yenu bene. 23Mumbare ga mutu ayulu mabigu ma Nzambi ne ga asavage navegonerume mo, yandi abagunu mutu wugonemonige mbalengandi nayo gugare gyeenu. 24Veke mane yandi wumonige, areyendenge ne arelibene na yidimu gyandi. 25Te labe mutu wukakuunzi wuyike mugage wumunyi wukayobuli ne wutareme mu wo. Akavagi makarumi wo, guga siingene ke ne wuyulu, asakalibeni makayulu yandi. Mutu wene agudile myule mu byootsu bikedyanzenge yandi.
26Ga mutu ataase re ande keriti yi ngyenze, te aseyabe wusikige dilimi dyandi, akadungimisi ke yabene, byootsu bikavagi yandi mu Nzambi bisaandi ne tsoongu. 27Gu kyelu yi Nzambi Tayi, munoongu wungyenze wugatogu mu wulaande yandi nde wuyamune batsaani ne bakwiili gugare maguge mawu ne wubuse wubivusu ne maambu ma buloongu.
Attualmente Selezionati:
Sak 1: SNQ
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES