Sak Dinyingululu
Dinyingululu
Mugaande wu Sak wugoneloonze ne wugwaarise mabuli ma bakeriti babasifu mapanzige mu buloongu (Sak 1.1). Sak abile mwaane nguyi Sesu, abile yivuunde va garegare barumitsi mu dibuundu dimareege di Serusalem (Bisalu na vage Bakime 12.17; 15.13-21; 21.18).
Mugaande wu Sak wuroonde nde re bakeriti babili ne buyedi, dyo diyendigile re, bitsagelitsi byawu bibili munoongu wumoosi ne gitu gyawu. Babasiinge Sesu bavoondi buyedi bwene gu Nzambi, ne Nzambi aguveege yawu bwo (1.2-8; 3.13-18). Ne vane barungule wugwaarile mu mootsu makabungi mutu tsiinge: maguge ma monyu (1.2-4), nzaale yi wubile yikiti (1.9-11; 5.1-6), nzaale wuvage dyaambu dibive (1.2-18; 4.1-9), ne dinzange (4.13-16). Mugaande wugonesigimise dyo re: gitu mu Nzambi gikabeegi mu wuvage. Diserungule wubile ne yinoongu gi ngyenze ne Nzambi gugaritsige dyo ne maambu madigonevage (2.14-26). Wuvage wene, re wugwaarile mu dyambu dibive. Re gaandi wuyamune ba bane nzaale yivaave, wubuse wusosise bambaatsi, wutsaarile yawu, ne wuraambile mu biyambilitsi byetu (3.1-12). Nge mugaande agoneteendile nde babasaandi bikiti (2.6), te bukiti bugonedute yawu, bayi ne nzaale bwo. Mugaande wugoneloonge yawu re diyaleenze masaandi mu busaandi bwawu (2.1-13). Wo wugonelubuse re: bukiti buyi bubive mu munoongu wu maambu makavagi bikiti ne bwo (5.1-6).
Gu disukusulu di mugaande, Sak agoneloonge bakeriti re: yamunenenganu yenu ne yenu, saambilenenganu yenu ne yenu, tutulenganu babatsyemugu vale ne yimwanze.
Attualmente Selezionati:
Sak Dinyingululu: SNQ
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES