I Versetti Biblici più popolari da मरकुस 9

Condividi

यीशु ने तिस मणू जो बोल्लेया, “जे तू करी सकदा, इस गल्ल रा कै मतलब है? विश्वास करणे वालेयां तांइ सब किच्‍छ मुमकिन है।”

तिस मुंडे रे प्यो ने छन्दे-मिन्नता करी के बोल्लेया, “ओ प्रभु, मैं विश्वास करदा, मेरे अविश्वास का उभरणे तांइ मेरी मदद करो।”

बाद बिच जां यीशु अपणे चेल्‍लेयां कने घरे किल्ले थिये, तां तिन्हेरे चेल्‍लेयां ने तिन्हा का पूच्छेया, “असां तिसजो किजो नी कड्डी सके?” यीशु ने चेल्‍लेयां जो बोल्लेया, “ए जाति बगैर प्रार्थना रे नी निकली सकदी।”

लूण खरा है, पर जे लूण रा सुआद बिगड़ी जाओ, तां तिसजो कुस चीज कने लूणका बणाई सकदे? तुसा बिच लूण री खासियत होणा चाएदी ते अप्पु मिते भाईचारे कने रेयो।”

“जे कोई मेरे नां कने इदेय निक्केयां बिच का इक्क जो भी अपणांदा, से मेरे जो अपणांदा, अते जे कोई मेरे जो अपणांदा, से मेरे जो नी पर मेरे भेजणे वाले जो अपणांदा।”

जे कोई तुसा जो मसीह रे चेल्‍ले होणे री वजह इक्क गलास भी पाणी पियाये तां मैं तुसा कने सच बोलदा कि से अपणा ईनाम कुसी भी तरिके कने नी खोई सकदा।”

“जे कोई मेरे पर विश्वास करणे वाले कुसकी छोटे का छोटे जो भी गलत रस्ते पर पाए, तिसेरे तांइ ए खरा होणा कि इक्क बड्डा चक्की रा बट्टा तिसेरे गले बिच लटकाई करी तिसजो समुन्द्र बिच सूटी दित्तेया जाये।

जे तेरी आख्खियां पाप करणी री वजह बणे तां तिन्हा जो कड्डी दे किजोकी टीणा होई करी परमेश्वर रे राज बिच आणा, तेरे तांइ इसका खरा है कि दोन्नों हाख्खियां हुंदे भी तू नरक बिच पाया जाए।