Chineke Arụchabeghị Ọrụ.

Chineke kà dị ndụ, nakwa Ọ rụchabeghị ọrụ Ya na ndụ gị! Ndụ gị nwere ike yie ka ma ọ bụ ya adị gị ka ihe eserese ana esechabeghị—ihe dị oké mgbagwoju-anya nwere ọtụtụ akụkụ ana etinyeghị ihe ọbụla.

Chineke chọrọ ka ị mata na ọ bụ ezie na ị pụghị ihuzù ihe niile ugbu, Ọ ka nọ n'ọrụ. Ọ ka na-eme ọrụ eji nma na amamihe kepụta na ndụ gị na ná ndụ ndị ị hụrụ n'anya. N'ihi na ịnweghị ike ịhụzu ọrụ ọma Ọ n'arụ ugbu a apụtaghị na ọ gaghị abụ ọrụ eji oké nkà mara mma mezuo. Ndị Filipaị 1: 6 na-ezo aka n'ọrụ ndị ahụ Chineke n'emechabeghị, wee n'agwa anyị ka anyị nwee obi ike na Onye ahụ malitere ọrụ ọma ndị ahụ ga-emecha ha. Ya merè, ka obi gị dajụọ: Chineke ka nọ ya ma na-arụsi ọrụ ike na ndụ gị.

Ọ dịghị ihe ma ọ bụ onye pụrụ ịkwụsị ihu ọma Chineke na ndụ gị! Ọ bụrụgodị na ọ dị gị ka eserese ndụ gị ọ dị kà ebe ndị ara lụrụ ọgụ, Chineke pụrụ iji ndọ́ká na mmekasi ndị ahụ gọzie ndị nọ n'ụwa gị.

E nwerè ihe ndị dị ukwuu ebù n'uche maka gị—nnukwute ihu ọma, nnukwute ngọzi, na nnukwute ihe ndị ọzọ dị nma!

Chee Echiche Banyere Nke A: Kedụ ka ịmata na Chineke ka nwerè ọrụ ndị Ọ n'arụchabeghị na ndụ gị si enye gị olileanya?

KPEE EKPERE: Ekelee m Gị Chineke maka ịmalite ọrụ ọma n'ime m na nkwa Ị kwere imezu ya. Ihu ọma Gị n'asụba n'ime ndụ m ka mmiri, m wee n'arịọ Gị ka Ị nyere m aka ịmata mgbe ọ n'asụba n'ime ndụ m maka iji ya wee nyere ndị ọzọ aka. Nye m ohere n'izu a iji gbaa mmadụ ume na njem ha. N'aha Jizọs. Amen.