Ịge Chineke NtịIhe Nhụchatụ

Ịmara Onye-Ọzụzụ-Atụrụ Ọma

"Abụ M Onye-ọzụzụ-atụrụ ọma; amaarà M atụrụ M, atụrụ nke M makwaarà m.—" Jọn 10:14 NIV.

Ka m jụọ gị ajụjụ abụọ ka ị tụgharịa uche na ha.

Kedụ ka ọ nà-adị gị mgbe gị na Nna Gị Eluigwe nọkọrọ̀ ma kparịtá?
Kedụ ka ọ nà-adị gị mgbe gị na Ya nà-ekwurịta okwu?

Biko wèré nwa oge kọwaa ka ahụmahụ ndị a si dị gị.

Ihe m n'ekwu ebe a bụ banyere oge ịna ekpe ekpere. Ọ bụ́ uche m na ọtụtụ ndị mmadụ ejila okwu a bụ “ekpere” mee ihe wee tapara na ya. Anyị n'apagóli ya ka ihe dị ka ezigbote ihe ime mmụọ. Ka m gwa gị, Chineke maarà na anyị bụ mmadụ nkịtị, mana anyị ana achọ ipakóli onwe anyị elu n'ihu Ya jiri ikpe “ezigbo” ekpere. Mana mgbe anyị mecharà nke a, otu ihe n'abịa adọpụ uche anyị ma anyị akwụsị ekpere nwanu ruo mgbe ọzọ anyị “gà-anwa”. N'ime nke a, anyị efunahụlá ihe niile ekpere kwesịrị ịbụ!

Ekpere bụ ụzọ anyị na Chineke si akpakọ ma na ejikọ. Ọ bụ ụzọ anyị na Ya si emekọrịta. Ma èleekwanú otú Chineke chọrọ ka anyị si n'abịakwute Ya n'ekpere? Ekwuwe, ọchịchọ Ya kachasịnu bụ ka obi, uche, na ike anyị niile bụrụ nke Ya dịka anyị gụrụ na Diuterọnọmi 6:5, ọ́ bụghị ya?

Iji malite, Ọ chọrọ ka Ọ bụrụ ihe ụtọ anyị—ka anyị lekwasị Ya anya hapụ “ekpere” anyị.

Anyị kwesịrị ịbịakwute Ya mgbe niile dị ka anyị dị, n'enyefe onwe anyị dị agụụ, n'erughị eru, mana bụ́ ndị ahụzurù n'anya n'aka Nna Anyị dị ike niile, dị ebube dị nkwado niile, ma ká jupụta n'ọmịiko. Ma mgbe anyị merè nke a, anyị nà-achọta ìkó Ya n'eruputa na ike, mweghachi, amamihe, udo, ezi omume, na ọṅụ. N'ihu Ya ka ndụ bara ụba dị. Ọ bụ̀ Ya bụ̀ Mmiri Nke Ndụ na Achịcha Nke Ndụ.

Mgbe anyị n'ekpe ekpere, anyị ekwesịghị ikwu naanị okwu kama anyị kwesịkwarà ige ntị. Gbaa mbọ ka ịnụ n'olu Ya wee soro ụzọ Ya gasị dị mma. Bịakwute Ya n'oge ọnụ gị, n'oge egwuregwu, n'oge ike gwụrụ gị, n'oge ịna enwe obi abụọ, ma ọ bụ̀ oge ụjọ na-atụ gị. Bịakwute Ya n'etiti ndagwurugwu nke ọnyà ọnwụ. Bịakwute Ya nso ka ịnụ okwu Ya gasị gá-emé ka ahụ ru gị ala, kasie gị obi, na nye gị ndụ na olileanya.

Ya merè, anyị kwesịrị ịna abịakwute Ya akwụsịghị akwụsị—n'ime ihe ndị gasị anyị n'eme kwa ụbọchị nakwa n'ime ọnọdụ ọbụla pụrụ ịdapụta. Kà anyị n'eme nke a, anyị nà-amalite ịmata Onye N'azụ Anyị Ka Atụrụ. Ana m ekwu ịmata Onye Ọ Bụ̀ n'ezie.

Nye m, oge ekpere m, m nà-anọ jụụ ya ana adị m ka ọ bụ̀ mụ na ndị enyi m kachasị adị obi m nso nọ ọdụ wee na-aṅụ nwa tii dị ọkụ. Ihe nke a ọ́ magbughị onwe ya. Ihe mara mma, ọ́ bụghị ya? Dịka Paul E. Miller na-akụzi n'ime akwụkwọ ya A Praying Life, “Ị̀ pụghị ịmara Chineke n'ejighị mkpachapu anya. Mmekọrịta chiri-anya abụghị ihe ị pụrụ ikepụta; ọ bụ ihe ịna eme oghere maka ya.”

Ọ bụ ekpere m na ụbọchị asaa ndị a gara aga emeela ka nghọta gị gbasara ihe ige Chineke ntị pụtara, dịkwuo ime. Ọ dịghị mgbagwoju anya dị ka anyị n'echè na ọ dị. Ọ dị nnọọ mfe dịka anyị ikwuchí ntị anyị ige ụgha, imeghe obi anyị nye Chineke, ịnọ na ịdị jụụ, na ikwe ka Onye Ọzụzụ Atụrụ Anyị Ọma gwa anyị okwu.

Ọ bụ ekpere m na ịgà enwe nghọta dịkwu ime na ige Chineke ntị bụ̀, oge niile, ịmata gbasara Onye Ọzụzụ Atụrụ Anyị Ọma.

Gwa Nna Anyị Bi N'eluigwe: Ụbọchị taa aga m eji obi m, mkpụrụ obi m, na ike m niile chọọ Gị. Aga m amalite ugbu a, jiri onye m bụ̀ n'ezie, wee bịakwute Onye Ị Bụ̀ n'ezie. Achọrọ m ịmara Gị ma n'egekwu Gị ntị kwa ụbọchị.

Abụ òfùfè nke ụbọchị taa m chọrọ ka ị gee bụ: “Touch the Sky” nke Hillsong United gụrụ.