Ịge Chineke NtịIhe Nhụchatụ

Mgbaàmà Ntị Kwụsịrị Ịnụ Ihe

Adam na Iv maarà Chineke n'onwe ha! Ọgbọ ndị ezinụlọ ha soteré ha n'azụ makwaarà Chineke ma ọ bụ̀ mara maka Ya n'ụzọ dị mma. Nwaayọ nwaayọ, ka ọtụtụ oge bịara wee gafee, ọtụtụ ndị mmadụ kwụsịrị ikele Chineke na ikwere na ọ bụ̀ Ya bụ̀ isi iyi nke ihe niile dị mma nke ndụ ha. Mmehie wee jupụta ebe niile.

Ọtụtụ mmehie bụ nnọọ mgbaàmà nke njọ gbara mgbọrọgwụ n'ime: njọ nke ikwuchi ntị anyị ka anyị ghara ịna ege eziokwu Chineke kama n'anụ ụgha. Mgbe anyị kwụsịrị ihuta Chineke dịka Onye n'enye ihe ọma niile, anyị n'akwụsị ihu ụzọ òfúmá. Anyị nà-akwụsị iche echiche n'ụzọ dị amamihe. Anyị nà-enupụ isi ige eziokwu. Ndị Rom Isi Nke Mbụ nà-akọwa ihe a n'ụzọ doro anya.

Ma nke a bụ nkwupụta n'eme ka anyị chee echiche: ịjụ ige eziokwu ntị bụ, n'ezie, ịjụ Chineke. Ugbu a, dịka Ndị Nke Kraịst, anyị nà-anabata Okwu Chineke dịka eziokwu. Mana anyị gà-agba mbọ hụ na anyị deberè ntị anyị oghe site n'imata na ịjụ ụgha ndị ahụ dịka hà bụ̀ eziokwu na ịnọgide n'anụ olu Chineke.

Ihe ọzọ na-akpali ntụgharị uche bụ eziokwu bụ na ọtụtụ mgbe ndị na-ajụ eziokwu nà-adọbà ndị ọzọ n'ime nráfù ha, dịka anyị mụtara n'ihe ọgụgụ anyị nke ụbọchị taa sitere na Jenesis. Chee echiche banyere ajụjụ ndị a. Kedụ onye nọ n'ihe ize ndụ ma ọ bụrụ na ị dịghị ege ntị n'olu Chineke? Di gị ma ọ bụ nwunye gị? Ndị enyi gị? Onyeisi n'ụlọ ọrụ gị? Ụmụ gị? Ó nwere ike bụrụ onye ịna amaghị Chineke chọrọ ka ị setịpụ aka ọma na ndụ ya?

Ka m kwụsị ide ihe ebe a ka ị nwee ike gee ntị n'olu Chineke ka ịnà ekpe ekpere.

Rịọ Nna Anyị Bi N'eluigwe: Biko Ị̀gà egosi m ụgha ọbụla na ụgha niile m nọ n'ekwere?

Abụ òfùfè nke ụbọchị taa m chọrọ ka ị gee: “No Other Name” nke Hillsong Worship gụrụ.