Ịge Chineke NtịIhe Nhụchatụ

Kedụ Ndị Nọ Nà Bọọdụ Ndụmọdụ Gị Gbàsárá Ihe Ndị Ime Mmụọ?

Ọtụtụ oge, Chineke gà-agwa gị ihe bụ uche Ya na nye gị amamihe site n'ọnụ ndị ọzọ n'eso ụzọ Kraịst! Apụghịdị m ịmalitè ịgụ oge gasị Chineke jiworò onye Kraịst ọzọ ịgwa obi m okwu! Ana m anụ olu Ya dị nrọ̀ site n'ọnụ ndị pastọ m, otu pọdkastị, ndị enyi m, ụmụ m, otu onye blọgá, ma ọ bụ otu onye nọ n'ime LifeGroup m. Ikwu eziokwu ana m ahụ ụfọdụ n'ime ha dịka Ndị Ndụmọdụ m Gbàsárá Ihe Ndị Ime Mmụọ. Ha bụ̀: di m, onye n'edụ́ m ma n'adụ́ m ọ́dụ̀, onye mụ na ya n'ekpekọ ekpere, otu enyi m, na ndị mụrụ m.

Kedụ maka gị? Ị̀nà agakwurú ma jiri obi gị niile n'ege ndị Kraịst ọzọ ntị ịna asọpụrụ? Gị na ndị Kraịst ọzọ ịnọgidè na njikọ (karịsịa ndị n'eto ma gbagidesié ukwu n'ime Okwu Chineke) dị mkpa nye njem okwukwe nke onwe gị.

Ígè ha ntị abụghị ebe ọ kwụsịrị, ka m gwa gị. Ị̀nà etinye n'ọrụ ma ọ bụ mee ndụmọdụ ma ọ bụ amamihe i nụrụ?

Màrá ihe wee nọgide n'ime ọgbakọ Ndị Nke Kraịst! Gèeré ndị ezinụlọ-okwukwe gị ntị. Ha dị anyị mkpa, ma anyị dịkwa ha mkpa. Ọgụgụ nke ụbọchị taa siteré na Ilu 18:2 n'agwa anyị hoo haa na ọ bụ ihe jọgburu onwe ya mmadụ ichè na ọ bụ “ọkachamara n'ihe niile.”

Nye m, achọghị m ịbụ onye ibèribè. Enyemaka dị m mkpa. Achọrọ m amamihe. Ọ dị m mkpa ịhọrọ ịnọgidè dị umeala n'obi ma bụrụ onye a pụrụ ịkụziri ihe ka m wee nwee ike ịnụ ntụziaka, mgbazi, na ịhụnanya chiri-anya nke Chineke. Ọ dị m mkpa obi m ịnọgidè dị umeala ma bụrụ nke a pụrụ ịkụziri ihe—n'ihi na ọtụtụ oge Chineke gà-agwa anyị okwu site n'ọnụ ụmụ Ya ndị ọzọ.

Rịọ Nna Anyị Bi N'eluigwe: Kedụ onye dị mkpa ịnọ na Bọọdụ Ndụmọdụ m Gbàsárá Ihe Ndị Ime Mmụọ?

Abụ òfùfè nke ụbọchị taa m chọrọ ka ị gee: “Set a Fire” nke Will Reagan na United Pursuit gụrụ.