Ịge Chineke NtịIhe Nhụchatụ

Kpàchárá Anya Maka Onye Dị Ize Ndụ

Ọtụtụ ndị mmadụ n'ime nzukọ nke Kraịst emegheele onwe ha nye nráfù-gasị nke olu onye ahụ dị ize ndụ. Igè ntị n'olu Chineke n'abụ ezigbo ihe nsogbu n'ihi nkwúkasí okwu n'abaghị uru, n'arị ibe ya elu. N'ụzọ dị mwute, ha n'amalite inwe obi abụọ nye akparama-àgwà Chineke na eziokwu Ọ nà-akụzi n'ime Okwu Ya.

Anyị nà-ahụ ka nsogbu a n'amalite site na onye ahụ bibú na ogide Iden, aha ya bụ Iv.

M wee na-ajụ.
Ọ bụ̀ gịnị kpatarà Iv ji wee gee ntị n'olu agwọ ahụ tụgbụ́rụ́ onwe ya na asị?
Gịnị merè na ọ mataghị na olu a bụ́ olu onye ahụ dị ize ndụ?
Ihe nke a juru m anya. Kedụ ogo Iv màrùrù Chineke ya bụ́ Onye N'azụ ya ka atụrụ, nke ọma? Asị ndị ahụ egbughịdị oge jide ya.
Kedụ ihe kpatara Iv jiri wee bụrụ onye a pụrụ ịghọgbụ̀ ozugbo?

Ekwerè m na ọbụna na Iv maarà eziokwu, ọ gbadosịghị ukwu na ya ike. Ọ maarà ihe Chineke “kwurù” mana ọ dịghị mgbe ọ maarà Ya n'ezie—na Ọ bụ̀ Chineke dị mma na kwesị ntụkwasị obi n'ụzọ zuru ezù. Ọ ghọtaghị na ọ dịghị mgbe Ọ gà-akpachi aka Ya n'inye ya ihe ọbụla dị mma.

Tupu Iv ataa mkpụrụ osisi ahụ asị ya atala, ọ maghị ihe bụ ihe ọjọọ, ọ maghị ihe bụ asị, ọ maghịkwa na a pụrụ irafu ya ka o nupụrụ́ Nna Ya Eluigwe isi.

Mana nke a abụghị eziokwu nye anyị! Anyị apụghị isi na anyị amaghị! Toonù Chineke na anyị nwerè Okwu Chineke dịka ndú eziokwu anyị, Mmụọ Nsọ (bụ́ Mmụọ nke Eziokwu) dịka Onye Ndụmọdụ anyị, na Jizọs Kraịst dịka Onye-Nzọpụta anyị na Onye Eziokwu N'akwado anyị!

N'agbanyeghị nke a, dịka Iv, ánà arafùkwá anyị ka anyị gee ntị nà asị gasị onye ahụ dị ize ndụ. Gịnị kpatarà nke a?

Otu n'ime ihe ndị na-akpata ya bụ, ọtụtụ mgbe, anyị nà-anabata ụgha gasị onye iro site “n'ihe ndị anyị ji atụ ndụ anyị mmanụ.” TV, Ịntanetị, ihe nkiri gasị, akwụkwọ gasị, na màgàzin gasị, ọtụtụ n'ime ha bụ́ ndị n'adịghị enwe olu Chineke, nà-achịkwa n'elu mba na obodo anyị gasị. N'agbanyeghị nke a, anyị n'etinye awa ana apụghị ịgụ ọnụ n'ekiri, n'ege ma n'agụ olu ndị a n'amaghị Chineke, túgburú onwe ha n'asị, nke n'eme ka echiche anyị na obi anyị gwọrọ n'ala, ruo unyi, ma ghara inwe nri nke ndụ, ike na nkwado sitere n'Okwu Chineke!

Ọ dị mkpa ka anyị mara Onye N'azụ Anyị Ka Atụrụ! Ọ dị mkpa ka enye anyị nri dị anyị mma sitere na ubi Ya jupụtara n'akwụkwọ nri. Ọ dị mkpa ka anyị bịa Ya nso iji wee soro olu Ya.

Hụ na ị gụrụ ọgụgụ ihe òfùfè nke ụbọchị ikpeazụ bụ echi, ka anyị gà-eji nghọta-ime gasị gbasara “Ịmata Onye N'azụ Anyị Ka Atụrụ!” wee mechie.

Rịọ Nna Anyị Bi N'eluigwe: Ànà m ege ntị n'olu ndị n'esiteghị na Gị ma ọ bụ̀ nke Gị?

Abụ òfùfè nke ụbọchị taa m chọrọ ka ị gee: “My Heart Is Yours” nke Kristian Stanfill gụrụ.