Joani 11
11
Ulufwu lwa Lazalo
1Cwale unkosi ka kugigwa Lazalo kali mulwele, kazwa mwa Betaniya, mu munzi kazwa Maliya ne mukulwe Maleta. 2Maliya neje na singa Umfumu amafuta ga nunka nenja no ku sanza amatende ga Jesu ko nshuki zakwe, inciye Lazalo kali mulwele. 3Mi abancizi bakwe kale batuma ndagano kwa Jesu jityo buti, “Mfumwetu, musele gwako uju ushaka mulwele.”
4Jesu asala shugwi bobo, kale atyo buti, “Bobu bulwele tali ku lufwa buja kono, bwa kulumba uku cena kwa Nyambe ukuti Mwana Nyambe alumbigwe ko bulwele.” 5Jesu ka shaka Maleta no mwancegwe Maliya na Lazalo. 6Cwale Jesu aa sala shugwi buti Lazalo mulwele, kale akala majuba gobile mwa ceco icibaka kakele. 7Mi kale atyo kuba zigigwa bakwe buti, “Tujende tubogole kwa Judeya.”
8Bazigigwa kale batyo kwakwe buti, “Muzigi aa no majuda kame ka bashaka kuku pwacagula na mabwe, mi cwale gwasa bogola ko?”
9Jesu kale atyo kwabo buti, “Tali maola ge kumi ne gobile gali mwi juba? Muntu gense uju ajenda mu kamwi taa na sitagale, ukuti ali wene ituba lye longa leli. 10Kono ati jumwinya najenda amasiku asa sitagala ukuti takuli ituba.” 11Asala mani ku gamba bobo, kale anungako ku ba gambaguza buti, “Musele gwetu Lazalo bulyo alele, kono kuti nijeko ni ka mubuse.”
12Abazigigwa bakwe kale batyo kwakwe buti, “Mfumwetu, ati bulyo alele kuti alwaluke.”
13Mi Jesu ka gambagula byo kufwa kwakwe kono abo kabagaja buti ni n’onzi bulyo katalusa. 14Jesu kale aba lugwila buti, “Lazalo alafwi, 15Nili jangele kebaka lyenu buti ta kanikele naje buti muzumine. Kono ndokweni tujende kwakwe,”
16Tomasi uju (akugigwa Majovu) kale agamba ku bazigigwa bonse, “Ndokweni twense tujende no muzigi buti tukafwile antuonke naje.”
Jesu nije buko no bumi
17Jesu aa sala kasiki, kale akagwana buti Lazalo sali kwesi amajuba gone mwibita. 18Betaniya kali afuwi no munzi gwa Jelusalema, mu bibima bigola kutenda byo tatwe, 19mi ubungi Majuda naba keza kwa Maleta na Maliya keza kuba nyangulula mulufwu lwa ncizi jabo.
20Maleta asala shugwi buti Jesu ala keza, kale amu cengamina ka gwanana naje, kono Maliya kale ali kalila ku njugo. 21Maleta kale atyo kwa Jesu buti, “Mfumwangu, ati kokokele ncizi jangu taa na lafwi. 22Kono nili zekelele buti Nyambe kuti amiwe ibi mukumbila byonse.”
23Jesu kale atyo kwakwe buti, “Ncizi jako kuti abuke kame.”
24Maleta kale atyo kwa Jesu, “Nili zekelele kuti na buke kame mwi juba lyo kubuka ko ma maninino.”
25Jesu kale atyo kwakwe, “Nime buko no bumi. Gense uju azumina kwangu kuti najoje nanga nafwa, 26mi gense uju ajoja mukuzumina kwangu taa nafwe. Mula zumina bobo?”
27Maleta kale etaba buti, “Eee Mfumwangu, nila zumina buti nigwe Mesiya, Mwana Nyambe, uju na keze mu longa.”
28Maleta asala gambi bobo, kale abogola no ka kugila Maliya kumbali. Kale atyo kwakwe, “Muzigi kwali, mi kame akukuga.” 29Maliya asala shugwi bobo, bwangu bwangu kale azimana no kaja kwakwe. 30Cwale Jesu kasini kungina mu munzi, kono kasikele acibaka aa na mushangana Maleta. 31Amajuda aba kabekele no Maliya munjugo, naba mu nyangulula, kale banangula ubu naga nanukila bwangu bwangu no kaja, kale bamu umpilila, muku gaja buti kwi bita kaja kalilila ko.
32Maliya aa sala kasiki ku cibaka uku kakele Jesu mi kale amubona, kale agwila kuma tende gakwe no kutyo, “Mfumwangu, ati kokokele, ncizi jangu taa na lafwi.”
33Jesu aa sala muboni nalila, Amajuda aba kaba jenda naje nabo kale balila, kale ashugwa kushisha ku mojo lwini no kuesumuka. 34Jesu kale abuza buti, “Kwibo mula mulaliki? Kale bemutaba buti, “Mfumwetu gwize ubone.”
35Jesu kale alila. 36Cwale Majuda kale batyo buti, “Muliwene ubu kamusha kila!”
37Kono bamwinya kale batyo buti, “Tali neje uju naga galula amensho go nkosi go ciofu buti ali jelele ukuleka joju unkosi nafwa?”
Jesu aa busa Lazalo ku bumi
38Cwale Jesu kale ashugwa kushisha ku mojo lwini kale aja kwibita. Ka lili ilambo ili nalya mfwinkigwa nebwe ku manginino. 39Jesu kale atyo buti, (“Mugalumune ko ibwe!)
Maleta iciinzi jo mufwu kale atyo kwa Jesu, “Mfumwangu, sala nunka ukuti se majuba gone nakele momo.”
40Jesu kale atyo kwakwe buti, “Taa nana milugwila buti ati namuzumina, kuti na mubone uku bega kwa Nyambe?” 41Cwale kale bagalumuna ibwe, Jesu kale aligamina kwigulu, no kutyo, “Tata, nasa litumela kwako ukuti ula nishugwi. 42Kani zekelele buti inako jonse ula ni shugwa, kono nasa gamba kebaka lyo bantu bakele ba zimene aano, bazumine buti nigwe nagwa ni tuma.” 43Aa sala gambi bobo, Jesu kale akumba mwijwi linene, “Lazalo, gwize anze!” 44Mufu kale abuka kuzwa anze, amaganja gakwe na matende aga kaga zingitwe no myala jo kukibela, nesila kali zingitwe ku kunkumo jakwe. Jesu kale atyo kwabo buti, “Mu mu zingulule amasila ga mwibita mi mu muleke ali jendele.”
Amajuda aa bagaja zo kwiyaga Jesu
45Ubungi bo Majuda aba naba keza kwa Maliya no ku bona ibi naga tenda Jesu, kale bazumina kwakwe. 46Kono bamwinya kale baja ku Mafalisi no kaba gambaguza ibi naga tenda Jesu. 47Amapulisita abakulu no Mafalisi kale bagwanika amanduna no kutyo kwabo, “Buti tujelele ukutendela?” Ukuti joju unkosi ma makazo mangi akwesi kutenda. 48Ati natu mulekelela naja butenda bobo, abantu bonse kuti bazumine kwakwe, mi impuso jo Maloma kuti naba jone Tempele jetu ne Longa lyetu.”
49Kono jumwinya gwabo uju Kayafa, uju kali mupulisita mukulu mwa gogo mwaka, kale atyo kwabo buti, “Takuli ici muzekelele!” 50Tamu nanguli buti bulo jojulya nkosi genke ali jelele kufwila abantu isini ilonga lyonse lijunde.” 51Mi taa kali gambagwila bulyo kono ko kuba mupulisita mukulu mwagogo mwaka, Jesu kuti na fwile ilonga lyo Majuda, 52isini kufwila ilonga bulyo kono kame nebana Nyambe baba naba mwagala kuba gwanika antuonke.
53Cwale kutatika mwa lelyo ijuba, kale bagaja uku yaga Jesu. 54Mu kutenda bobo Jesu kale aleka ukujenda akancenene mukati ka Majuda. Kale azwa mo mi kale akaja mucibaka ci mwinya ca mu mangusu mu munzi gu kugigwa Efulemu, uku naga kakala na bazigigwa bakwe.
55Mi umukiti gwe Mpaseka go Majuda see kaguli afuwi, mi ubungi bo bantu kale bazwa mwilonga kuja ku munzi gwa Jelusalema kuku licenisa umukiti nagu sini kutatika. 56Mi kale ba shakisisa Jesu, aa kaba zimene mwilapa lyo Tempele, kale bali gambaguza mwacabo buti, “Cinzi mugaja? Tala ku keze ku mukiti?” 57Kono amapulisita bakulu no Mafalisi kale bawa indagano buti ati muntu gense na gwana uku ali Jesu, ali jelele uku ba gambaguza buti baka mushumine.
Pilihan Saat Ini:
Joani 11: TBTP
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
The Word For The World International
Joani 11
11
Ulufwu lwa Lazalo
1Cwale unkosi ka kugigwa Lazalo kali mulwele, kazwa mwa Betaniya, mu munzi kazwa Maliya ne mukulwe Maleta. 2Maliya neje na singa Umfumu amafuta ga nunka nenja no ku sanza amatende ga Jesu ko nshuki zakwe, inciye Lazalo kali mulwele. 3Mi abancizi bakwe kale batuma ndagano kwa Jesu jityo buti, “Mfumwetu, musele gwako uju ushaka mulwele.”
4Jesu asala shugwi bobo, kale atyo buti, “Bobu bulwele tali ku lufwa buja kono, bwa kulumba uku cena kwa Nyambe ukuti Mwana Nyambe alumbigwe ko bulwele.” 5Jesu ka shaka Maleta no mwancegwe Maliya na Lazalo. 6Cwale Jesu aa sala shugwi buti Lazalo mulwele, kale akala majuba gobile mwa ceco icibaka kakele. 7Mi kale atyo kuba zigigwa bakwe buti, “Tujende tubogole kwa Judeya.”
8Bazigigwa kale batyo kwakwe buti, “Muzigi aa no majuda kame ka bashaka kuku pwacagula na mabwe, mi cwale gwasa bogola ko?”
9Jesu kale atyo kwabo buti, “Tali maola ge kumi ne gobile gali mwi juba? Muntu gense uju ajenda mu kamwi taa na sitagale, ukuti ali wene ituba lye longa leli. 10Kono ati jumwinya najenda amasiku asa sitagala ukuti takuli ituba.” 11Asala mani ku gamba bobo, kale anungako ku ba gambaguza buti, “Musele gwetu Lazalo bulyo alele, kono kuti nijeko ni ka mubuse.”
12Abazigigwa bakwe kale batyo kwakwe buti, “Mfumwetu, ati bulyo alele kuti alwaluke.”
13Mi Jesu ka gambagula byo kufwa kwakwe kono abo kabagaja buti ni n’onzi bulyo katalusa. 14Jesu kale aba lugwila buti, “Lazalo alafwi, 15Nili jangele kebaka lyenu buti ta kanikele naje buti muzumine. Kono ndokweni tujende kwakwe,”
16Tomasi uju (akugigwa Majovu) kale agamba ku bazigigwa bonse, “Ndokweni twense tujende no muzigi buti tukafwile antuonke naje.”
Jesu nije buko no bumi
17Jesu aa sala kasiki, kale akagwana buti Lazalo sali kwesi amajuba gone mwibita. 18Betaniya kali afuwi no munzi gwa Jelusalema, mu bibima bigola kutenda byo tatwe, 19mi ubungi Majuda naba keza kwa Maleta na Maliya keza kuba nyangulula mulufwu lwa ncizi jabo.
20Maleta asala shugwi buti Jesu ala keza, kale amu cengamina ka gwanana naje, kono Maliya kale ali kalila ku njugo. 21Maleta kale atyo kwa Jesu buti, “Mfumwangu, ati kokokele ncizi jangu taa na lafwi. 22Kono nili zekelele buti Nyambe kuti amiwe ibi mukumbila byonse.”
23Jesu kale atyo kwakwe buti, “Ncizi jako kuti abuke kame.”
24Maleta kale atyo kwa Jesu, “Nili zekelele kuti na buke kame mwi juba lyo kubuka ko ma maninino.”
25Jesu kale atyo kwakwe, “Nime buko no bumi. Gense uju azumina kwangu kuti najoje nanga nafwa, 26mi gense uju ajoja mukuzumina kwangu taa nafwe. Mula zumina bobo?”
27Maleta kale etaba buti, “Eee Mfumwangu, nila zumina buti nigwe Mesiya, Mwana Nyambe, uju na keze mu longa.”
28Maleta asala gambi bobo, kale abogola no ka kugila Maliya kumbali. Kale atyo kwakwe, “Muzigi kwali, mi kame akukuga.” 29Maliya asala shugwi bobo, bwangu bwangu kale azimana no kaja kwakwe. 30Cwale Jesu kasini kungina mu munzi, kono kasikele acibaka aa na mushangana Maleta. 31Amajuda aba kabekele no Maliya munjugo, naba mu nyangulula, kale banangula ubu naga nanukila bwangu bwangu no kaja, kale bamu umpilila, muku gaja buti kwi bita kaja kalilila ko.
32Maliya aa sala kasiki ku cibaka uku kakele Jesu mi kale amubona, kale agwila kuma tende gakwe no kutyo, “Mfumwangu, ati kokokele, ncizi jangu taa na lafwi.”
33Jesu aa sala muboni nalila, Amajuda aba kaba jenda naje nabo kale balila, kale ashugwa kushisha ku mojo lwini no kuesumuka. 34Jesu kale abuza buti, “Kwibo mula mulaliki? Kale bemutaba buti, “Mfumwetu gwize ubone.”
35Jesu kale alila. 36Cwale Majuda kale batyo buti, “Muliwene ubu kamusha kila!”
37Kono bamwinya kale batyo buti, “Tali neje uju naga galula amensho go nkosi go ciofu buti ali jelele ukuleka joju unkosi nafwa?”
Jesu aa busa Lazalo ku bumi
38Cwale Jesu kale ashugwa kushisha ku mojo lwini kale aja kwibita. Ka lili ilambo ili nalya mfwinkigwa nebwe ku manginino. 39Jesu kale atyo buti, (“Mugalumune ko ibwe!)
Maleta iciinzi jo mufwu kale atyo kwa Jesu, “Mfumwangu, sala nunka ukuti se majuba gone nakele momo.”
40Jesu kale atyo kwakwe buti, “Taa nana milugwila buti ati namuzumina, kuti na mubone uku bega kwa Nyambe?” 41Cwale kale bagalumuna ibwe, Jesu kale aligamina kwigulu, no kutyo, “Tata, nasa litumela kwako ukuti ula nishugwi. 42Kani zekelele buti inako jonse ula ni shugwa, kono nasa gamba kebaka lyo bantu bakele ba zimene aano, bazumine buti nigwe nagwa ni tuma.” 43Aa sala gambi bobo, Jesu kale akumba mwijwi linene, “Lazalo, gwize anze!” 44Mufu kale abuka kuzwa anze, amaganja gakwe na matende aga kaga zingitwe no myala jo kukibela, nesila kali zingitwe ku kunkumo jakwe. Jesu kale atyo kwabo buti, “Mu mu zingulule amasila ga mwibita mi mu muleke ali jendele.”
Amajuda aa bagaja zo kwiyaga Jesu
45Ubungi bo Majuda aba naba keza kwa Maliya no ku bona ibi naga tenda Jesu, kale bazumina kwakwe. 46Kono bamwinya kale baja ku Mafalisi no kaba gambaguza ibi naga tenda Jesu. 47Amapulisita abakulu no Mafalisi kale bagwanika amanduna no kutyo kwabo, “Buti tujelele ukutendela?” Ukuti joju unkosi ma makazo mangi akwesi kutenda. 48Ati natu mulekelela naja butenda bobo, abantu bonse kuti bazumine kwakwe, mi impuso jo Maloma kuti naba jone Tempele jetu ne Longa lyetu.”
49Kono jumwinya gwabo uju Kayafa, uju kali mupulisita mukulu mwa gogo mwaka, kale atyo kwabo buti, “Takuli ici muzekelele!” 50Tamu nanguli buti bulo jojulya nkosi genke ali jelele kufwila abantu isini ilonga lyonse lijunde.” 51Mi taa kali gambagwila bulyo kono ko kuba mupulisita mukulu mwagogo mwaka, Jesu kuti na fwile ilonga lyo Majuda, 52isini kufwila ilonga bulyo kono kame nebana Nyambe baba naba mwagala kuba gwanika antuonke.
53Cwale kutatika mwa lelyo ijuba, kale bagaja uku yaga Jesu. 54Mu kutenda bobo Jesu kale aleka ukujenda akancenene mukati ka Majuda. Kale azwa mo mi kale akaja mucibaka ci mwinya ca mu mangusu mu munzi gu kugigwa Efulemu, uku naga kakala na bazigigwa bakwe.
55Mi umukiti gwe Mpaseka go Majuda see kaguli afuwi, mi ubungi bo bantu kale bazwa mwilonga kuja ku munzi gwa Jelusalema kuku licenisa umukiti nagu sini kutatika. 56Mi kale ba shakisisa Jesu, aa kaba zimene mwilapa lyo Tempele, kale bali gambaguza mwacabo buti, “Cinzi mugaja? Tala ku keze ku mukiti?” 57Kono amapulisita bakulu no Mafalisi kale bawa indagano buti ati muntu gense na gwana uku ali Jesu, ali jelele uku ba gambaguza buti baka mushumine.
Pilihan Saat Ini:
:
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
The Word For The World International