Joani 12
12
Jesu aa singigwa mafuta mu Betaniya
(Mateu26.6-13; Maleka14.3-9)
1Aa se kaku sigalile amajuba ga tosanwe na kakole buti Impaseka jitatike, Jesu kale aja ku munzi gwa Betaniya umu kajoja Lazalo, unkosi uju na busigwa ku bafwu. 2Momo munjugo ja Lazalo, Jesu kale awegwa iyumbu lyo mulalilo ili ka kwesi kutaya Maleta, mi Lazalo kali jumwinya gwa babo kebekele ku ntafule. 3Cwale Maliya kale ga inda icika lyo mafuta gatula lwini, no kugasindila ku matende ga Jesu mi kale asingula amafuta ku matende ga Jesu ne nshuki zakwe. Injugo kale ja bumba ku mununko go sende mulotu. 4Kono jumwinya go bazigigwa bakwe Judasi Isikalioti, uju kashaka ku mulegeza kale atyo, 5“Cinzi aa tana mwa gulisa gaga amafuta no kuwa amashelen’i ku bampale?” Masheleni ga gola uku sika ampei jo cika lyo cilimo. 6Kagamba bobo tali buti katenda nenja abampale, kono kali musa. Neje ka indanga umukotana go mashelen’i mi kali tendelanga ubu ashakila.
7Kono Jesu kale atyo buti, “Mumu leke Maliya! Kuli jelele buti abike gaga mafuta kutwala mwijuba ili nani zikigwe. 8Kuti namube na bampale inako jonse mukati kenu, kono taa na mube neme inako jonse.”
Abakulu bo Majuda aa bagaja kwi yaga Lazalo
9Ubungi bo Majuda aa naba shugwa buti Jesu mu Beteniya akele, mi kale bakaja mo tali kebaka lya Jesu kono no kabona Lazalo uju naga busigwa ku bafwu. 10Cwale Amapulisita bakulu kale bagaja kame kuyaga Lazalo, 11ukuti kebaka lyakwe ubungi bo Majuda kabaja kwa Jesu no kuzumina kwakwe.
Jesu angina mu Jelusalema ke tuba
(Mateu21.1-11; Maleka11.1-11; Luka19.28-40)
12Ijuba nalya nungako, ubungi bo bantu aba naba keza ku mukiti, kale bushugwa buti Jesu ala keza kwa Jelusalema. 13Kale bainda intabi jo bishamu byo nzalu no kaja ka shangana Jesu bukugiliza buti,
“Osana!”
“Infwijaguzi ja joju uju akeza mwi zina lyo Mfumu!”
“Imfwijaguzi ja Mfumu gwa Isilaele!”
14Jesu kale agwana aka mbogologana, no ku kalija sinagwe ubu kun’olelwe buti, 15“Uleke kujoga, mwana Sione go mukazana! Uju no Mfumo akeza, nakele aka mbongologana.”
16Ku matatikilo aba zigigwa bakwe taa na ba shugwisisa zonse zezi, bwita Jesu sala cenisigwa mi kale bagaja buti bebi bintu nabya n’oligwa kakwe mi bebi bintu nabya tendaala kakwe.
17Cwale ubungi bo bantu aba kebekele naje aa naga kuga Lazalo kuzwa mwibita no kumu busa kubafwu kabali ba mpaki. 18Mi ubungi bo bantu kale baka shangana Jesu ukuti naba shugwa ama makazo natenda. 19Cwale Amafalisi kale bali gambaguza mwacabo, “Ngamulole bebi takuli uku bitutwala, muliwene ilonga lyonse kale selili mu umpilile!”
Jesu aa kuluwiza byo lufwu lwakwe
20Mukati ko bantu nabaja kuku lapela ku mukiti mo kabali Amagelike. 21Cwale kale bakeza kwa Filipi uju kazwa mu munzi gwa Betisaida gwa mucilalanda ca Galileya no kutyo kwakwe buti, “Mfumwetu, kame tushaka kubona Jesu.”
22Filipi kale aka lugwila Andulu, mi Andulu na Filipi kale babogola ka gambaguza Jesu. 23Jesu kale abetaba buti, “Inako jilasiki ja Mwana Muntu jo kulumbigwa. 24Nicote nasa milugwila, ulukwe lo maila aa talu byalwi mi lwasa fwa kuti lusigale bobo naluli bweke. Kono aa lufwa mpaa nalulete ibilyo zingi. 25Umuntu gense uju ashaka ubumi bwakwe kuti nabu jonaukilwe, kono gense uju azimbe ubumi bwakwe mumuno mwi longa kuti nabe no bumi tabumani. 26Muntu gense uju ani belekela alibotele kuni umpilila mi uku nanikale, naje umuika gwangu kuti nakale ko. Tata kuti nakutike uju ani belekela.
27“Cwale moya gwangu munkalilwa guli, mi cinzi nijelele uku gamba? Tata, uni lamwine kwa jeji inako? Nana keza kusika mwi nako jejino jo mapenzi. 28Tata, ulumbe izina lyako.”
Mi kale kwazwa ijwi lizwa kwigulu lityo, “Nila lilumbi mi kuti nani lilumbe kame.”
29Cwale ubungi aba kabekeleko aa bashagwa ijwi bamwinya kale batyo, umvula ala zumi bamwinya naba tyo buti, “Ingiloi lila gambi kwakwe!”
30Jesu kale atyo kwabo buti, “Leli ijwi tali nime nalya tendelwa kono ninwe nalya tendelwa. 31Cwale seni nako jo nkatulo lye longa, mi umfumu gwalelino ilonga kuti natandilwe anze. 32Mi ime aa seni langikigwa mwilonga kuti nani kokele abantu bonse kwangu.” 33Ka gamba bobo ku talusa umufuta go lufwu nafwe.
34Ubungi bo bantu kale bemutaba buti, natwa shugwa mu mulao buti Mesiya kuti nakalilile, cwale cinzi aa ugamba buti, “Mwana Muntu ali jelele kuangikigwa? Nini joju Mwana Muntu?”
35Jesu kale atyo kwabo buti, “Ituba lisikele mukati kenu mwi nako gana bulyo. Mujende aa musikwesi ituba buti ififi lileke kumigwana ukuti uju ajenda mwififi tagezi uku aja. 36Muzumine kwi tuba aa musikwesi ituba buti mube bana ituba.” Jesu aa salamani kugamba bobo, kale abaleka no kalibika kwabo.
Uku sazumina ko Majuda
37Nanga satenda ibisupo ibingi mukati kabo, taa kaba muzumina. 38Kakuli kubu mbilizwa ijwi lya muboni gwa Nyambe Isaya, ili kalityo,
“Mfumu, nini uju ala zumini ijwi lyetu
Mi iganja lyo Mfumu nini nalya bikululilwa?”
39Kebaka leli taa kaba zumina, ukuti Isaya naa gamba kame buti, 40“Nyambe naazima mensho gabo, no kukutuwisa imyojo jabo, ukuti amensho gabo galeke kutonda, mi imyojo jabo jileke kushugwisisa, mi naba zokele kwangu, nani balwalukise.”
41Isaya naga gamba bobo ukuti naga bona Jesu mukucena mi kagamba byakwe. 42Nanga ceciba, bamwinya bo bakulu bo Majuda kale bazumina kwakwe, kono muku joga Mafalisi takaba lumbulula akancenenene buti baleke kutandilwa anze lye Cinagoge. 43Ukuti kaba shaka kulumbigwa ku bantu wawa kuita kulumbigwa kwa Nyambe.
Inkatulo lyo majwi ga Jesu
44Mi Jesu kale alila lwini no kutyo, “Muntu gense uju azumina kwangu tali kwangu bulyo zumina, kono nakwa jojo uju naa nitumi.” 45Mi uju alola kwangu gasa bona uju naga nitumi. 46Nanakeza mwilonga ketuba ukuti gense uju azumina kwangu aleke kusigala mwififi. 47Ati muntu gense asa shugwa majwi gangu mi tagabiki, ime tani muatuli. Ime taa nana keza ku kuatula ilonga kono ku kujojesa ilonga. 48Uju ani kana mi tazumini majwi gangu nana gamba kwali uju namu atule. Amajwi nana gamba kuti nagabe majwi ge nkatulo jakwe mwi juba lyo mamaninino. 49Ukuti tali nime ne mwini ni gamba, kono ni Tata uju naga ni tuma naga ni lugwila buti ni gambe byonse byebi nana gamba. 50Mi nili zekelele buti indagano jakwe ja bumi tabumani. Mi cwale ici ni gamba nasa ci gamba sinagwe ni Tata aa naci ni gambaguza.
Pilihan Saat Ini:
Joani 12: TBTP
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
The Word For The World International
Joani 12
12
Jesu aa singigwa mafuta mu Betaniya
(Mateu26.6-13; Maleka14.3-9)
1Aa se kaku sigalile amajuba ga tosanwe na kakole buti Impaseka jitatike, Jesu kale aja ku munzi gwa Betaniya umu kajoja Lazalo, unkosi uju na busigwa ku bafwu. 2Momo munjugo ja Lazalo, Jesu kale awegwa iyumbu lyo mulalilo ili ka kwesi kutaya Maleta, mi Lazalo kali jumwinya gwa babo kebekele ku ntafule. 3Cwale Maliya kale ga inda icika lyo mafuta gatula lwini, no kugasindila ku matende ga Jesu mi kale asingula amafuta ku matende ga Jesu ne nshuki zakwe. Injugo kale ja bumba ku mununko go sende mulotu. 4Kono jumwinya go bazigigwa bakwe Judasi Isikalioti, uju kashaka ku mulegeza kale atyo, 5“Cinzi aa tana mwa gulisa gaga amafuta no kuwa amashelen’i ku bampale?” Masheleni ga gola uku sika ampei jo cika lyo cilimo. 6Kagamba bobo tali buti katenda nenja abampale, kono kali musa. Neje ka indanga umukotana go mashelen’i mi kali tendelanga ubu ashakila.
7Kono Jesu kale atyo buti, “Mumu leke Maliya! Kuli jelele buti abike gaga mafuta kutwala mwijuba ili nani zikigwe. 8Kuti namube na bampale inako jonse mukati kenu, kono taa na mube neme inako jonse.”
Abakulu bo Majuda aa bagaja kwi yaga Lazalo
9Ubungi bo Majuda aa naba shugwa buti Jesu mu Beteniya akele, mi kale bakaja mo tali kebaka lya Jesu kono no kabona Lazalo uju naga busigwa ku bafwu. 10Cwale Amapulisita bakulu kale bagaja kame kuyaga Lazalo, 11ukuti kebaka lyakwe ubungi bo Majuda kabaja kwa Jesu no kuzumina kwakwe.
Jesu angina mu Jelusalema ke tuba
(Mateu21.1-11; Maleka11.1-11; Luka19.28-40)
12Ijuba nalya nungako, ubungi bo bantu aba naba keza ku mukiti, kale bushugwa buti Jesu ala keza kwa Jelusalema. 13Kale bainda intabi jo bishamu byo nzalu no kaja ka shangana Jesu bukugiliza buti,
“Osana!”
“Infwijaguzi ja joju uju akeza mwi zina lyo Mfumu!”
“Imfwijaguzi ja Mfumu gwa Isilaele!”
14Jesu kale agwana aka mbogologana, no ku kalija sinagwe ubu kun’olelwe buti, 15“Uleke kujoga, mwana Sione go mukazana! Uju no Mfumo akeza, nakele aka mbongologana.”
16Ku matatikilo aba zigigwa bakwe taa na ba shugwisisa zonse zezi, bwita Jesu sala cenisigwa mi kale bagaja buti bebi bintu nabya n’oligwa kakwe mi bebi bintu nabya tendaala kakwe.
17Cwale ubungi bo bantu aba kebekele naje aa naga kuga Lazalo kuzwa mwibita no kumu busa kubafwu kabali ba mpaki. 18Mi ubungi bo bantu kale baka shangana Jesu ukuti naba shugwa ama makazo natenda. 19Cwale Amafalisi kale bali gambaguza mwacabo, “Ngamulole bebi takuli uku bitutwala, muliwene ilonga lyonse kale selili mu umpilile!”
Jesu aa kuluwiza byo lufwu lwakwe
20Mukati ko bantu nabaja kuku lapela ku mukiti mo kabali Amagelike. 21Cwale kale bakeza kwa Filipi uju kazwa mu munzi gwa Betisaida gwa mucilalanda ca Galileya no kutyo kwakwe buti, “Mfumwetu, kame tushaka kubona Jesu.”
22Filipi kale aka lugwila Andulu, mi Andulu na Filipi kale babogola ka gambaguza Jesu. 23Jesu kale abetaba buti, “Inako jilasiki ja Mwana Muntu jo kulumbigwa. 24Nicote nasa milugwila, ulukwe lo maila aa talu byalwi mi lwasa fwa kuti lusigale bobo naluli bweke. Kono aa lufwa mpaa nalulete ibilyo zingi. 25Umuntu gense uju ashaka ubumi bwakwe kuti nabu jonaukilwe, kono gense uju azimbe ubumi bwakwe mumuno mwi longa kuti nabe no bumi tabumani. 26Muntu gense uju ani belekela alibotele kuni umpilila mi uku nanikale, naje umuika gwangu kuti nakale ko. Tata kuti nakutike uju ani belekela.
27“Cwale moya gwangu munkalilwa guli, mi cinzi nijelele uku gamba? Tata, uni lamwine kwa jeji inako? Nana keza kusika mwi nako jejino jo mapenzi. 28Tata, ulumbe izina lyako.”
Mi kale kwazwa ijwi lizwa kwigulu lityo, “Nila lilumbi mi kuti nani lilumbe kame.”
29Cwale ubungi aba kabekeleko aa bashagwa ijwi bamwinya kale batyo, umvula ala zumi bamwinya naba tyo buti, “Ingiloi lila gambi kwakwe!”
30Jesu kale atyo kwabo buti, “Leli ijwi tali nime nalya tendelwa kono ninwe nalya tendelwa. 31Cwale seni nako jo nkatulo lye longa, mi umfumu gwalelino ilonga kuti natandilwe anze. 32Mi ime aa seni langikigwa mwilonga kuti nani kokele abantu bonse kwangu.” 33Ka gamba bobo ku talusa umufuta go lufwu nafwe.
34Ubungi bo bantu kale bemutaba buti, natwa shugwa mu mulao buti Mesiya kuti nakalilile, cwale cinzi aa ugamba buti, “Mwana Muntu ali jelele kuangikigwa? Nini joju Mwana Muntu?”
35Jesu kale atyo kwabo buti, “Ituba lisikele mukati kenu mwi nako gana bulyo. Mujende aa musikwesi ituba buti ififi lileke kumigwana ukuti uju ajenda mwififi tagezi uku aja. 36Muzumine kwi tuba aa musikwesi ituba buti mube bana ituba.” Jesu aa salamani kugamba bobo, kale abaleka no kalibika kwabo.
Uku sazumina ko Majuda
37Nanga satenda ibisupo ibingi mukati kabo, taa kaba muzumina. 38Kakuli kubu mbilizwa ijwi lya muboni gwa Nyambe Isaya, ili kalityo,
“Mfumu, nini uju ala zumini ijwi lyetu
Mi iganja lyo Mfumu nini nalya bikululilwa?”
39Kebaka leli taa kaba zumina, ukuti Isaya naa gamba kame buti, 40“Nyambe naazima mensho gabo, no kukutuwisa imyojo jabo, ukuti amensho gabo galeke kutonda, mi imyojo jabo jileke kushugwisisa, mi naba zokele kwangu, nani balwalukise.”
41Isaya naga gamba bobo ukuti naga bona Jesu mukucena mi kagamba byakwe. 42Nanga ceciba, bamwinya bo bakulu bo Majuda kale bazumina kwakwe, kono muku joga Mafalisi takaba lumbulula akancenenene buti baleke kutandilwa anze lye Cinagoge. 43Ukuti kaba shaka kulumbigwa ku bantu wawa kuita kulumbigwa kwa Nyambe.
Inkatulo lyo majwi ga Jesu
44Mi Jesu kale alila lwini no kutyo, “Muntu gense uju azumina kwangu tali kwangu bulyo zumina, kono nakwa jojo uju naa nitumi.” 45Mi uju alola kwangu gasa bona uju naga nitumi. 46Nanakeza mwilonga ketuba ukuti gense uju azumina kwangu aleke kusigala mwififi. 47Ati muntu gense asa shugwa majwi gangu mi tagabiki, ime tani muatuli. Ime taa nana keza ku kuatula ilonga kono ku kujojesa ilonga. 48Uju ani kana mi tazumini majwi gangu nana gamba kwali uju namu atule. Amajwi nana gamba kuti nagabe majwi ge nkatulo jakwe mwi juba lyo mamaninino. 49Ukuti tali nime ne mwini ni gamba, kono ni Tata uju naga ni tuma naga ni lugwila buti ni gambe byonse byebi nana gamba. 50Mi nili zekelele buti indagano jakwe ja bumi tabumani. Mi cwale ici ni gamba nasa ci gamba sinagwe ni Tata aa naci ni gambaguza.
Pilihan Saat Ini:
:
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
The Word For The World International