YUUKA 23
23
Usumanu na Urilalyi
1Kulasheuta mbony ta wongo, kulashesanda woko lwafo na nndu nravi, neeva nkureeki wa ulembi. 2Kulasange na ironda lyirye itana findo fya uravi, nta kulashevika ukureeki lwafo kwiriani na vandu vakunndye yeeveta usumanu 3naakwa ava nndu nturi kulasheenkunndya-fo, 4kwakooya ng'umbe ao nshungu ya nkiduva wafo vareka, nkuti kumweekye iviira. 5Kwalollya nshungu wa nndu eto akusuuye wammbwa na irio lya vayo, kwakusara nkivaa kumweekkye, llyo nkuti kumweekkye-da.
6Lola kulasheeveta usumanu lwa nndu nkiva efo mwaanduny wakwe, 7kaa kwaasha na wongo, neewo valalyamarye ando amwi na va usumanu kulavawaa-fo, mashika yeny nshishemwekennyaa usumanu yeto akee nravi-fo. 8Nta kulawarye findo fya ntambo mashika mmbo fiwaa miso a yewo valolaa, na yeeveta marero a yewo va usumanu.
9Kulalammye nndu muny akee kwany-fo, mashika yeni mwiishi ngata ya nndu muny, llya mwiike veny kulya urukeny lwa Misri.
Mwaaka wa Mfungare na Nkonu wa Mfungare
10Mmbo kushevayaa mbeu kunu urukeny lwafo ando a myaaka irindaru na yiilula findo fya-fo, 11kyeendi mwaaka wa mfungare mmbo kusheraa sumbai yiimuye, naambo na vandu vakiva vakee kwany vawonise kyeeekkya, neekyo vashesaara wo, kilyiwa ni mafisi. Niindo kushetanaa efo nndeny wafo wa misabibu, neefo nndeny wa miri ya mafura. 12Ando a mikonu irindaru runda mashora nkonu wa mfungare kwiimuye, naambo na ng'umbe yafo na nshungu wafo nafyo fiveimuya na mwana wa kishinga kyafo na muny wafo nawo vaimuriswa. 13Tireny efyo fyoose shilemuvavasya; nta mulasende marina a maruva engyi nta nalasheitiwa kaniny kany-fo.
Suku-kuu Shiniini Isaru
(Yuu 34:18-26; Nku 16:1-17)
14Ando a mwaaka umwi shivikkya suku-kuu kararu. 15Mmbo kushevikaa suku-kuu ya mikate ilatiri ntarang'o. Nayo kusheilyaa ando a mikonu mfungare shaasa llya shilekuvavasya, kyeeri kilya kivavasye kulye mikate ilatiri ntarango, mwiiri wa Abibu nto mwiiri ulya kuleuka nato Misri. Na kulave nndu ashelollywaa mbee yakwa na maako aruu-fo, 16ya kavii ni suku-kuu ya fimu, ni findo fya mbee fya mashora a mareminy ya kararu ni suku-kuu yeesanyirya yoo masiiyoony a mwaaka, yoo kushesanyiryaa filya kulefurukannya efo mareminy. 17Wo mwaaka ni kararu vandu vafo woose vasheshaa mbee ya Nndumi Iruva wafo.
18Kulasheninngya samu ya kiraso kyakwa na mikate itiri ntarang'u-fo, ao nta mafura a vayo alerewa fika ngama-fo, 19Fimu fya mbee fya uruka lwafo kuti kufyeende mmba ya Nndumi Iruva we Iruva wafo. Kulakore nyama ya mburu na malela a maye-fo.
Kyaasa na Uramba
20Ekaka-u shikeeruma nsu wakwa naire mbee yafo, akuringe efo shia ashekufita fika ando alya shilekusongosia. 21Kwiiseny mbee yakwe mwarannyi unyanga lwakwe, nta mulave kilemi-fo mashika nnyashemusaryaa-fo, mashika yeto mmbo arie irina lyakwa. 22Kyeendi kwakooya mwarannya unyanga lwakwe dede neetana yefyo shaamba yeny, llyo nshevaa nkiduva wa vakiduva vafo na mwikusisa yewe nshensisaa. 23Mashika nsu wakwa asheiraa mbee yafo, ashekweende mbee ya Mwaamori na Mhiti, na Mperisi na Mkanaani na Mhivi na Myebusi neeny nshevamamita. 24Kulasheinndya maruva awo, nta iirunndya, nta kulatane findo fivakyani nawo, mmbo kusheimamitaa deny na ngo ta vayo kutifishe-fishe. 25Neeni mmbo musherunndyaa Nndumi Iruva, Iruva waany, nawe ashevikkya kyeelya kyafo na mura wafo mbora, neevika ndwari kwaasha neewe. 26Kwafo nkushekaa-fo nka akapaa urende nta nka kyuumba-fo, na yeny nshemuniinga muu mwaasha. 27Yewo vashesalalaa mbee yafo nshevamattwaa na ivasaaveesa, nawo vasheindukaa ikurisha. 28Neeny nsherikaa fifi mbee yafo fyaante Mhivi, na Mkanaani na Mhiti varishe mbee yafo. 29Nshishewoombutaa ando a mwaaka umwi nsi-fo, mashika uruka mmbo lushesaa-u ruu, na mafisi ashesamya-fo. 30Mmbo nshevaumbutaa waarya, shaasa yewe kukee fumbuka neetira uruka. 31Neeny nshekuvikkyaa nnyanu uka yeeve ya Shamu fika yeeve ya Vafilisti na lyingyi kupookya kasa fika mureny, mashika mmbo nshevikaa vandu va vayo maakony afo varishe mbee yafo. 32Kulalye nawo mmafo, nta kulasore maruva awo-fo. 33Valashekaa urukeny lwafo-fo mashika mmbo vashekwenngye kulyamare, mashika kwakooya kwainndya maruva awo mmbo vashevaa nsindara kwafo.
Pilihan Saat Ini:
YUUKA 23: MAS2
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
The Holy Bible in Kimashami © Bible Society of Tanzania, 2016.