Baroma 16
16
Khusheesa Khumaliilisi
1Nasiindikhile umukooko wefwe Foebe, uli umwakaanisi mu baandu ba Wele, i Kengeliya, khukhwiitsa isi muli. 2Ni mumwakaanile mu lisiina ly'Omukasya, nga bakhosefu ba Wele ni bashiile khukhola. Ni mumuwe buyeeti bwoosi bweesi kane ekoombe khukhwaama isi muli, khulwekhuba abeele umuyeeti isi babaandu bakali, ni isi ise samweene.
3 #
Bur 18.2
Ni mulome Pulisikila ni Akula, babaali baraambi bashaase mu Kristu Yezu, muli nabasheesele. 4Khulwase samweene ni khulwe Banaambo babaali bafukiilisi, isiima naabi Pulisikila ni Akula, khulwe khuwanayo bulamu bwaabwe, khulweefwe. 5Nalundi ni musheesele bafukiilisi bababusanila mu ntsu iye babili abo. Musheesele umukanwa wase Epaeneto. Niye ali mutweela khu baandu babaali mu Asiya, uwanyoowa khushuukha wekyela umufukiilisi mu Kristu. 6Ni musheesele Mariya, uraamba ni kamaani mus'iinywe. 7Musheesele balebe baase Anduroniko ni Yuniya. Nibo babaaba mu lipuusu atweela ni nase. Baamanyikhana naabi mu baarume nalundi nibo babanyoowa khuuba bakristu nga ise ishiili khushuukha ta.
8Musheesele Ambilato, umukanwa wase khulw'Omukasya. 9Musheesele Alubano, umuraambi uwashaase mu bwakaanisi bwa Kristu, n'umukanwa wase Sitakisi. 10Musheesele Apelesi, uli umwilama naabi mu khufukiilila mu Kristu. Ni musheesele ni naabo boosi be mu ntsu iya Alisitobulo. 11Ni musheesele umulebe wase, Helodioni. Musheese ni naabo boosi be mu ntsu iya Nakisosi babaali ni khufukiilila mu Mukasya.
12Musheese Tulifena ni Tolofosa, babaraambila Umukasya. Musheesele n'umukanwa wase Pelesisi, naye uraamba naabi khulw'Omukasya.
13 #
Mrk 15.21
Musheesele Rufusi, umanyikhanile naabi nga umwakaanisi w'Omukasya, musheesele ni maayi weewe, uyo uli busa nga maayi wase.
14Musheesele Asingilito, Fulegoni, Herimesi, Patobasi, Heremasi, ni be buulebe boosi beesi bamenya ni nabo.
15Ni musheesele Filologasi, Yuliya, Neresi atweela n'umukooko weewe. Isheesele Olimbasi ni bakhosefu boosi beesi ali ni nabo.
16Ni musheesane nga buli mutweela akwa uwashe mu shifuba khukhosefu. Kamatuuli koosi kakafukiilila mu Kristu kabasindikhiile kimilembe.
Khukaambila khumalilisi
17Be buulebe, imbakhupilisa ndi mwitsililise naabi babaandu babareera buwangafu ni khukhwawukhanamo. Ni mwihalabe babaandu babakhaandisa khuleekela khweesi inywe mwamala khukhwiyika. 18Khulwekhuba babaandu babafwana baryo si baraambilila Kristu ta, ne akhali baraambilila kameelu kaabwe babeene. Baraambisa tsilomo tsaabwe tsitsikhongelesa, khuwombesa kimyoyo kyaabo babashiili batoro mu khufukiilila. 19Buli mundu wamanya nga inywe ni muli babaandu babaloondelela kamakhuuwa kamalayi. Ni nase indi ni kumwikhoyo khulwe lomo yino. Ingana mwiloosele khuuba bakyesi mu khukhola bibiindu bilayi. Ni mulekhe khukhwihambila mu khukhola bibyonako ta, 20nio Wele nga niye isebele iye lukoosi, khangu akho, asibiilisile Sitaani asi, e bikele byenywe. Bubweela bw'Omukasya wefwe Yezu Kristu bube ni nanywe.
21 #
Bur 16.1
Timosewo umuraambi washaase wabasheesele. Akhaba ni balebe baase Lusiyo, ni Yasoni, ni Sosipateli, nabo babasheesele.
22Ise Telutisi, umuroni uwe baluwa yino, nabasheesele mu lisiina ly'Omukasya.
23 #
Bur 19.29; 1 Kor 1.14
2 Tim 4.20
Gayo naye washeesele. Ise imenya mu ntsu mweewe, nalundi mubweene umwo nimwo mweesi lituuli lye bafukiilisi lisaayila. Erasto, nga niye umubiikhi uwe mu shiriimba, naye wabasheesele. Akhaba Kwalito wandaayefwe, naye wabasheesele. 24Bubweela bw'Omukasya weefwe Yezu Kristu bube ni nanywe mweesi. Amiina.
Khuloomba
25Ari lekha khuwe Wele shiriifwa. Khulwekhuba niye unyala khubayeeta inywe nga abakumisila mu khufukiilila khwenywe, khulondekhana ni kamakhuuwa kamalayi, kakawamba khu Yezu Kristu keesi ise nabaleekela. Nalundi niye unyala khubawandalasila mu khubimbulilwa khwe shimoonyo sha ŋali abe shishabisibwa khumala kimiiko kimikali. 26Ne ari bwa ŋali buno bwakangululibwa khukhwaama mu shimoonyo sheesi bwabamo, bwarusibwa ibulafu. Ni khubirira mu byaronebwa bikhosefu bye ba baŋoosi, kamanaambo koosi kamanya bwa ŋali buno, nio akile babaandu boosi baloondelele Wele uwe biilo ni biilo, nga babirira mu khufukiilila.
27Shiriifwa shibe isi Wele niye uwe kamakyesi koosi biilo ni biilo, khubirira mu Yezu Kristu. Amiina.
Pilihan Saat Ini:
Baroma 16: LCE
Sorotan
Salin
Bandingkan
Bagikan
Ingin menyimpan sorotan di semua perangkat Anda? Daftar atau masuk
Lumasaaba Catholic Bible © The Bible Society of Uganda, 2017.