Ayat-ayat Alkitab Ternama dari Efez hay 5

Bagikan

Mazazahw Zlavay, afa akwar wudeh masa a walakwar elehey. Manjah dapa mawal vaw ara masa Kəristi ta walandakwa. Ka vana yaŋ tata avəda kad Zlavay mafay tandakwa ara mavə jene taambəla daha aabay mavə jene eve mesfeney ka ta ŋgə kwakwas, ara mal te meŋgeŋgez masa a wafa kad Zlavay.

Mep leŋgesl mambəla ana fa manjah takwar. Akwar ta njah ara ndah marəzla bay, amaa manjah ara ndah masəna mavən jene, masa aca ŋgə jə mambəla ana dapa pas hay pəsna nesey, afa pas ana hay masa pəsna nesey sə, ac mambəla ana aabay.

Akwar ta kwə ava wuzam bay, afa makwa nda ta wuzam sə, a had nda pe meŋgə jene hay saw. Amaa manəha vaw ta akwar eve Mesfeney. Maslə law hay fa slam ana dapa Jaabura, law hay ta mahahəm Zlavay va law hay masa Mesfen ta vakwar. Maslə law hay va mamɓaɗ Bay Mazlakava ava rav takwar fakwanay. Maŋgana wasay kad Zlav Papaŋ cəɗem cəɗem mafay te jene hay fakwanay eve mezel ta Bay tandakwa Mazlakava Yesu Kəristi.

Mafay ana, akwar ta njah ara ndah masa ec eve leŋgesl aabay bay, amaa macəna mambəla ana masa Bay Mazlakava a ɓəliya da varakwar.

Akwar mawula hay, mawal ŋgwazah takwar ara Kəristi ta wal Macam yaŋ ta ndah ta Zlavay kasl pa mavə mesfen tata mafay teceŋ.

Zleezle sə, akwar ləvaŋ, amaa təlam nesey, dapa macam vaw takwar ava Bay Mazlakava, akwar slam mawaɗa. Manjahay ara wudeh ta slam mawaɗa

Akwar ndah macənan ma te Kəristi, macən ma fa vaw takwar.

Akwar ŋgwaza hay, mecənecen ma ta mawulah takwar ara masa akwa cənan ma ta Bay Mazlakava

Amaa ma ana e gweɗ kad akwar may. Da lada sə, kwa waawa takwar da wal ŋgwaza ara yaŋ tata, ŋgwaz may da nahan yaŋ kad mawula.

Mafay ana, ndana a ta gərda papaŋ va mamaŋ, a ta cam vaw ava ŋgwaza, ec cuweeney ec te tərec ara nda amta.

Akwar ta ŋgə mezlər hay ta ləvaŋ masa ece heyə aabay ŋga bay, amaa meŋguzdekec kad a vəda