Ayat-ayat Alkitab Ternama dari Efez hay 4

Bagikan

Metər ka ndah mambəla ana dapa taɓa takwar amta va amta, meŋgə metekwen fa nda dapa taɓa takwar. Mapal mebər fa vaw takwar ara masa Zlav ta pəlakwaɗ takwar jaka pa Kəristi.

Manahda yaŋ cəɗem cəɗem, manjah makwaɗma hay, ndah mapana sek dapa jene hay. Maɓəs vaw fa vaw takwar amta amta ava mawal vaw.

Ma hay masa mambəla ana aabay sə, de təhek dapa ma takwar kwa kusetke bay. Sesəker megweɗ sə, ma hay mambəla ana masa a ta jəna nda, masa e te gəlec ndana hay fəma fəma dapa makəsparav va ma hay masa e te ŋgec mambəla ana kad ndah macəkafakwar zləmay.

Magərda magwaɗ ma hay masa dendərek kad ndana, ma hay masa a ta guvaɗ rav ta ndana ka zam rav, mazam rav, mapay ava ndana va malaf nda. Malaləka vaw takwar fe suwe hay fakwanay.

Daha rav a zamakwar sə, akwar te ŋgə mebər bay. A lada pas da kazlafakwar dapa mazam rav bay. Akwar ta vana cəv kad bay ta haalay de ŋgə bay da yaŋ akwar bay.

Ara nesey, a lada akwa gərda manjah takwar mezleezle ana. Macəkwa vaw takwar mezleezle ana masa akwar ka njah dapa masa mawulak yaŋ ta mafəca nda tata a hwad nda kad pa magədas nda sə, avəda. A lada akwa vana cəv kad Mesfeney da ŋgwada leŋgesl takwar, akwar de tər ka waya fakwanay. Mapaɗ fa vaw takwar vaw waya masa Zlav ta lamiya ara mawulak yaŋ tata, afa a da njah dapa meŋgə mezlər eve cəvey ana va mavəna vaw ava jene hay maləza masa e dek dapa metehwe ana.

Meŋgə gədaŋ ta matəhaza macam vaw masa Mesfen Mavəna ta vakwar dapa meteh masa a camakwar amta va amta.

Mavana gədaŋ wal te meŋgə mezlər kad ndana hay sə, aŋga ana: Ndah leŋgeɗey, e pec ka maslaŋ hay, te leŋgeɗ hay, e pec ka ndah mehwedek ma, ŋgeɗ hay saya, ka ndah mabəzad labara mambəla ana, ŋgeɗ hay ka gwala jene hay, daha aabay ka ndah masasəraka ndana hay. A ŋgiya ara nesey sə, afa e de jənec ndah tata, ac da zlafa meŋgə mezlər tata ta magal vaw te Kəristi kasl masa andə ta hus tandakwa fakwanay fa slam ana pa macam vaw ta makəsparav va masən Wut ta Zlavay. Andə ta tərakwa ka ndah masəfa ara Kəristi masa ka maɗa jene hay avəda fakwanay.

Eve cəvey ana nesey, andə ta njahakwa ara wudeh ɓasabay. Andə ta tərakwa ara kaslkaslah wuje masa meŋgeŋgel ta yam ta daŋgwafiya sə, aabay. Memeɗ te mesesərek hay mambəla ana aabay sə, a ta zlafa mazəɓandakwa ara masa aŋga ta waya sə, ɓasabay. Ndah mafəca nda sə, wewer tec hay ac ta zlafa mafəcandakwa va mazandakwa ɓasabay. Amaa eve megweɗ metehwe ana dapa mawal vaw, andə ta gəlakwa dapa jene hay fakwanay kad vara nda masa aŋga yaŋ ta vaw, a wal megweɗey, Kəristi.