Ayat-ayat Alkitab Ternama dari मार्कुस 14

Bagikan

ए मेरै बाबा; ताखा सका सोभै गल्‍ला हई, एऊ दुखे प्रिहअ च़क मुंह सेटा का पोर्ही। पर तैबी बी ज़िहअ हुंह च़ाहा तिहअ निं लोल़ी हुअ। पर ज़िहअ तूह च़ाहा तिहअ लोल़ी हुअ।”

बिहुदै रहा अर प्राथणां करदै रहा लागी, कि तम्हैं खरी दी पल़ी पाप नां करे, थारअ शाह ता बोला पर देही आसा कमज़ोर।

“हुंह खोज़ा तम्हां का सत्त कि सारै संसारै ज़िधी बी मेरै बारै खुशीओ समाद प्रच़ार होए तिन्‍नां मणछा खोज़णअ एसे बारै बी कि ऐहा मुल्है किज़ै किअ।”

तेऊ बोलअ इहअ, “मेरअ ज़िऊ आसा बडअ दुखी इहअ कि मेरै च़ाल्‍लै ज़िहै प्राण निखल़ी, तम्हैं खल़्हिया इधी अर बिहुदै रहा।”

ज़ांऊं तिंयां रोटी खांदै बेठै; ईशू परमेशरो शूकर करी रोटी चोल़ी अर तिन्‍नां लै दैई बोलअ, “हुंज़ा, अह आसा मेरी देही।”

तेखअ ईशू दाखे रसा करै भरअ द प्रिहअ हाथै लई करै परमेशरो शूकर किअ अर तिन्‍नां लै दैनअ अर तिन्‍नैं सोभी झुटअ तेता का। तेखअ बोलअ ईशू तिन्‍नां लै, “अह आसा मेरअ लोहू, ज़ुंण खास्सै लै बहाऊंणअ अह आसा परमेशरे मणछा लै करार।

तैबै बोलअ ईशू तिन्‍नां लै, “तम्हैं ठुहर्नै सोभ मुंह छ़ाडी, किल्हैकि शास्त्रा दी आसा मेरै बारै इहअ लिखअ द कि ‘मुंह पाणअ फुआल मारी अर भेडा छिंघणीं ओरी-पोरी।’

खल़ै उझ़िआ, च़ाल्‍ला, हेरा, ज़ुंणी हुंह ढाकी आसा लाअ द सह गअ एछी।

ईशू बोलअ तेऊ लै, “हुंह खोज़ा ताखा सत्त कि आझ़ ऐहा ई राची मुर्गै दूई बारी बाशणैं का आजी हुधणअ तूह मेरै बारै चिई बारी।”