Ayat-ayat Alkitab Ternama dari गलाती 4

Bagikan

किल्हैकि तम्हैं आसा परमेशरे पूत, तैही छ़ाडी परमेशरै आपणैं पूते आत्मां म्हारै दिलै, ज़ुंण “बाबा, ए बाबा बोला।” ऐबै निं तम्हैं गलाम रहै, पर ऐबै आसा तम्हैं परमेशरे पूत। ऐबै ज़ै हाम्हैं परमेशरे पूत आसा, तेऊ दैणीं हाम्हां लै तिंयां सोभै गल्‍ला ज़ुंण तेऊ आपणैं पूता लै आसा डाही दी।

पर ज़ांऊं ठीक बगत पुजअ, परमेशरै छ़ाडअ आपणअ पूत संसारा लै अर तेऊओ ज़ल्म हुअ होरी मणछा ज़िहअ ई एकी ज़नानीए ओदरा का। तेऊओ ज़ल्म हुअ यहूदी खिंबा दी अर तेऊ किई सोभै गल्‍ला मोसा गूरे बधाने साबै। ताकि ज़ुंण बधाने डरा हेठै आसा, तिन्‍नां लै मोल दैई छ़ुटकारअ होए, अर हाम्हां बी गोद लऐ दै शोहरू ज़िहअ हक भेटे।

पर ऐबै ज़ांऊं तम्हैं परमेशर बछ़ैणीं हेरअ, पर परमेशरै बछ़ैणैं तम्हैं। ऐबै तिन्‍नां दुबल़ी, निक्‍की आदी शिक्षे गल्‍ला बाखा किल्है फिरा पिछ़ू, ज़सरै तम्हैं भिई आसा गलाम च़ाल्‍लै दै बणी?