Ayat-ayat Alkitab Ternama dari इफिसी 2

Bagikan

किल्हैकि हाम्हैं आसा तेऊ परमेशरै बणाऐं दै अर मसीहा ईशू दी आसा हाम्हैं नऊंऐं मणछ तिन्‍नां भलै कामां लै बणाऐं दै ज़ुंण परमेशरै पैहलै ई आसा म्हारै बारै सोठअ द कि हाम्हैं करे।

किल्हैकि परमेशरै किअ आपणैं जशा करै थारअ उद्धार ज़ेभै तम्हैं विश्वास किअ, तम्हैं निं आपणैं उद्धार हणां लै किछ़ै मोल दैनअ। एता लै निं तम्हैं इहअ किछ़ै भलअ काम आथी किअ द ज़ेता लै तम्हैं घमंड करी सके।

पर परमेशरा लागा म्हारी खास्सी झींण अर सह करा हाम्हां लै खास्सी झ़ूरी। मसीहा दी विश्वास करनै का आजी तै हाम्हैं पाप करनै पिछ़ू मूंऐं दै ज़िहै, परमेशरै दैनी हाम्हां लै ज़िन्दगी ज़ेभै तेऊ मसीहा मरी करै भिई ज़िऊंदअ किअ अर परमेशरे जशा करै ई आसा थारअ उद्धार हुअ द।

परमेशरै किऐ हाम्हैं मूंऐं दै मांझ़ा का मसीहा संघै ज़िऊंदै अर मसीहा ईशू संघै स्वर्गै राज़ दैई किअ तेऊ म्हारअ अदर

ऐबै निं तम्हैं होरी ज़ातीए मणछ परदेसी अर पाखलै रहै। तम्हैं हुऐ ऐबै परमेशरे पबित्र लोगा संघै रहणैं आल़ै परमेशरे आपणैं टबर। हाम्हैं आसा सोभै कठा हई तेऊओ भबन ज़ुंण शधाणूं अर गूरे आथरी प्रैंदै आसा च़िणैं द अर तेते सोभी का खास कूणींए ज़ान आसा मसीहा ईशू आप्पै।