Ayat-ayat Alkitab Ternama dari Mélékusu 14

Bagikan

A mba lɛ́ o oya a amɔ́: «Ába, Baaba, boóma bá ndɔlɛ bó do báá naá maamɔ́ɔ. Tɔ́ŋɔ́nɛ́náamɔ́ ɛnnyóɛ́ná há makánya hɛ́ɛhɛ. Akɛ́ nɔ́ɔnɔ moánɛ, bó do báŋaáa aŋa yɔmɔ́ɔ ndɛ́galɛgamɔ́, goana go ndɛ́ga yahɔ.»

Kúlée nɔnɔ, no bósógolonyo goŋaá no do obɛ́ná naá magálá má ɛsɔgɛdɔ. Ɛdɛ́má yɛnyɔ́ ɛ lɛ́ dácɛ na bɛnɔ́gɔ́ bá mbééníŋínyí, kanɛ́ nnyɔ́dɔ ɛ lɛ́ na bonɔ́nɔ́.»

Ŋgaá nyó oyáná mammana caá: Naá cí iŋkimée, hoóma hiimée háaha bá ŋgaá dúményée Gɛnɔ́gɔ́ gá Cɔ́mɔ gɛ́ɛgɛ, bá ŋgo oyáa tɔ́nɔ boóma bɔ́ɔbɔ okɔ́dɔ mɔ́ɔnyɔ a báá ná ŋaáa, batɔ bá mo béeniŋenye go bɔ́.»

go bó oyana a amɔ́: «Odɛ́má yámɛ yó lɛ́ dácɛ na mecíkílí má nigúe; gɛ́gáa nɔnɔ háalá, no kúle.»

Gɛcamɛna gɛ́ɛgɛ bá mbaá lɛ bá nyáanya, Yésusu go gɔ́lɔ gɛlɛ́dɛ, a báá béhiigí Asaŋa, gɛ́hɛ́ go gɛ́ gɛ́sagɛsa, go bó íŋene a amɔ́: «Gɔ́lɔ́ nɔnɔ, bɔ́ɔbɔ bó lɔ́mɔ́ nnyɔ́dɔ yamɛ.»

Naá nnyimé, gɛ́hɛ́ go gɔ́lɔ ɛnnyóɛ́ná na mɔgɛ́bɔ kɔ́ɔ, a báá béhiigí Asaŋa, go bó íŋene bá báa hɛ́ bónyó bɔ́ɔ biimée púmú. Gɛ́hɛ́ go bó oyana a amɔ́: «Bɔ́ɔbɔ bó lɔ́mɔ́ ɛnnyóɛ́ná há manɔ́ŋɔ́ mámɛ, manɔ́ŋɔ́ máama má lɔ́mɔ́ go go lada bugúle na Asaŋa, máama má lɔ́mɔ́ gɔnɔ́ udúgéelú go gɛca gá batɔ.

Yésusu go oyana behúúní bɛ́hɛ́ a amɔ́: «Bɛɛnyɔ́ɔ biimée no gaá tɛ́ɛ́ná mokáa. Mammana bó lɛ́ naá Ŋgɔ́ŋɛ́ goŋaá: “Nnó óna umbeŋíbéŋí, bɛdómbáa bá buufe bɛ́ lɛ go sálamanda hoóma hiimée”.

Fadɛ́gɛ́na nɔnɔ dɛ no dómba. Ɛ́ná nɔnɔ, mɔtɔ mɔ́ɔnyɔ a túenenemú a ná lɛ́ hɔ́ɔ.»

Gɔ́ɔ Yésusu a mo gundiemú a amɔ́: «Ŋgaá go oyáná mammana caá, maamɔ́ɔ, ínoni yɛ́ɛyɛ, gɔnɔ́ na budúgú bɔ́ɔbɔ, otóotoɛ yá goŋaá gɛnɔ́mɛ gá ŋgɔɔ́ gɛ́ dádɛda ɛŋɛndɔ ɛhandɛ́, o gaá ŋá o báa go mbásáŋona ɛŋɛndɔ ɛdadɔ́.»