Ayat-ayat Alkitab Ternama dari Maliko 14

Bagikan

Akanena sona akati, “Wee Tata, wee Tata wane! Ungabomba ivintu vyosi. Efya ulubako ulwa ntamyo ulu kukwane. Chitakabe mumo nkulondela awe, loli mumo ukulondela.”

Mubanje maso nukwiputa ukuti mutakawile munjelo. Umuzimu ghukulonda, loli ubuntu bute na maka.”

Naloli nkubabuzya ukuti kosi kuko Amazyu Amiza agha ghakulumbililiwa muchisu chosi ichapasi, chicho abomba umukolo uyu chikwiza pakuneniwa ukuti abantu bamukumbukilayepo.”

Akababuzya akati, “Umoyo wane wizuye ni chitima ichikulu nkani ichakufwa nacho. Ikala pano nukuba maso.”

Bo bali pakulya, u Yesu akasenda ichibama, akamupalizya u Chala nukuchimenyannya. Akabapa abamanyili bache nukuti, “Senda, ughu gho mubili wane.”

Po akasenda ulubako ulwa vinyo nukupalizya kwa Chala nukubapa abamanyili. Bosi bakang'wela uvinyo mulubako lulalula. U Yesu akati, “Ili lyo libanda lyane ilyakusimikizya ulufingo ulwa Chala, lilyo lyatonya pachifukwa icha bantu abinji.

U Yesu akababuzya akati, “Mwebosi mukwiza pakuntoloka, pakuti Amasimbo ghakuti, ‘Nkwiza pakumughogha umudimi, po ing'ozi zyosi zikwiza pakunyampana.’

Nyamuka twende tubukaye. Umuntu yuyo akumbika munyobe izya balwani uyo afika!”

U Yesu akamubuzya u Pitala akati, “Nkukubuzya ukuti bo ukolwe atakokolikite kabili ubusiku ubu, ukwiza pakunkana katatu ukuti utamenye.”