Ayat-ayat Alkitab Ternama dari Márkus 13

Bagikan

Nán 'waapád vú̵ń máń ví moo míílí̧, a̧máa nán ı̵́ a ma' zó̧ó̧ há̧á̧ a ya̧ bá' sí̧'í̧dí tée, wú̵ń sə́ddú̵.”

I gággú̵, i nə sá, moo ví gaan bá' woo né.

Ku̵u̵ pa̧ŋ ví laan moo dɔnné nag nán yȩ voolı̵́ tée, i gbɔ́ dam: ‘Yee vɔ́ń la o̧ nɛ́nná?’ sá. A̧máa víń nuŋ moo i la o̧ máa ya̧g woolı̵́ ú̵. Aga víńnɔ moo né, a̧máa yigid Tayɨɨ woo wú̵ńnɔ moo.

Be' kan hág vú̵ń 'wáa ú̵, a̧máa moo míí vú̵ń 'wáa né sá̧ḿ.”

Yesu duu o̧d vu̵: “Moo bá' yaalı̵́ míí kan sey woo máa, nán tóó gaa né, kóó maleeka vu̵ be"ı̵́ á̧ḿ, kóó fó̧ó̧ míí á̧ḿ. Séý Ba'á Tayɨɨ wu̵ gaa dágá.

Kíí ki moo sɨɨ vu̵ dáŋ́ víílí, kan ya ɗiilílí á̧ḿ tée, i ndɔg sá, moo hȩn yȩ vú̵ń yaa dɨlı̵́, a̧máa wú̵ń ná hág 'wáanée pɛ́lı̵́.

I nə sá, moo ví gaan sey yaalı̵́ ı̵́ kíi aga woo né. Tóó tée a dɨ mɛnnáa, a dɨ tı̵́gɨdáa, a dɨ damnaalá̧a̧, tóó tée dam yɔ́ggáa, moo kan yɔg ví ya, kan maa ví nəmmé. Moo káń o̧d ví yɛ, mí o̧d nán vu̵ 'waapád, i nə sá.”

Zig nán vú̵ń lúún sɨɨ kan daga vu̵. Gbanii vú̵ń lúún sɨɨ kan daga vu̵. Hág vú̵ń nam ya tóó vu̵lı̵́, go̧o̧m gbo̧o̧ vú̵ń kɔ́y. Hȩn ndɔ́gɔné máa ku̵u̵ dəŋ yȩ, vú̵ń man kan wakȩ́ȩ́ tóó ka dɨ waa ha̧a̧lȩ́ má nɔ.

Víń dii tíŋ́ nán gaa Tayɨɨ sá voolı̵́ á̧ḿ, u̵u̵ ki moo to̧o̧ 'maŋ pȩ́ń.

moo nán ɓu̵u̵lı̵́ na'a vú̵ń yaa kan yɛ́g míí, vú̵ń o̧ ba bin míw. Vú̵ń zo' nán tóó vu̵ moo ɓu̵u̵lı̵́ na'a.

“Aga i gág fó̧ó̧ víí ú! Vú̵ń dɔd ví nán moo sə̧"ȩ́ voolı̵́ nagá, vú̵ń gbɔ́ ví lig sú̵ggı̵́ nán Yúúda voo vu̵lı̵́. Vú̵ń dii ví tíŋ́ ŋgó̧ḿna voolı̵́ kan tíŋ́ gbanaa voolı̵́ moo míí nu, moo i du̵n ya̧ggɨ.

Moo ı̵́ nán sənné vbád kan anábi vbád vú̵ń dɨ yaalı̵́ɨ, vú̵ń soo kɛb moo bi kɔ́n hȩn sa̧ga̧ tóó vu̵ kan hȩn zálı̵́ tóó vu̵ wu̵lı̵́, moo bi zo'on nán ı̵́ Tayɨɨ ka yee vu̵ máa u̵u̵ ti á̧ḿ.

Yesu duu o̧d vu̵: “A̧máa bá' yȩ vu̵lı̵́, pig hȩn ndɔ́gɔné yȩlȩ́ tée, zá̧ga̧ wú̵ń fii, sȩȩ wú̵ń tún ní, zoo waa be"ı̵́ vú̵ń pee zu̵u̵ hágá yɛlı̵́, hȩn néélȩ́ ku̵u̵ dɨ be"ı̵́ máa, vú̵ń nam á̧ḿ.