Ayat-ayat Alkitab Ternama dari Márkus 12

Bagikan

Yesu hí̧i̧du̵: “Ɨ́ ka mba daga vu̵ máa, wu̵ yɛ nɔ: ‘A̧m ki ú, Izraɛ́l, ı̵́ 'yɛ́lı̵́ Tayɨɨ baa ví wu̵ ı̵́ 'yɛ́lı̵́ dágá. A̧m hí̧í̧ ı̵́ 'yɛ́lı̵́ Tayɨɨ móó kan zó̧ó̧ móó, kan moo taalı̵́ móó, kan néélȩ́ móó 'waapád.’ Ɨ́ idú woo, wu̵ yɛ nɔ: ‘A̧m hí̧í̧ dam vu̵ kɔ́ ı̵́ káḿ hí̧í̧ fó̧ó̧ móó máa wɔgɔ.’ Dooká Tayɨɨ woo tóó mban ı̵́ yȩ vu̵ né.”

Ma Yesu bee waa duulí woo vu̵, o̧d vu̵: “Mí o̧d ví moo yȩ́ńne, wakȩ́ȩ́ gíḿ yȩ wu̵ ha' hȩn mba nán ı̵́ tóó ku̵u̵ pag sɨɨde akɔti yɛlı̵́ yɛ vu̵ 'waapád. Ɨ́ voo 'waapád vu̵ ha' voo hȩn, moo ku̵u̵ dɨ kan hȩn naa má nɔ. A̧máa wakȩ́ȩ́ yȩ a gíḿmi si̧', ɓɛ hȩn ka 'yɛ́ də́ń kəd máa, ha' wu̵ yu̵.”

Yesu mbaa dáŋ́ akɔti hȩn ha"ı̵́lı̵́ na'am gbo̧o̧ lig hȩn ha"ı̵́lı̵́, tə́g nán ku̵u̵ dɨ hȩn ha"ı̵́ wu̵lı̵́ máa, ho̧ nán naa vu̵ ɓu̵u̵lı̵́ na'a vu̵ pag sɨɨde ɓu̵u̵lı̵́ na'a wu̵lı̵́. Wakȩ́ȩ́ gíḿ tóó yaa á̧ḿ, ká wakȩ́ȩ́ yɛddɨ, pag woo sɨɨde 'mɛ́ŋ́ dála idú wu̵lı̵́.

Hí̧í̧lí̧ Tayɨɨ kan zó̧ó̧ baa 'waapád, kan néélȩ́ baa 'waapád, hí̧í̧lí̧ da ba ví nánán vu̵ kɔ́ ı̵́ fó̧ó̧ baa wɔgɔ máa, wu̵ mba hȩn ha"ı̵́ ku̵u̵ a̧n vɛlı̵́, kan ı̵́ ku̵u̵ sə̧' vu̵ máa vu̵ 'waapád.”

Ma Yesu duu o̧d vu̵: “Ȩȩhȩ́ȩ. Hȩn ı̵́ ka gbanii woo tée, i vȩ' pú̵gu̵; a̧máa hȩn ı̵́ ka Tayɨɨ woo tée, i pú̵ sı̵́ Tayɨɨɨ née!” Ma moo hí̧í̧lí̧ woo yȩ la' vu̵ la fid.