Matthew 1
1
1အဲအကြောင်းအရာဟ အာဗြဟံန ဘုရင်ဒါဝိဒ်ရဲ့ မျိုးရိုးဟနေ ဆင်းဆက်လာတဲ့ ကိုယ်တော်ယေရှုရဲ့ မျိုးရိုးစဉ်ဆက် စာရင်းဖြစ်ဟယ်။ 2အာဗြဟံဟ ဣဇက်ရဲ့ဖခင်၊ ဣဇက်ဟ ယာကုပ်ရဲ့ဖခင်ဖြစ်မောက် ယာကုပ်ဟ ယုဒန ဆူ့ရဲ့ညီကိုတေရဲ့ဖခင် ဖြစ်ဟယ်။ 3ယုဒဟ ဖာရက်န ဇာရ တော့ရဲ့ဖခင်ယုဒဟ ဖာရက်န ဇာရ တော့ရဲ့ဖခင်ဖြစ်မောက် ဆူ့တော့နှေယောက်ရဲ့မိခင်ဟ တာမာဖြစ်ဟယ်။ ဖာရက်ဟ ဟေဇရုံရဲ့ဖခင်ဖြစ်မောက် ဟေဇရုံဟ အာရံရဲ့ ဖခင်ဖြစ်ဟယ်။ 4အာရံဟ အမိနဒပ်ရဲ့ဖခင် အမိနဒပ်ဟ နာရှုန်ရဲ့ဖခင်ဖြစ်မောက် နာရှုန်ဟ စာလမုန်ရဲ့ဖခင်ဖြစ်ဟယ်။ 5စာလမုန်ဟ ဗောဇရဲ့ဖခင်ဖြစ်မောက် မိခင်မှာ ရာခပ်ဖြစ်ဟယ်။ဗောဇဟ ဩဗက်ရဲ့ ဖခင်ဖြစ်မောက် မိခင်မှာ ရုသဖြစ်ဟယ်။ ဩဗက်ဟ ယေရှဲရဲ့ ဖခင်ဖြစ်ဟယ်။ 6ယေရှဲဟ ဘုရင်ဒါဝိဒ်ရဲ့ဖခင်ဖြစ်မောက် ဒါဝိဒ်ဟ ရှောလမုန်ရဲ့ဖခင် ဖြစ်ဟယ်။ ရှောလမုန်ရဲ့မိခင်မှာ ဥရိယရဲ့မိန်းမ ဖြစ်ဟယ်။ 7ရှောလ မုန်ဟ ရောဗောင်ရဲ့ဖခင် ဖြစ်ဟယ်။ ရောဗောင်ဟ အဘိယရဲ့ဖခင်ဖြစ်မောက် အဘိယဟ အာသရဲ့ဖခင်ဖြစ်ဟယ်။ 8အာသဟ ယောရှဖတ်ရဲ့ ဖခင်ဖြစ်ဟယ်။ ယောရှဖတ်ဟ ယောရံရဲ့ဖခင်ဖြစ်မောက် ယောရံဟ ဩဇိရဲ့ဖခင်ဖြစ်ဟယ်။ 9ဩဇိဟ ယောသံရဲ့ ဖခင်ဖြစ်ဟယ်။ ယောသံဟ အာခတ်ရဲ့ ဖခင်ဖြစ်မောက် အာခတ်ဟ ဟေဇကိရဲ့ဖခင်ဖြစ်ဟယ်။ 10ဟေဇကိဟ မနာရှေရဲ့ ဖခင်ဖြစ်ဟယ်။ မနာရှေဟ အာမုန်ရဲ့ဖခင်ဖြစ်မောက် အာမုန်ဟ ယောရှိရဲ့ ဖခင်ဖြစ်ဟယ်။ 11ယောရှိဟ ယေခေါနိန ညီအကိုတေရဲ့ဖခင်ဖြစ်ဟယ်။ ဟဲင်းအချိန်မှာ ဆူတော့ကော် ဘေဘီလုံကော် သုံ့ပန်းအဖြစ် ခေါ်ဆောင်ခြင်းခံရလေဟယ်။ 12ဘေဘီလုံကော်ရောက်တဲ့အခါ ယေခေါနိဟ ရှလသေလရဲ့ဖခင်ဖြစ်မောက် ရှာလသေလဟ ဇေရုဗဗေလရဲ့ ဖခင်ဖြစ်ဟယ်။ 13ဇေရုဗဗေလဟ အဗျုဒ်ရဲ့ဖခင်ဖြစ်ဟယ်။ အဗျုဒ်ဟ ဧလျာကိမ်ရဲ့ဖခင်ဖြစ်မောက် ဧလျာကိမ်ဟ အာဇော်ရဲ့ ဖခင်ဖြစ်ဟယ်။ 14အာဇော်ဟ ဇာဒုတ်ရဲ့ဖခင်ဖြစ်ဟယ်။ ဇာဒုတ်ဟ အာခိပ်ရဲ့ဖခင်ဖြစ်မောက် အာခိမ်ဟ ဧလုဒ်ရဲ့ ဖခင်ဖြစ်ဟယ်။ 15ဧလုဒ်ဟ ဧလာဇာရဲ့ ဖခင်ဖြစ်ဟယ်။ ဧလာဇာဟ မဿန်ရဲ့ဖခင်ဖြစ်မောက် မဿန်ဟ ယာကုပ်ရဲ့ဖခင်ဖြစ်ဟယ်။ 16ယာကုပ်ဟ မာရိရဲ့ယောက်ျားဖြစ်တဲ့ ယောသပ်ရဲ့ဖခင်ဖြစ်မောက် ခရစ်တော်လောက်ခေါ်တဲ့ ယေရှုဟ မာရိမှ မွေးဖွားတော်မူဟယ်။ 17ဟဲင်းကြောင့်လောက် အာဗြဟံဟနေစမောက် ဒါဝိဒ်အထိ မျိုးဆက် ဆယ့်လေးဆက်၊ ဒါဝိဒ်ဟနေ ဘေဘီလုံကော်ရောက်တဲ့မျိုးဆက်အထိ မျိုးဆက်ဆယ့်လေးဆက်ဖြစ်မောက် ဘေဘီလုံကော် ရောက်ပြီးမှ ကယ်တင်ရှင်ခရစ်တော်ကော်မွေးဖွားတဲ့အထိ မျိုးဆက်ဆယ့်လေးဆက် ဖြစ်လေဟယ်။ 18ကယ်တင်ရှင်ခရစ်တော်ယေရှု မွေးဖွားတော်မူတဲ့ဖြစ်စဉ်မှာ ဟဲင်းလဲဖြစ်ဟယ်။ ကိုယ်တော်ယေရှုရဲ့မိခင်မာရိဟ ယောသပ်နစေ့စပ်ဟားမောက် အတူတူမနေထိုင်ခင်မှာ ဉာဏ်အလင်းတော်fအနေန ဝမ်းဖိတ်ကူးနေဟာကော် ဆိရှိခဲ့လေဟယ်။ 19ယောသပ်ဟ ဖြောင့်မတ်မှန်ကန်gတဲ့လူဖြစ်ညောင်း မာရိကော် လူအများရှေ့မှာ အရှက်မရစေလိုပဲညောင်း မင်္ဂလာပွဲကော် တိတ်တိတ်လေး ဖျက်ဖော့ စဉ်းစားဆင်ခြင်လေဟယ်။ 20ဟဲင်းသလဲ စဉ်းစားဆင်ခြင်ချိန်မှာ ဘုရားရှင်ရဲ့နတ်ဒေဝါhတစ်ပါးဟ ယောသပ်ရဲ့အိမ်မက်မှာ ပေါ်လာမောက် "ဘုရင်ဒါဝိဒ်ရဲ့မျိုးဆက်ဖြစ်တဲ့ ယောသပ်၊ မာရိဝမ်းဖိတ်ကူးနေဟာဟ ဉာဏ်အလင်းတော်န ရရှိဟာညောင်း ဆူမကော် သင်ရဲ့မိန်းမအဖြစ် လက်ထပ်ယူဖော့ မကြောက်ပါနဲ့။ 21ဆူမဟ ဆားယောက်ျားကော် မွေးဖွားလိမ့်မဲင်။ ဟဲင်းဆားဟ ဆူ့ရဲ့လူမျိုးတေကော် အကုသိုလ်ဒုစရိုက်အပြစ်တေဟနေ ကယ်တင်မဲ့လူဖြစ်ညောင်း ဆူ့ကော် ယေရှုလောက် နံမေပေးပါ" လောက် ဆိုလေဟယ်။ 22ဟဲင်းအကြောင်းအရာအကုန်ဟုန်းတေဟ အရိယာဆူတော်စင်iဟနေတဆင့် ဘုရားရှင်မိန့်မှာတဲ့အတိုင်း ဟုတ်တည်းတည်း ဖြစ်လာဟာဖြစ်ဟယ်။ မိန့်မှာချက်မှာ 23"အပျိုစင်တစ်ယောက်ဟ ဝမ်းဖိတ်ကူးမောက် ဆားယောက်ျားကော် မွေးဖွားလိမ့်မဲင်။ ဟဲင်းဆားရဲ့ နံမေကော် 'ကျွန်ုပ်တော့နအတူရှိတော်မူတဲ့ ဘုရားရှင်' လောက် အဓိပ္ပာယ်ရတဲ့ ဧမာနွေလလောက် ခော်ဟာဟနေ နိုးလာခါ နတ်ဒေဝါမိန့်မှာခဲ့တဲ့အတိုင်း မာရိကော် ဆူ့ရဲ့မိန်းမအဖြစ် လက်ထပ်ထိမ်းမြားလေဟယ်။ 24ယောသပ်ဟ အိပ်ပျေကယ်တင်ရှင်ခရစ်တော်ယေရှု မွေးဖွားတော်မူတဲ့ဖြစ်စဉ်မှာ ဟဲင်းလဲဖြစ်ဟယ်။ ကိုယ်တော်ယေရှုရဲ့မိခင်မာရိဟ ယောသပ်နစေ့စပ်ဟားမောက် အတူတူမနေထိုင်ခင်မှာ ဉာဏ်အလင်းတော်fအနေန ဝမ်းဖိတ်ကူးနေဟာကော် ဆိရှိခဲ့လေဟယ်။ 25ဟဲင်းပေမဲ့ ဆူ့တော့ဟ ဆားငယ်မမွေးခင်အထိ အတူတူနေထိုင်ဟာ မလုပ်ခဲ့ကြဘူး။ ပြီးခါ ယောသပ်ဟ ဟဲင်းဆားငယ်ရဲ့နံမေကော်လဲ ယေရှုလောက် ခေါ်လေဟယ်။
Արդեն Ընտրված.
Matthew 1: INT
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
This translation of the Intha NT is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.