Matayo 12
12
Yesu andiye Sali̱a sa Sabbato
(Maliko 2:23-28; Luka 6:1-5)
1Ka bwile injo, Yesu na bhaegi̱ ndibhaki bhabha katombabho ka nesi̱yo ndia akoli̱li̱ ka ti̱ko sa ngano ka tolo sa Sabbato. Bhaegi̱ ndibhaki inja abha nabhu̱gbei̱, nibhakitandika kesa ngano na kibhoko nibhalia kiliya. 2Bemoti̱ ka Bhafali̱sayo ndia bhatangia injo, bhangia Yesu bhiyo; “Ozi̱be! Bhaegi̱ ndibhako bhali kakola ndia bhakagbokiliani̱ kolai̱ ka tolo sa Sabbato.”
3Yesu naki̱bhu̱si̱ki̱aku̱ bhiyo; “Bhu̱ku̱somi̱mbebe ndia Dhau̱dhi̱ akola na bhadaki ndia inja yabhi̱ nabhu̱gbei̱? 4Dhau̱dhi̱ na bhadaki bhagodha ka ndabho ndia Mambombi̱ na bhadaki nibhakiliya mugati̱ ndia bhambembilia Mambombi̱, ndia kabhi̱ ka kilagilo nkpa poni liyai̱ bhuai̱be bhabhembi̱ ndibha Mambombi̱. 5Kedha, bhu̱ku̱somi̱mbebe ka Kilagilo ndia Mambombi̱ ampesi̱a Musa nesi̱ ka Sabbato poni bhabhembi̱ bhaki̱bhu̱naga kilagilo sa Sabbato ka Hekalo no bhakali na musango? 6Nikibhutolia eti, mindia ali na mani̱ koli̱sa Hekalo ali mehe. 7No ambe ni̱bhu̱i̱bi̱ makulu sa kigambo yoho, ‘Nikikabha bhakpa bhabhugbelia bhadabho kobhu̱ no ndia kali bhembiliami,’ bhu̱ku̱bhi̱ kubha nibhukubhusogosa bhakpa ndibha kali na musango,#Mi̱ka 6:6-8; Hoseya 6:6 8nanga Mi̱ki̱ mindia Nkpa andiye Sali̱a sa Sabbato.”
Yesu nakimulami̱sa muluku mindia yanyangi̱ kibhoko
(Maliko 3:1-6; Luka 6:6-11)
9Du̱mbi̱ Yesu na bhaegi̱ ndibhaki nibhakituka ka kikalo injo nibhakigodha ka ndabho kindia Bhayu̱daya yabhalami̱li̱aga ndia bi̱ya, 10kindia abhi̱ muluku mindia yanyangi̱ kibhoko. Bhafali̱sayo nabho ndibhabha nibhali̱ku̱ nibhakikabha nesi̱ bhakimunyegela Yesu, nibhakimuolu̱li̱a bhiyo; “Ali ka kilagilo ndia Musa lami̱sa nkpa ka Sabbato?”
11Yesu naki̱bhu̱si̱ki̱aku̱ bhiyo; “Moti̱ kowa bhenu̱ ntama mindiaki kamu̱ga ka ki̱na madu̱ela ka tolo sa Sabbato, kakimbuwaku̱? 12Toli̱ nkpa kali na mugaso koli̱sa ntama? Ali ka kilagilo nkpa kola kima mabhonga ka Sabbato.”
13Du̱mbi̱ nakingia muluku mindia yanyangi̱ kibhoko bhiyo; “Onanuwe kibhoko ndiako.” Muluku nakinanuwa toli̱ kibhoko nakilamiliabe nakyenyaga dai̱si̱ ndia abha ndia kanyangi̱. 14Du̱mbi̱ Bhafali̱sayo bhahu̱wa kansenge tegeka nesi̱ bhakimuola Yesu.
Mambombi̱ nakimbuwa Yesu bhia nkoli̱ mindiaki
15No Yesu ndia ai̱ba ndia bhabhi̱ kakabha kolai̱, nakitukaku̱. Bi̱ya bhakpa nibhakintomba toli̱ nakibhulami̱sa bhoponi ndibha bhabha nibhalwali̱o. 16Toli̱ nakibhuhabhula makanga tolia nkpa poni ndia akoli̱o. 17Akola yoho tu̱mi̱sa ndia nabbi̱ Isaya aonga bhiyo;
18“Miyo andiye nkoli̱ mindiamo mindie ni̱mboi̱yo,
mindie ni̱nku̱ndi̱o, mindie nidhedhelu̱ naye
Ni̱ki̱mpesi̱a Mwoyo mindiamo Mawelikana
toli̱ ada kilangililia bwinganiza ka kyalo poni.
19Kada kitongana kedha habhaga.
Kalibe mindia ada kioka laso ndiaki ka bi̱ya bhakpa.
20Ada kibhugbelia kobhu̱ ndibha bhakakietoka,
ada ki̱bhu̱si̱ki̱saku̱ mani̱ bhenjo ndibha bhakali na nihila
doi̱sa nabi̱ki̱si̱be bwinganiza
21Bhakpa ka nsi poni bhada kibha na nihila ke i̱naki.”#Isaya 42:1-4
Yesu na Bbelezabbu̱li̱
(Maliko 3:20-30; Luka 11:14-23)
22Tolo moti̱, bhakpa bhambi̱ki̱sa muluku mindia abhi̱ ki̱ngi̱ toli̱ nadhakanagi̱ i̱so nanga yabhubhandu̱ bhali̱mo, du̱mbi̱ Yesu nakimulami̱sa. 23Bhakpa poni nki̱li̱ nakibhutina toli̱ nibhakyeolu̱li̱a bhiyo; “Miyo andi nana Dhau̱dhi̱?”
24No Bhafali̱sayo ndia bhai̱ba yoho, nibhakigia bhiyo; “Bbelezabbu̱li̱, nkuma bhali̱mo poni ampesi̱ ndiye mani̱ sa bhiyabe bhakpa bhali̱mo.”
25Yesu ai̱ba kweli̱li̱kana ndiabho du̱mbi̱ nakibhugia bhiyo; “Kusali̱a poni ndia akiegabani̱zaku̱ kakitulilia. Toli̱ i̱nji̱ kedha tau̱ni̱ ndia kyetinabe dai̱si̱ nau̱ kakitulilia. 26Sitani kambiyabe nkpa sitani daki, akibha nali kakwelwani̱sa na kwegabani̱zaku̱ nku̱mi̱. Toli̱ kusali̱a ndiaki akitulilia bhoni̱? 27Kabha ninikibhubhiyagabe bhakpa bhali̱mo ka mani̱ ndia Bbelezabbu̱li̱ nesi̱ bhuongi̱o, toli̱ bhenu̱ andi ani̱ mindia akibhupesi̱aga bhakpa ndibhanu̱ mani̱ sa bhiyabe bhakpa bhali̱mo? Nanga nsonga injo, bhada kibhucuelia ndibho musango. 28No kabha ninikibhubhiyagabe bhakpa bhali̱mo ka mani̱ ndia Mwoyo mindia Mambombi̱, yoho akiani̱sa eti kusali̱a ndia Mambombi̱ abhu̱ki̱dhi̱be.
29“Kalibe mindia akitoka bhu̱na ndabho ndia nkpa ntua mani̱ akumbaku̱ kima ndiaki bhuai̱be nateketi̱ bhuwa nkuma ndabho du̱mbi̱ ai̱sa kima ndiaki.
30“Mindia kali nemi, akiniteli̱aga toli̱ mindia kakikumesaga imamoti̱ nemi, akihanjagaga. 31Toli̱ nikibhutolia eti, kibi poni na ongabe zidhi Mambombi̱ bhakigani̱li̱a, no bhakada kibhugani̱li̱a bhenjo poni ndibha bhakimuongagabe zidhi Mwoyo Mawelikana. 32Nkpa poni mindia akimuongabe zidhi Mi̱ki̱ mindia Nkpa bhakingani̱li̱a, no mindia akimuongabe zidhi Mwoyo Mawelikana bhakadakingani̱li̱a endindi kedha tolo ndia aki̱bi̱ka.
33“Ozi̱bi̱li̱li̱e kulungi mili, na mbu̱ka si̱ akibhonga kedha odhuwe alu̱zu̱kane na mbu̱ka si̱ aki̱lu̱zu̱kana, nanga mili bhaki̱bi̱li̱aga ka mbu̱ka si̱. 34Bhenu̱ bhanjoka! Bhukutoka bhoni̱ onga kima mabhonga nibhuli bhakoli̱ kibi? nanga ndia nkpa akiongaga akiani̱saga ndu̱lu̱ ndia ali ka mulima ndiaki. 35Nkpa mabhonga akikolaga toli̱ aonga kima mabhonga tukai̱ ka mulima ndiaki toli̱ nkpa mazinana akikolaga toli̱ aonga kima mazinana tukai̱ ka mulima ndiaki. 36No nikibhutolia eti, ka tolo ndia Mambombi̱ ada kibhucuelia bhakpa musango, bhakpa bhada kyetonganabe nanga loki̱ ndia kagbokiliani̱ ndia bhaonga. 37Ti̱-no kigambo ndiako ada kidhua ndu̱lu̱ Mambombi̱ akubhuwebe musango kedha aku̱bi̱sebe.”
Bhafali̱sayo na Bhasadu̱kayo nibhaki̱ya lengesa Yesu
(Maliko 8:11-12; Luka 11:29-32)
38Du̱mbi̱ bemoti̱ kowa Bhafali̱sayo na bhaegesi̱ sa kilagilo nibhakingia Yesu bhiyo; “Mwegesi̱, kikikabha tangia sazi̱bi̱li̱ai̱be ndia akikitina nki̱li̱ tukai̱ kindiako.”
39Naki̱bhu̱si̱ki̱aku̱ bhiyo; “Muzo ndia sebhali̱si̱yo ndia kamwesi̱gi̱ Mambombi̱ akikungaga ndu̱lu̱ sazi̱bi̱li̱ai̱be ndia akitina nki̱li̱, no kakitangia na moti̱ bhuai̱be sazi̱bi̱li̱ai̱be ndia nabbi̱ Yona. 40Nesi̱ Yona adhakia tolo salo ki̱li̱a na ntangali̱ asu̱ mesi̱yo namumedhi̱, na Mi̱ki̱ mindia Nkpa ada kidhakia bhinjo tolo salo ka bhutulo. 41Ka tolo sa cuelia bhakpa musango, bhakpa ndibha ka tau̱ni̱ ndia ka Ni̱neva bhada kitelema kei̱soa Mambombi̱ toli̱ bhabi̱sebe muzo ndia sebhali̱si̱yo ndia kamwesi̱gi̱ Mambombi̱ musango, nanga bhakpa ndibha ka Ni̱neva bhesi̱ki̱aku̱ ndia bhamuoka nabbi̱ Yona katebeza, no nikibhutolia eti, mindia ankoli̱ Yona ali na bhenu̱ mehe. 42Ka tolo sa cuelia bhakpa musango, Sali̱a nkali̱aki mindia ka Si̱bba ada kitelema kei̱soa Mambombi̱ abi̱sebe muzo ndia sebhali̱si̱yo ndia kamwesi̱gi̱ Mambombi̱ musango nanga atuka ka masela i̱ya okiana loki̱ sa magezi̱ ndia sali̱a Sulumani. No nikibhutolia eti, mindia ankoli̱ Sali̱a Sulumani ali na bhenu̱ mehe.
43“Mu̱li̱mo zidhi kantukabe nkpa, akitombaga ke lungu nali kakabha kindia akihumulilia, no kakitangiagabe. 44Du̱mbi̱ akigiaga bhiyo; ‘Ni̱ki̱si̱ki̱a ka ndabho kindie ni̱tu̱ki̱o.’ Kaki̱dhaku̱, akitakanaga kindia atukilia nali bhia ndabho ndia bhakombi̱yo, ndia kali̱ku̱ kima toli̱ nibhatekani̱zi̱. 45Du̱mbi̱ aki̱yaga abhu̱bi̱ki̱sa bhali̱mo ndibhetolo ncambu̱ ndibha bhankoli̱ kalamaga toli̱ bhamu̱li̱ka ka muhu. Ka dhakililia bwomezi̱ ndia nkpa minjo akibhaga zidhi si̱ni̱ koli̱sa nesi̱ abhi̱o ka teketa. Ada kibha bhinjo na muzo ndia sebhali̱si̱yo ndia kamwesi̱gi̱ Mambombi̱.”
Ama Yesu na bhanamaki
(Maliko 3:31-35; Luka 8:19-21)
46Yesu nalia kibhuongilia bi̱ya bhakpa, amaki na bhanamaki nibhaki̱ki̱dha nibhakitelema kansenge kakabha onga naye. 47Nkpa moti̱ nakintolia Yesu bhiyo; “Amako na bhanamako bhali kansenge bhakikabha onga newe.”
48Yesu naki̱nsi̱ki̱aku̱ bhiyo; “Ama andi ani̱ toli̱ bhanamami andibho bhani̱?” 49Du̱mbi̱ nakibhuongota bhaegi̱ ndibhaki toli̱ nakigia bhiyo; “Bhenjo andibho ama na bhanamami! 50Nkpa poni mindia akikola ndia Aba mindia ali gulu akabhi̱o, andiye ama na namami.”
Արդեն Ընտրված.
Matayo 12: KWAMBA
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Wycliffe Bible Translators, Inc., 2025
Matayo 12
12
Yesu andiye Sali̱a sa Sabbato
(Maliko 2:23-28; Luka 6:1-5)
1Ka bwile injo, Yesu na bhaegi̱ ndibhaki bhabha katombabho ka nesi̱yo ndia akoli̱li̱ ka ti̱ko sa ngano ka tolo sa Sabbato. Bhaegi̱ ndibhaki inja abha nabhu̱gbei̱, nibhakitandika kesa ngano na kibhoko nibhalia kiliya. 2Bemoti̱ ka Bhafali̱sayo ndia bhatangia injo, bhangia Yesu bhiyo; “Ozi̱be! Bhaegi̱ ndibhako bhali kakola ndia bhakagbokiliani̱ kolai̱ ka tolo sa Sabbato.”
3Yesu naki̱bhu̱si̱ki̱aku̱ bhiyo; “Bhu̱ku̱somi̱mbebe ndia Dhau̱dhi̱ akola na bhadaki ndia inja yabhi̱ nabhu̱gbei̱? 4Dhau̱dhi̱ na bhadaki bhagodha ka ndabho ndia Mambombi̱ na bhadaki nibhakiliya mugati̱ ndia bhambembilia Mambombi̱, ndia kabhi̱ ka kilagilo nkpa poni liyai̱ bhuai̱be bhabhembi̱ ndibha Mambombi̱. 5Kedha, bhu̱ku̱somi̱mbebe ka Kilagilo ndia Mambombi̱ ampesi̱a Musa nesi̱ ka Sabbato poni bhabhembi̱ bhaki̱bhu̱naga kilagilo sa Sabbato ka Hekalo no bhakali na musango? 6Nikibhutolia eti, mindia ali na mani̱ koli̱sa Hekalo ali mehe. 7No ambe ni̱bhu̱i̱bi̱ makulu sa kigambo yoho, ‘Nikikabha bhakpa bhabhugbelia bhadabho kobhu̱ no ndia kali bhembiliami,’ bhu̱ku̱bhi̱ kubha nibhukubhusogosa bhakpa ndibha kali na musango,#Mi̱ka 6:6-8; Hoseya 6:6 8nanga Mi̱ki̱ mindia Nkpa andiye Sali̱a sa Sabbato.”
Yesu nakimulami̱sa muluku mindia yanyangi̱ kibhoko
(Maliko 3:1-6; Luka 6:6-11)
9Du̱mbi̱ Yesu na bhaegi̱ ndibhaki nibhakituka ka kikalo injo nibhakigodha ka ndabho kindia Bhayu̱daya yabhalami̱li̱aga ndia bi̱ya, 10kindia abhi̱ muluku mindia yanyangi̱ kibhoko. Bhafali̱sayo nabho ndibhabha nibhali̱ku̱ nibhakikabha nesi̱ bhakimunyegela Yesu, nibhakimuolu̱li̱a bhiyo; “Ali ka kilagilo ndia Musa lami̱sa nkpa ka Sabbato?”
11Yesu naki̱bhu̱si̱ki̱aku̱ bhiyo; “Moti̱ kowa bhenu̱ ntama mindiaki kamu̱ga ka ki̱na madu̱ela ka tolo sa Sabbato, kakimbuwaku̱? 12Toli̱ nkpa kali na mugaso koli̱sa ntama? Ali ka kilagilo nkpa kola kima mabhonga ka Sabbato.”
13Du̱mbi̱ nakingia muluku mindia yanyangi̱ kibhoko bhiyo; “Onanuwe kibhoko ndiako.” Muluku nakinanuwa toli̱ kibhoko nakilamiliabe nakyenyaga dai̱si̱ ndia abha ndia kanyangi̱. 14Du̱mbi̱ Bhafali̱sayo bhahu̱wa kansenge tegeka nesi̱ bhakimuola Yesu.
Mambombi̱ nakimbuwa Yesu bhia nkoli̱ mindiaki
15No Yesu ndia ai̱ba ndia bhabhi̱ kakabha kolai̱, nakitukaku̱. Bi̱ya bhakpa nibhakintomba toli̱ nakibhulami̱sa bhoponi ndibha bhabha nibhalwali̱o. 16Toli̱ nakibhuhabhula makanga tolia nkpa poni ndia akoli̱o. 17Akola yoho tu̱mi̱sa ndia nabbi̱ Isaya aonga bhiyo;
18“Miyo andiye nkoli̱ mindiamo mindie ni̱mboi̱yo,
mindie ni̱nku̱ndi̱o, mindie nidhedhelu̱ naye
Ni̱ki̱mpesi̱a Mwoyo mindiamo Mawelikana
toli̱ ada kilangililia bwinganiza ka kyalo poni.
19Kada kitongana kedha habhaga.
Kalibe mindia ada kioka laso ndiaki ka bi̱ya bhakpa.
20Ada kibhugbelia kobhu̱ ndibha bhakakietoka,
ada ki̱bhu̱si̱ki̱saku̱ mani̱ bhenjo ndibha bhakali na nihila
doi̱sa nabi̱ki̱si̱be bwinganiza
21Bhakpa ka nsi poni bhada kibha na nihila ke i̱naki.”#Isaya 42:1-4
Yesu na Bbelezabbu̱li̱
(Maliko 3:20-30; Luka 11:14-23)
22Tolo moti̱, bhakpa bhambi̱ki̱sa muluku mindia abhi̱ ki̱ngi̱ toli̱ nadhakanagi̱ i̱so nanga yabhubhandu̱ bhali̱mo, du̱mbi̱ Yesu nakimulami̱sa. 23Bhakpa poni nki̱li̱ nakibhutina toli̱ nibhakyeolu̱li̱a bhiyo; “Miyo andi nana Dhau̱dhi̱?”
24No Bhafali̱sayo ndia bhai̱ba yoho, nibhakigia bhiyo; “Bbelezabbu̱li̱, nkuma bhali̱mo poni ampesi̱ ndiye mani̱ sa bhiyabe bhakpa bhali̱mo.”
25Yesu ai̱ba kweli̱li̱kana ndiabho du̱mbi̱ nakibhugia bhiyo; “Kusali̱a poni ndia akiegabani̱zaku̱ kakitulilia. Toli̱ i̱nji̱ kedha tau̱ni̱ ndia kyetinabe dai̱si̱ nau̱ kakitulilia. 26Sitani kambiyabe nkpa sitani daki, akibha nali kakwelwani̱sa na kwegabani̱zaku̱ nku̱mi̱. Toli̱ kusali̱a ndiaki akitulilia bhoni̱? 27Kabha ninikibhubhiyagabe bhakpa bhali̱mo ka mani̱ ndia Bbelezabbu̱li̱ nesi̱ bhuongi̱o, toli̱ bhenu̱ andi ani̱ mindia akibhupesi̱aga bhakpa ndibhanu̱ mani̱ sa bhiyabe bhakpa bhali̱mo? Nanga nsonga injo, bhada kibhucuelia ndibho musango. 28No kabha ninikibhubhiyagabe bhakpa bhali̱mo ka mani̱ ndia Mwoyo mindia Mambombi̱, yoho akiani̱sa eti kusali̱a ndia Mambombi̱ abhu̱ki̱dhi̱be.
29“Kalibe mindia akitoka bhu̱na ndabho ndia nkpa ntua mani̱ akumbaku̱ kima ndiaki bhuai̱be nateketi̱ bhuwa nkuma ndabho du̱mbi̱ ai̱sa kima ndiaki.
30“Mindia kali nemi, akiniteli̱aga toli̱ mindia kakikumesaga imamoti̱ nemi, akihanjagaga. 31Toli̱ nikibhutolia eti, kibi poni na ongabe zidhi Mambombi̱ bhakigani̱li̱a, no bhakada kibhugani̱li̱a bhenjo poni ndibha bhakimuongagabe zidhi Mwoyo Mawelikana. 32Nkpa poni mindia akimuongabe zidhi Mi̱ki̱ mindia Nkpa bhakingani̱li̱a, no mindia akimuongabe zidhi Mwoyo Mawelikana bhakadakingani̱li̱a endindi kedha tolo ndia aki̱bi̱ka.
33“Ozi̱bi̱li̱li̱e kulungi mili, na mbu̱ka si̱ akibhonga kedha odhuwe alu̱zu̱kane na mbu̱ka si̱ aki̱lu̱zu̱kana, nanga mili bhaki̱bi̱li̱aga ka mbu̱ka si̱. 34Bhenu̱ bhanjoka! Bhukutoka bhoni̱ onga kima mabhonga nibhuli bhakoli̱ kibi? nanga ndia nkpa akiongaga akiani̱saga ndu̱lu̱ ndia ali ka mulima ndiaki. 35Nkpa mabhonga akikolaga toli̱ aonga kima mabhonga tukai̱ ka mulima ndiaki toli̱ nkpa mazinana akikolaga toli̱ aonga kima mazinana tukai̱ ka mulima ndiaki. 36No nikibhutolia eti, ka tolo ndia Mambombi̱ ada kibhucuelia bhakpa musango, bhakpa bhada kyetonganabe nanga loki̱ ndia kagbokiliani̱ ndia bhaonga. 37Ti̱-no kigambo ndiako ada kidhua ndu̱lu̱ Mambombi̱ akubhuwebe musango kedha aku̱bi̱sebe.”
Bhafali̱sayo na Bhasadu̱kayo nibhaki̱ya lengesa Yesu
(Maliko 8:11-12; Luka 11:29-32)
38Du̱mbi̱ bemoti̱ kowa Bhafali̱sayo na bhaegesi̱ sa kilagilo nibhakingia Yesu bhiyo; “Mwegesi̱, kikikabha tangia sazi̱bi̱li̱ai̱be ndia akikitina nki̱li̱ tukai̱ kindiako.”
39Naki̱bhu̱si̱ki̱aku̱ bhiyo; “Muzo ndia sebhali̱si̱yo ndia kamwesi̱gi̱ Mambombi̱ akikungaga ndu̱lu̱ sazi̱bi̱li̱ai̱be ndia akitina nki̱li̱, no kakitangia na moti̱ bhuai̱be sazi̱bi̱li̱ai̱be ndia nabbi̱ Yona. 40Nesi̱ Yona adhakia tolo salo ki̱li̱a na ntangali̱ asu̱ mesi̱yo namumedhi̱, na Mi̱ki̱ mindia Nkpa ada kidhakia bhinjo tolo salo ka bhutulo. 41Ka tolo sa cuelia bhakpa musango, bhakpa ndibha ka tau̱ni̱ ndia ka Ni̱neva bhada kitelema kei̱soa Mambombi̱ toli̱ bhabi̱sebe muzo ndia sebhali̱si̱yo ndia kamwesi̱gi̱ Mambombi̱ musango, nanga bhakpa ndibha ka Ni̱neva bhesi̱ki̱aku̱ ndia bhamuoka nabbi̱ Yona katebeza, no nikibhutolia eti, mindia ankoli̱ Yona ali na bhenu̱ mehe. 42Ka tolo sa cuelia bhakpa musango, Sali̱a nkali̱aki mindia ka Si̱bba ada kitelema kei̱soa Mambombi̱ abi̱sebe muzo ndia sebhali̱si̱yo ndia kamwesi̱gi̱ Mambombi̱ musango nanga atuka ka masela i̱ya okiana loki̱ sa magezi̱ ndia sali̱a Sulumani. No nikibhutolia eti, mindia ankoli̱ Sali̱a Sulumani ali na bhenu̱ mehe.
43“Mu̱li̱mo zidhi kantukabe nkpa, akitombaga ke lungu nali kakabha kindia akihumulilia, no kakitangiagabe. 44Du̱mbi̱ akigiaga bhiyo; ‘Ni̱ki̱si̱ki̱a ka ndabho kindie ni̱tu̱ki̱o.’ Kaki̱dhaku̱, akitakanaga kindia atukilia nali bhia ndabho ndia bhakombi̱yo, ndia kali̱ku̱ kima toli̱ nibhatekani̱zi̱. 45Du̱mbi̱ aki̱yaga abhu̱bi̱ki̱sa bhali̱mo ndibhetolo ncambu̱ ndibha bhankoli̱ kalamaga toli̱ bhamu̱li̱ka ka muhu. Ka dhakililia bwomezi̱ ndia nkpa minjo akibhaga zidhi si̱ni̱ koli̱sa nesi̱ abhi̱o ka teketa. Ada kibha bhinjo na muzo ndia sebhali̱si̱yo ndia kamwesi̱gi̱ Mambombi̱.”
Ama Yesu na bhanamaki
(Maliko 3:31-35; Luka 8:19-21)
46Yesu nalia kibhuongilia bi̱ya bhakpa, amaki na bhanamaki nibhaki̱ki̱dha nibhakitelema kansenge kakabha onga naye. 47Nkpa moti̱ nakintolia Yesu bhiyo; “Amako na bhanamako bhali kansenge bhakikabha onga newe.”
48Yesu naki̱nsi̱ki̱aku̱ bhiyo; “Ama andi ani̱ toli̱ bhanamami andibho bhani̱?” 49Du̱mbi̱ nakibhuongota bhaegi̱ ndibhaki toli̱ nakigia bhiyo; “Bhenjo andibho ama na bhanamami! 50Nkpa poni mindia akikola ndia Aba mindia ali gulu akabhi̱o, andiye ama na namami.”
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Wycliffe Bible Translators, Inc., 2025