Забур 79
79
Авадан хъхьун паталди дуьа
1Манидаррин чӀехидаз. «Цин цуькведи шагьидвалзава» макьам патал. Асафан мани.
2Чи ван ша, чубан Исраилдин,
Ваз, Юсуф Тухузвайдаз, суьруь хьиз, гьална.
ХерупӀрал Ацукьнавайди,
цӀарцӀар це!
3Ифраимдин, Бунъяминдин ва Манашедин вилик
Жуван къуват уях ая,
ша, куьмек це чаз!
4Я Аллагь! КӀвачел хкаж хъия чун,
нур гурай чини Ви,
хьун патал чаз куьмек!
5Я Ребби, Къуватрин Аллагь,
Жуван халкьдин дуьайрикай
гьикьван яргъалди хъел къвез жеда Ваз?
6Накъвар квай фу гана чаз Вуна,
накъвар хъваз туна чав тухдалди;
7къуншияр къалмакъал хьунин
себеб чакай авуна,
чи душманар хъуьрезва чал.
8Къуватрин Аллагь, кӀвачел хкаж хъия чун,
нур гурай чини Ви,
хьун патал чаз куьмек!
9На Мисридай ципицӀдин чӀере хкана,
халкьар чукурна, кутуна ам,
10ам паталди чка михьна.
Кьуна адан дувулри чил,
ада чил ацӀурна.
11Адан хъенди кӀевна дагълар,
адан хилери кӀевна зурба муьткверар.
12Ада вичин хилер гьуьлел кьван вегьена,
адан цуьрцер Ферат вацӀув агакьна.
13Вучиз хана Вуна адан жугъунар,
патавай алатна физвайбурувай
адан майваяр атӀуз жедайвал?
14Тамун къабанди эгъуьнзава адан пун,
вагьши гьайванрини незва ам.
15Я Аллагь Къуватрин, хъша чи патав!
Вил вегь цавай, килиг чаз!
И ципицӀдин аявал ая,
16гьа цайиди эрчӀи гъилив Вуна Жуван,
Жув паталди Вуна чӀехи авур цуьрц.
17Ви ципицӀ кьатӀ хьанва, цӀу канва;
Ви хъилекди телеф жезва Ви халкьни.
18Ви гъил алаз хьуй
Ви эрчӀи гъилихъай галайбурал,
На Жув паталди къуват гайи
хцел инсандин.
19Чун Вавай къакъатдач,
хкваш чун уьмуьрдихъ,
чна Ви тӀвар кьаз эверда.
20Я Ребби, Къуватрин Аллагь!
КӀвачел хкаж хъия чун,
Ви чини нур гурай,
хьун патал чаз куьмек!
Արդեն Ընտրված.
Забур 79: ЛезПК
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Институт перевода Библии, 2010-2024