Забур 118
118
Аллагьдин Гафунин тариф
Бахтунихъди рехъ
1 Аллагьдин Къанундай физвайбур,
рекьик рехне квачирбур, бахтавар я.
2 Адан шагьидвилер хуьзвайбур,
чпин вири рикӀелди
Ам жагъурзавайбур
бахтавар я.
3 Абуру ийизвач къанунсузвилер,
физва Адан рекьерай.
4 Авунай эмир эхирдалди хуьх лагьана
Вуна чаз ви тагькимар.
5 Авунихъ тамам къайдаяр Ви
зи рекьерни фенайтӀа хупӀ туширни!
6 А чӀавуз заз регъуь жедачир
килигиз Ви эмирриз.
7 Ар-намус авай рикӀелди Ваз шукур ийидай,
Ви гьахъ дуванар чир хьанваз.
8 А Ви къайдаяр хуьда за,
зун михьиз гадармир.
Агалкьунрихъди рехъ
9 Бес жегьилдивай михьивиле
гьикӀ хуьда вичин жигъир?
Ви гафунив кьадайвал
уьмуьр тухвайла.
10 Бегьемдаказ жуван вири рикӀелди за жагъурзава Вун,
Ви эмиррикай кьил къакъудиз тамир зав.
11 Бейнида, жуван рикӀе Ви калам за чуьнуьхна,
Ваз акси яз гунагь тавун паталди.
12 Баркалла авай Ребби, шукур хьурай Ваз!
Чира заз Ви къайдаяр Вуна.
13 Бажит мецелди жуван за инсанрив вугузва
вири дуванар мецин Ви.
14 Бул девлетдал хьиз гьар жуьредин,
Ви шагьидвилери къалурай рекьел шад я зун.
15 Багьа тагькимрикай Ви фикирзава за,
килигзава жигъирриз Ви.
16 Бенд я зун, шад я Ви къайдайрал,
Ви гаф за алуддач рикӀелай.
Хата тахьунихъди рехъ
17 Вуна регьим ая Жуван лукӀраз,
гьа чӀавуз уьмуьрни тухуда за,
Ви гафни хуьда.
18 Ви Къанундин иервал заз акун патал,
ахъая зи вилер.
19 Ви эмирар чуьнуьхмир закай,
мугьман я зун и чилел.
20 Ви дуванар заз датӀана
гьевес аваз чириз кӀанзава.
21 Вуна ахмурарна дамахар гвайбуруз,
лянетдик квайбуруз,
Ви эмиррикай кьил къакъудзавайбуруз.
22 Вуна айибни русвагьвал
яргъа ая завай,
куьз лагьайтӀа хуьзва за
Ви шагьидвилер.
23 Ви къайдайрикай фикирзава лукӀра Ви,
гьакимар ацукьна заз акси яз рахазватӀани.
24 Ви шагьидвилери заз меслятар гузва,
абур заз лезет я.
ЦӀийи къуват гъидай рехъ
25 Гафунив Ви хкваш зал чан,
зун руквадал аватнава.
26 Гана Ваз хабар за
рекьерикай жуван
Ваз ван хьана зи;
чира заз Ви къайдаяр.
27 Генани Ви тагькимрин рехъ фагьумиз заз куьмек це,
Ви аламатрикай лугьуз жеда зун.
28 Гафунив Жуван мягькем ая зун,
хажалатдикди цӀразвай зи чан.
29 Гана тур заз Жуван Къанун Ви регьимдив кьурвал,
Закай яргъа ая рехъ тапунин.
30 Гила вафадин рехъ хкянава за:
за дикъетдив чирзава Ви дуванар.
31 Гилани за амалзава Ви шагьидвилерал,
я Ребби, регъуь жез тамир зав.
32 Гайила Вуна заз артух кьатӀунар,
Ви эмиррин рекьерайтӀуз звер ийида за.
Гъавурдин рехъ
33 Гьар са юкъуз зи уьмуьрдин хуьдайвал
Ви къайдайрин рехъ,
чира ам заз, я Ребби.
34 ГьакӀни акьул це заз, амалда за Къанундал Ви,
хуьда ам жуван вири рикӀелди.
35 Гьалал рекьяйтӀуз эмиррин Ви твах зун,
вучиз лагьайтӀа заз гьакӀ хуш я.
36 Гьа Ви шагьидвилерихъди ахъая зи рикӀ,
адалат галачир хийиррихъди ваъ.
37 Гьар са челек-фелекдилай алуда вилер зи,
уьмуьр це заз Ви рекьерив кьурвал.
38 Гьар садаз гайи калам,
жуван лукӀ патални кьилиз акъуда,
Вакай кичӀе хьун патал.
39 ГьакӀни Заз вичикай кичӀе тир русвагьвал зи
чукура кьулухъди;
Ви дуванар хъсанбур я эхир.
40 Гьакьван кӀевелай кӀан я заз тагькимар Ви!
Уьмуьр заз багъиша Жуван гьахъвилелди!
Азадвилихъди рехъ
41 Далдани хиласвал Вав гвай,
Ви каламдив кьур,
Ви регьим захъ галаз хьурай, я Ребби,
42 дуьз жаваб гуз жедайвал завай
заз ахмурар ийизвайдаз;
Зун Ви гафунин чӀалахъ я эхир.
43 Дад, зи мецив вугумир магьрум жез михьиз
гафуникай гьахъунин,
гьикӀ лагьайтӀа за умуд кутазва
дуванрик Ви.
44 ДатӀана, даим яз
Ви Къанун хуьда за.
45 Дарвал течиз къекъведа зун азаддиз,
куьз лагьайтӀа амалзава тагькимрал Ви.
46 Дуьньядин пачагьрин вилик зун Ви
шагьидвилерикай рахада,
регъуь жедач заз.
47 Дериндай шадвалзава за Ви эмиррал,
чеб заз кӀан хьайи.
48 Дикъет гуз, хкажда за гъилер эмиррихъди Ви,
чеб заз кӀан хьайи;
за фикирарда Ви къайдайрикай.
Теселли гудай рехъ
49 За вичик умуд кутун паталди
На эмирай Жуван гаф
рикӀел хкваш лукӀран Ви.
50 Заз им зи бедбахтвиле теселли я,
зи уьмуьр хуьзва Ви каламди.
51 Закай кьама ялар авайбуру ягьанат ийизвай,
амма зун алатнач Къанундилай Ви.
52 Зи рикӀел хтана Ви къадим дуванар,
сабур хьана заз, я Ребби.
53 Зак гъазаб акатзава
Ви Къанун гадарнавай небгетрикай.
54 Зун авай гъурбатда
Ви къайдаяр авазва зи манийра.
55 За рикӀел хкизвай йифиз Ви тӀвар,
хуьзвай Ви Къанун, я Ребби.
56 Зиди хьана Ам, вучиз лагьайтӀа
за хуьзва Ви тагькимар.
Гьахъ-михьивилихъ тухудай рехъ
57 Ийида амал Ви гафарал, за лагьанай,
за лагьанай: амалда Ви гафарал, я Ребби.
58 Ийиз авай зун минет Ви вилик
жуван вири рикӀелди;
регьим ая заз калам тирвал Жуван.
59 Ийиз хьанай фикирар рекьерикай за жуван,
жуван кӀвачер элкъуьрнай за
Ви шагьидвилерихъ,
60 Ийиз тади, энгелначир
амалун Ви эмиррал.
61 Игри небгетрин аруш хьанва епер зал,
амма Ви Къанун алуднач за рикӀелай.
62 Ийиз ваз шукур Ви гьахъ дуванрай,
къарагъда зун йифен кьулариз.
63 ИкӀ Вакай кичӀе вирибурун,
тагькимар хуьзвайбурун дуст я зун.
64 И чил ацӀанва, Я Ребби, Ви регьимдив,
чира заз Ви къайдаяр.
Шукурдин рехъ
65 Къенивал авуна Вуна заз, я Ребби,
Кьурвал Ви гафунив.
66 Къала, чира заз
фагьумни ийиз, гъавурда акьаз,
куьз лагьайтӀа Ви эмиррин чӀалахъ я зун.
67 Къени рекьелай алатзавай зун
Вуна бала гудалди заз,
амма исятда хуьзва за Ви калам.
68 Къайдаяр Ви чира заз,
Вун хъсанди я, На хъсанвал ийизва.
69 Къалиндиз хразва тапарар закай
кьама ялар авайбуру,
къадир аваз хуьда тагькимар Ви
за вири рикӀелди.
70 Къат-къат пи акьалтнава абурун рикӀерал,
гьисс техйизмайбурун
Къ анун Ви.
За, лагьайтӀа, кеф хкудзава
71 къайдаяр Ви чир хьун патал,
Хъсан хьана за азаб чӀугуна.
72 Къанун Ви мецин зун паталди хъсан я
гзаф кьадар къизилдилайни, гимишдилайни.
Чешне къалурунин рехъ
73 КьатӀудайвал за эмирар Ви,
Зав гъавурда акьаз гице.
Ви гъилери халкь авуна,
мягькемна зун.
74 Кьадар авачиз шад жеда Вакай кичӀебур,
зун акурла,
куьз лагьайтӀа зи умуд ква
гафуник Ви.
75 Кьурвал Ви вафадив Вуна жаза гана заз,
Заз чида, Ребби, Ви дуванар гьахъ я.
76 Кьилдин минет я Ваз, заз, Ви лукӀраз, регьим Ви
теселли хьуй Ви калам тирвал.
77 Кьилел зи авахьрай Ви мергьемет, зал чан хьун патал,
Ви Къанун заз лезет я.
78 Кьама ялар авайбуруз регъуь хьурай,
вучиз лагьайтӀа хкуьрзава зак
квачиз са тахсирни, амма за
фикирзава ви тагькимрикай.
79 Кьурай зи пад Вакай кичӀе вирибуру,
чир хьайибуруни шагьидвилер Ви.
80 Кьабулрай Ви къайдаяр рикӀи зи,
тежервал вичик са рехнени,
тежедайвал заз регъуь.
Куьмек жагъурунин рехъ
81 Лап кӀевелай кӀан хьуналди
Вуна гудай хиласвал
за Ви гафуник кутазва умуд.
82 Лугьузва за:
«Мус гуда заз теселли?»
Зи вилер цӀразва, килигиз
Вуна гайи каламдиз.
83 Лап кьацӀ-кьацӀ хьанвай,
гумадикди чӀулав хьанвай
цел хьиз чехирдин ава зун,
амма за Ви къайдаяр алудзавач рикӀелай.
84 ЛукӀрахъ Ви авайди шумуд югъ я?
Зи геле къекъвезвайбурун дуван мус ийида?
85 Лавгъабуру, кьама ял аваз, эгъвенва заз фур
Ви Къанундиз акси яз.
86 Лап дуьзбур я Ви вири эмирар.
Тахсир квачир зи геле къекъвезва, куьмек це заз.
87 Легьзеда зун тергиз чилел са тӀимил амай абуру,
амма зун къакъатнач тагькимривай Ви.
88 Лайих авуна хуьх зи уьмуьр Кьурвал Жуван регьимдив,
зани хуьда шагьидвилер мецин Ви.
Дегиш тахьунихъди рехъ
89 На даим яз Ви гаф, я Ребби,
тестикьнава цаварал.
90 Несилрилай несилралди Вахъ далу акализ жеда,
Вуна халкьна чил, ам авазва.
91 На дуванар авунвайвал,
вири гьакӀ ава къенин йикъалди,
вучиз лагьайтӀа вирида Ваз къуллугъзава.
92 Няс бедбахтвиле зун жуван
телеф хьунухь мумкин тир,
заз Ви Къанунди ганачиртӀа шадвилер.
93 На гайи тагькимар
за садрани алуддач рикӀелай,
На абуралди
хвена зи уьмуьр.
94 На зун хилас ая, зун Види я!
Къаних я зун тагькимрихъ Ви.
95 Небгетри зун вилив хуьзва
барбатӀ ийиз кӀанз,
амма фикир ийизва за
Ви шагьидвилерикай.
96 Нече-шумуд тамамвилихъ
эхир аваз акуна заз,
амма эмирар Ви
генг я кьадар авачир кьван.
Камалдин рехъ
97 Пагь, вуч кӀанда заз Ви Къанун!
Яргъи югъди фикирзава адакай за.
98 Пишкешна Вуна заз Жуван эмирралди
гзаф камал зи душманрилайни,
вучиз лагьайтӀа датӀана
зи вилик ква эмирар а.
99 Пара акьул хьана заз
вири жуван муаллимрилай,
вучиз лагьайтӀа шагьидвилерикай Ви
За фикир ийизва.
100 Пара гъавурда акьазва зун агъсакъалрилайни,
куьз лагьайтӀа хуьзва за Ви тагькимар.
101 Патахъ-чӀуру гьар жигъирдикай
къакъудзава за жуван кӀвачер
Ви гаф хуьн паталди.
102 Пак дуванривай Ви къерех жезвач зун;
На тарс ганва заз.
103 Пагь, вуч ширин я заз Ви каламар!
зи сивиз абур виртӀедилайни верцӀи я!
104 Пак тагькимар Ви себеб яз къачузва за чирвилер,
гьавиляй акунани кӀандач заз тапан жигъирар.
Вафадин рехъ
105 Рекье заз экв я,
Ви гаф чирагъ я зи кӀвачер патал.
106 Разивилелди За кьин кьунай хуьда лугьуз
Ви гьахъ дуванар,
и кьин кьилиз акъудда за.
107 РикӀивай лап кӀевиз азаб чӀугвазва за,
зи уьмуьр хуьх, я Ребби,
Ви гафунив кьадайвал.
108 Ребби, Ваз минет я, кьабула
Зи мецин къурбанд
хушуналди авунвай,
чирвал це заз дуванрай Ви.
109 Рам хьунин хатадик ква Зи уьмуьр датӀана,
амма за рикӀелай алудзавач Къанун Ви.
110 Рекьел чил къянава небгетри зун паталди,
амма зун Ви тагькимривай къерех хьанач.
111 Ред ийиз тежер даим ирс я заз Ви шагьидвилер,
куьз лагьайтӀа абур шадвал я рикӀин зи.
112 РикӀ вугана за жуван,
кьиле тухун паталди Ви къайдаяр
даим яз, эхирдал кьван.
Небгетрикай хуьдай рехъ
113 Са касни
инихъ-анихъ ян гузвай
аквадай заз вилер авач,
амма кӀанда заз Ви Къанун.
114 Садрани Ви гафуникай умуд атӀуз кӀанзавач заз,
Вун зи далда, къалхан я!
115 Саналди, эй небгетар, къакъата завай,
за жуван Аллагьдин эмирар хуьдайвал.
116 Са чӀавузни зав жуван умудда регъуь жез тамир,
Жуван калам тирвал мягькем ая зун,
за уьмуьр тухурвал.
117 Са куьмек це заз, зун хилас жеда,
дикъетдивди яб гуда за датӀана
Ви къайдайриз.
118 Санлай вири Вуна инкарзава
Ви къайдайрикай къерех хьайибур,
куьз лагьайтӀа абурун кьуьруькар –
вири таб я.
119 Садра чилин вири небгетар
шткида вуна зир-зибил хьиз,
гьавиляй заз кӀан хьана Ви шагьидвилер.
120 Серсер яз зи беден зурзазва
кичӀевиляй вилик Ви,
кичӀе я заз Ви дуванрикай.
Азад авунихъди рехъ
121 Тамир зун зи зулумкаррив,
за дуванни гьахъ кьилиз акъудна.
122 Тамир зун кутаз зулумдик
Кьама ялар авайбурув;
Жуван лукӀран хийир патал пад яхъ адан.
123 Тир вич гьахъ калам, Вуна заз гайи,
кьилиз акъатунал
вил алаз Вав гвай хиласвилел,
зайиф жезва вилер зи.
124 Тарс гана, Ви къайдаяр чира заз,
Жуван лукӀраз Ви регьимдив кьурвал ая.
125 Табий лукӀ я зун Ви, акьул це заз,
чирда за Ви шагьидвилер.
126 Терс чӀав акъвазардай вахт я Ваз, я Ребби,
куьз лагьайтӀа чукӀурнава Къанун Ви.
127 Тайин эмирар Ви кӀанда заз
къизилрилайни гзаф, ичӀи къизилдилайни.
128 Тагькимар Ви вири гьавиляй кьабулзава за
адалат гвайбур яз,
терс-чӀуру гьар са жигъир
аквадай заз вилер авач.
Руьгь акатунихъди рехъ
129 Хуьзва ви шагьидвилер за
тирвиляй абур ажайиббур.
130 Халисандаказ Ви гафарин керематри экв гузва,
дуьзенайриз акьулни гузва.
131 ХупӀ агь за чӀугвазва, сив ахъайна хьиз,
Ви эмиррихъ къаних я зун.
132 Хурт тавуна килига заз, регьим ая,
Ви тӀварцӀел рикӀ алайбуруз ийидайвал.
133 Хаин небгетвилив зун кьаз тамир.
Мягькем ая зи камар каламдив Жуван.
134 Хиласа зун инсандин басрухдикай,
хуьз жедайвал завай ви тагькимар.
135 Халис экуьнив Жуван чинин
Жуван лукӀраз экв ягъа,
чира заз Ви къайдаяр.
136 Хуьн тийизвайвиляй Ви Къанун зи вилери,
абурай церин вацӀар авахьзава.
Гьакъикъатдин рехъ
137 Чида заз, Вун гьахъ я, я Ребби,
адалат гва дуванривни Ви.
138 Чаз Вуна гайи шагьидвилер
гьахъбур я, тамамдиз гьакъикъибур я.
139 Чалкечир душманри зи
Ви гафар рикӀелай алудайвиляй
гъайради кьуна зун.
140 Чида заз, Ви калам гзаф михьиди я,
гьавиляй кӀанда ам лукӀраз Ви.
141 Чинал лугьун, зун гъвечӀи я, нифретдик ква,
амма за рикӀелай алудзавач тагькимар Ви.
142 Чав агакьнавай Ви гьахъвал – гьахъвал я даиман,
гьакъикъат я Къанун Ви.
143 Чуькьвезва зун хажалатди, адан кичӀ галукьнава захъ,
амма заз хуш я Ви эмирар.
144 Чуьруьт тежез, даим яз гьахъ я Ви шагьидвилер;
зав гъавурда акьаз гице,
завай уьмуьр тухуз жедайвал.
Дуьадин рехъ
145 ЧӀугуна ялварзава за жуван вири рикӀелди:
зи ван хьухь, я Ребби,
за амалда къайдайрал Ви.
146 ЧӀехи шагьидвилер Ви хуьда за,
За Ваз минет ийизва: хиласа зун,
147 ЧӀав алукьдалди экуьнин яран за Ваз минет ийизва;
зи умуд ква гафуник Ви.
148 ЧӀарни ксузвач зун вири йифди,
Ви каламдал фикир авун паталди.
149 ЧӀехи регьим тирвал Ви, зи ван хьухь Ваз,
зи уьмуьр хуьх Ви дуван тирвал, я Ребби.
150 ЧӀуру къастар туькӀуьрзавайбур
мукьвал атанва,
амма абур яргъа ава Ви Къанундивай.
151 ЧӀехи вири эмирар Ви гьакъикъат я,
Вун мукьвал ала, я Ребби.
152 ЧӀавалай лап фад заз чидай Ви шагьидвилерни,
абур Вуна даим яз тестикь авурдини.
Четинвилер алуддай рехъ
153 Ша, килиг зи бедбахтвилиз, хилас ая зун,
куьз лагьайтӀа за рикӀелай алудзавач Къанун Ви.
154 Ша, зи кардин пад хуьх, азад ая зун,
зи уьмуьр хуьх Жуван калам тирвал.
155 Шак алачиз, яргъа ава хиласвал небгетривай,
куьз лагьайтӀа абуру жагъурзавач къайдаяр Ви.
156 Ша, хуьх зи уьмуьр Ви дуван тирвал;
чӀехиди я, Ребби, Вуна чӀугвазвай язух.
157 Шагьидвилерилай Ви зун алатдач,
гзаф аватӀани захъ зи геле къекъезвайбур, душманар.
158 Шумудра заз хаинар акуна, нифретда за абуруз,
куьз лагьайтӀа абуру хуьзвачир Ви калам.
159 Ша, килиг, заз гьикӀ кӀанзаватӀа тагькимар Ви,
хуьх зи уьмуьр, я Ребби, Ви регьим тирвал.
160 Шак алачиз, гьакъикъиди я Ви гаф эвелдилай,
даимди я Ви вири гьахъ-дуван.
Руьгь секин хьунин рехъ
161 Экъвез ава зи геле гьакимар,
са тахсирни квачиз зак,
амма зи рикӀ зурзазва
вилик Ви гафунин.
162 Эхь, зун шад я Ви каламдал,
жагъайди хьиз чӀехи гъуьрч.
163 Эхдач за таб, ам аквар вилер заз авач,
кӀанда хьи заз Къанун Ви.
164 ЭкъечӀзава йикъа иридра Ви вилик Ви тариф ийиз
Ви гьахъ дуванрай.
165 Эцигай кӀвач галкӀидач
кӀандайбурун Ви Къанун,
абуруз ава чӀехи секинвал.
166 Эмирар Ви акъудзава кьилиз за,
Ребби, зи умуд ква
Вав гвай хиласвилив.
167 Эцигна рикӀел гъил,
хуьзва за Ви шагьидвилер,
гзаф кӀанда заз абур.
168 Эрзиман тир тагькимарни шагьидвилер Ви хуьзва за,
куьз лагьайтӀа Ви вилик ква
зи вири рекьер.
Тарифдин рехъ
169 Я Ребби, зи гьарай мукьва хьурай Ваз,
зав гъавурда акьаз гице Ви гаф тирвал.
170 Ялвар зи акъваз хьурай вилик Ви,
хиласа зун Ви калам тирвал.
171 Япара Ви цурай тариф меци зи
чирай чӀавуз Вуна заз Ви къайдаяр.
172 Я гьахъбур Ви вири эмирар;
Ви каламдикай рахурай зи мез.
173 Яб гун Ви тагькимриз хкяна за, гьавиляй
куьмекрай заз Ви гъили.
174 Я Ребби, зун Вуна гудай хиласвилихъ къаних я,
Ви Къанун заз хуш я.
175 Якъин чан алаз хьурай зун, Ви тариф ийиз,
Ви дуванри куьмек гурай заз.
176 Я зун хеб хьиз квахьнавай, рехъ алатна къекъвезвай,
жагъура Жуван лукӀ,
куьз лагьайтӀа алуднавач рикӀелай за эмирар Ви.
Արդեն Ընտրված.
Забур 118: ЛезПК
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Институт перевода Библии, 2010-2024
Забур 118
118
Аллагьдин Гафунин тариф
Бахтунихъди рехъ
1 Аллагьдин Къанундай физвайбур,
рекьик рехне квачирбур, бахтавар я.
2 Адан шагьидвилер хуьзвайбур,
чпин вири рикӀелди
Ам жагъурзавайбур
бахтавар я.
3 Абуру ийизвач къанунсузвилер,
физва Адан рекьерай.
4 Авунай эмир эхирдалди хуьх лагьана
Вуна чаз ви тагькимар.
5 Авунихъ тамам къайдаяр Ви
зи рекьерни фенайтӀа хупӀ туширни!
6 А чӀавуз заз регъуь жедачир
килигиз Ви эмирриз.
7 Ар-намус авай рикӀелди Ваз шукур ийидай,
Ви гьахъ дуванар чир хьанваз.
8 А Ви къайдаяр хуьда за,
зун михьиз гадармир.
Агалкьунрихъди рехъ
9 Бес жегьилдивай михьивиле
гьикӀ хуьда вичин жигъир?
Ви гафунив кьадайвал
уьмуьр тухвайла.
10 Бегьемдаказ жуван вири рикӀелди за жагъурзава Вун,
Ви эмиррикай кьил къакъудиз тамир зав.
11 Бейнида, жуван рикӀе Ви калам за чуьнуьхна,
Ваз акси яз гунагь тавун паталди.
12 Баркалла авай Ребби, шукур хьурай Ваз!
Чира заз Ви къайдаяр Вуна.
13 Бажит мецелди жуван за инсанрив вугузва
вири дуванар мецин Ви.
14 Бул девлетдал хьиз гьар жуьредин,
Ви шагьидвилери къалурай рекьел шад я зун.
15 Багьа тагькимрикай Ви фикирзава за,
килигзава жигъирриз Ви.
16 Бенд я зун, шад я Ви къайдайрал,
Ви гаф за алуддач рикӀелай.
Хата тахьунихъди рехъ
17 Вуна регьим ая Жуван лукӀраз,
гьа чӀавуз уьмуьрни тухуда за,
Ви гафни хуьда.
18 Ви Къанундин иервал заз акун патал,
ахъая зи вилер.
19 Ви эмирар чуьнуьхмир закай,
мугьман я зун и чилел.
20 Ви дуванар заз датӀана
гьевес аваз чириз кӀанзава.
21 Вуна ахмурарна дамахар гвайбуруз,
лянетдик квайбуруз,
Ви эмиррикай кьил къакъудзавайбуруз.
22 Вуна айибни русвагьвал
яргъа ая завай,
куьз лагьайтӀа хуьзва за
Ви шагьидвилер.
23 Ви къайдайрикай фикирзава лукӀра Ви,
гьакимар ацукьна заз акси яз рахазватӀани.
24 Ви шагьидвилери заз меслятар гузва,
абур заз лезет я.
ЦӀийи къуват гъидай рехъ
25 Гафунив Ви хкваш зал чан,
зун руквадал аватнава.
26 Гана Ваз хабар за
рекьерикай жуван
Ваз ван хьана зи;
чира заз Ви къайдаяр.
27 Генани Ви тагькимрин рехъ фагьумиз заз куьмек це,
Ви аламатрикай лугьуз жеда зун.
28 Гафунив Жуван мягькем ая зун,
хажалатдикди цӀразвай зи чан.
29 Гана тур заз Жуван Къанун Ви регьимдив кьурвал,
Закай яргъа ая рехъ тапунин.
30 Гила вафадин рехъ хкянава за:
за дикъетдив чирзава Ви дуванар.
31 Гилани за амалзава Ви шагьидвилерал,
я Ребби, регъуь жез тамир зав.
32 Гайила Вуна заз артух кьатӀунар,
Ви эмиррин рекьерайтӀуз звер ийида за.
Гъавурдин рехъ
33 Гьар са юкъуз зи уьмуьрдин хуьдайвал
Ви къайдайрин рехъ,
чира ам заз, я Ребби.
34 ГьакӀни акьул це заз, амалда за Къанундал Ви,
хуьда ам жуван вири рикӀелди.
35 Гьалал рекьяйтӀуз эмиррин Ви твах зун,
вучиз лагьайтӀа заз гьакӀ хуш я.
36 Гьа Ви шагьидвилерихъди ахъая зи рикӀ,
адалат галачир хийиррихъди ваъ.
37 Гьар са челек-фелекдилай алуда вилер зи,
уьмуьр це заз Ви рекьерив кьурвал.
38 Гьар садаз гайи калам,
жуван лукӀ патални кьилиз акъуда,
Вакай кичӀе хьун патал.
39 ГьакӀни Заз вичикай кичӀе тир русвагьвал зи
чукура кьулухъди;
Ви дуванар хъсанбур я эхир.
40 Гьакьван кӀевелай кӀан я заз тагькимар Ви!
Уьмуьр заз багъиша Жуван гьахъвилелди!
Азадвилихъди рехъ
41 Далдани хиласвал Вав гвай,
Ви каламдив кьур,
Ви регьим захъ галаз хьурай, я Ребби,
42 дуьз жаваб гуз жедайвал завай
заз ахмурар ийизвайдаз;
Зун Ви гафунин чӀалахъ я эхир.
43 Дад, зи мецив вугумир магьрум жез михьиз
гафуникай гьахъунин,
гьикӀ лагьайтӀа за умуд кутазва
дуванрик Ви.
44 ДатӀана, даим яз
Ви Къанун хуьда за.
45 Дарвал течиз къекъведа зун азаддиз,
куьз лагьайтӀа амалзава тагькимрал Ви.
46 Дуьньядин пачагьрин вилик зун Ви
шагьидвилерикай рахада,
регъуь жедач заз.
47 Дериндай шадвалзава за Ви эмиррал,
чеб заз кӀан хьайи.
48 Дикъет гуз, хкажда за гъилер эмиррихъди Ви,
чеб заз кӀан хьайи;
за фикирарда Ви къайдайрикай.
Теселли гудай рехъ
49 За вичик умуд кутун паталди
На эмирай Жуван гаф
рикӀел хкваш лукӀран Ви.
50 Заз им зи бедбахтвиле теселли я,
зи уьмуьр хуьзва Ви каламди.
51 Закай кьама ялар авайбуру ягьанат ийизвай,
амма зун алатнач Къанундилай Ви.
52 Зи рикӀел хтана Ви къадим дуванар,
сабур хьана заз, я Ребби.
53 Зак гъазаб акатзава
Ви Къанун гадарнавай небгетрикай.
54 Зун авай гъурбатда
Ви къайдаяр авазва зи манийра.
55 За рикӀел хкизвай йифиз Ви тӀвар,
хуьзвай Ви Къанун, я Ребби.
56 Зиди хьана Ам, вучиз лагьайтӀа
за хуьзва Ви тагькимар.
Гьахъ-михьивилихъ тухудай рехъ
57 Ийида амал Ви гафарал, за лагьанай,
за лагьанай: амалда Ви гафарал, я Ребби.
58 Ийиз авай зун минет Ви вилик
жуван вири рикӀелди;
регьим ая заз калам тирвал Жуван.
59 Ийиз хьанай фикирар рекьерикай за жуван,
жуван кӀвачер элкъуьрнай за
Ви шагьидвилерихъ,
60 Ийиз тади, энгелначир
амалун Ви эмиррал.
61 Игри небгетрин аруш хьанва епер зал,
амма Ви Къанун алуднач за рикӀелай.
62 Ийиз ваз шукур Ви гьахъ дуванрай,
къарагъда зун йифен кьулариз.
63 ИкӀ Вакай кичӀе вирибурун,
тагькимар хуьзвайбурун дуст я зун.
64 И чил ацӀанва, Я Ребби, Ви регьимдив,
чира заз Ви къайдаяр.
Шукурдин рехъ
65 Къенивал авуна Вуна заз, я Ребби,
Кьурвал Ви гафунив.
66 Къала, чира заз
фагьумни ийиз, гъавурда акьаз,
куьз лагьайтӀа Ви эмиррин чӀалахъ я зун.
67 Къени рекьелай алатзавай зун
Вуна бала гудалди заз,
амма исятда хуьзва за Ви калам.
68 Къайдаяр Ви чира заз,
Вун хъсанди я, На хъсанвал ийизва.
69 Къалиндиз хразва тапарар закай
кьама ялар авайбуру,
къадир аваз хуьда тагькимар Ви
за вири рикӀелди.
70 Къат-къат пи акьалтнава абурун рикӀерал,
гьисс техйизмайбурун
Къ анун Ви.
За, лагьайтӀа, кеф хкудзава
71 къайдаяр Ви чир хьун патал,
Хъсан хьана за азаб чӀугуна.
72 Къанун Ви мецин зун паталди хъсан я
гзаф кьадар къизилдилайни, гимишдилайни.
Чешне къалурунин рехъ
73 КьатӀудайвал за эмирар Ви,
Зав гъавурда акьаз гице.
Ви гъилери халкь авуна,
мягькемна зун.
74 Кьадар авачиз шад жеда Вакай кичӀебур,
зун акурла,
куьз лагьайтӀа зи умуд ква
гафуник Ви.
75 Кьурвал Ви вафадив Вуна жаза гана заз,
Заз чида, Ребби, Ви дуванар гьахъ я.
76 Кьилдин минет я Ваз, заз, Ви лукӀраз, регьим Ви
теселли хьуй Ви калам тирвал.
77 Кьилел зи авахьрай Ви мергьемет, зал чан хьун патал,
Ви Къанун заз лезет я.
78 Кьама ялар авайбуруз регъуь хьурай,
вучиз лагьайтӀа хкуьрзава зак
квачиз са тахсирни, амма за
фикирзава ви тагькимрикай.
79 Кьурай зи пад Вакай кичӀе вирибуру,
чир хьайибуруни шагьидвилер Ви.
80 Кьабулрай Ви къайдаяр рикӀи зи,
тежервал вичик са рехнени,
тежедайвал заз регъуь.
Куьмек жагъурунин рехъ
81 Лап кӀевелай кӀан хьуналди
Вуна гудай хиласвал
за Ви гафуник кутазва умуд.
82 Лугьузва за:
«Мус гуда заз теселли?»
Зи вилер цӀразва, килигиз
Вуна гайи каламдиз.
83 Лап кьацӀ-кьацӀ хьанвай,
гумадикди чӀулав хьанвай
цел хьиз чехирдин ава зун,
амма за Ви къайдаяр алудзавач рикӀелай.
84 ЛукӀрахъ Ви авайди шумуд югъ я?
Зи геле къекъвезвайбурун дуван мус ийида?
85 Лавгъабуру, кьама ял аваз, эгъвенва заз фур
Ви Къанундиз акси яз.
86 Лап дуьзбур я Ви вири эмирар.
Тахсир квачир зи геле къекъвезва, куьмек це заз.
87 Легьзеда зун тергиз чилел са тӀимил амай абуру,
амма зун къакъатнач тагькимривай Ви.
88 Лайих авуна хуьх зи уьмуьр Кьурвал Жуван регьимдив,
зани хуьда шагьидвилер мецин Ви.
Дегиш тахьунихъди рехъ
89 На даим яз Ви гаф, я Ребби,
тестикьнава цаварал.
90 Несилрилай несилралди Вахъ далу акализ жеда,
Вуна халкьна чил, ам авазва.
91 На дуванар авунвайвал,
вири гьакӀ ава къенин йикъалди,
вучиз лагьайтӀа вирида Ваз къуллугъзава.
92 Няс бедбахтвиле зун жуван
телеф хьунухь мумкин тир,
заз Ви Къанунди ганачиртӀа шадвилер.
93 На гайи тагькимар
за садрани алуддач рикӀелай,
На абуралди
хвена зи уьмуьр.
94 На зун хилас ая, зун Види я!
Къаних я зун тагькимрихъ Ви.
95 Небгетри зун вилив хуьзва
барбатӀ ийиз кӀанз,
амма фикир ийизва за
Ви шагьидвилерикай.
96 Нече-шумуд тамамвилихъ
эхир аваз акуна заз,
амма эмирар Ви
генг я кьадар авачир кьван.
Камалдин рехъ
97 Пагь, вуч кӀанда заз Ви Къанун!
Яргъи югъди фикирзава адакай за.
98 Пишкешна Вуна заз Жуван эмирралди
гзаф камал зи душманрилайни,
вучиз лагьайтӀа датӀана
зи вилик ква эмирар а.
99 Пара акьул хьана заз
вири жуван муаллимрилай,
вучиз лагьайтӀа шагьидвилерикай Ви
За фикир ийизва.
100 Пара гъавурда акьазва зун агъсакъалрилайни,
куьз лагьайтӀа хуьзва за Ви тагькимар.
101 Патахъ-чӀуру гьар жигъирдикай
къакъудзава за жуван кӀвачер
Ви гаф хуьн паталди.
102 Пак дуванривай Ви къерех жезвач зун;
На тарс ганва заз.
103 Пагь, вуч ширин я заз Ви каламар!
зи сивиз абур виртӀедилайни верцӀи я!
104 Пак тагькимар Ви себеб яз къачузва за чирвилер,
гьавиляй акунани кӀандач заз тапан жигъирар.
Вафадин рехъ
105 Рекье заз экв я,
Ви гаф чирагъ я зи кӀвачер патал.
106 Разивилелди За кьин кьунай хуьда лугьуз
Ви гьахъ дуванар,
и кьин кьилиз акъудда за.
107 РикӀивай лап кӀевиз азаб чӀугвазва за,
зи уьмуьр хуьх, я Ребби,
Ви гафунив кьадайвал.
108 Ребби, Ваз минет я, кьабула
Зи мецин къурбанд
хушуналди авунвай,
чирвал це заз дуванрай Ви.
109 Рам хьунин хатадик ква Зи уьмуьр датӀана,
амма за рикӀелай алудзавач Къанун Ви.
110 Рекьел чил къянава небгетри зун паталди,
амма зун Ви тагькимривай къерех хьанач.
111 Ред ийиз тежер даим ирс я заз Ви шагьидвилер,
куьз лагьайтӀа абур шадвал я рикӀин зи.
112 РикӀ вугана за жуван,
кьиле тухун паталди Ви къайдаяр
даим яз, эхирдал кьван.
Небгетрикай хуьдай рехъ
113 Са касни
инихъ-анихъ ян гузвай
аквадай заз вилер авач,
амма кӀанда заз Ви Къанун.
114 Садрани Ви гафуникай умуд атӀуз кӀанзавач заз,
Вун зи далда, къалхан я!
115 Саналди, эй небгетар, къакъата завай,
за жуван Аллагьдин эмирар хуьдайвал.
116 Са чӀавузни зав жуван умудда регъуь жез тамир,
Жуван калам тирвал мягькем ая зун,
за уьмуьр тухурвал.
117 Са куьмек це заз, зун хилас жеда,
дикъетдивди яб гуда за датӀана
Ви къайдайриз.
118 Санлай вири Вуна инкарзава
Ви къайдайрикай къерех хьайибур,
куьз лагьайтӀа абурун кьуьруькар –
вири таб я.
119 Садра чилин вири небгетар
шткида вуна зир-зибил хьиз,
гьавиляй заз кӀан хьана Ви шагьидвилер.
120 Серсер яз зи беден зурзазва
кичӀевиляй вилик Ви,
кичӀе я заз Ви дуванрикай.
Азад авунихъди рехъ
121 Тамир зун зи зулумкаррив,
за дуванни гьахъ кьилиз акъудна.
122 Тамир зун кутаз зулумдик
Кьама ялар авайбурув;
Жуван лукӀран хийир патал пад яхъ адан.
123 Тир вич гьахъ калам, Вуна заз гайи,
кьилиз акъатунал
вил алаз Вав гвай хиласвилел,
зайиф жезва вилер зи.
124 Тарс гана, Ви къайдаяр чира заз,
Жуван лукӀраз Ви регьимдив кьурвал ая.
125 Табий лукӀ я зун Ви, акьул це заз,
чирда за Ви шагьидвилер.
126 Терс чӀав акъвазардай вахт я Ваз, я Ребби,
куьз лагьайтӀа чукӀурнава Къанун Ви.
127 Тайин эмирар Ви кӀанда заз
къизилрилайни гзаф, ичӀи къизилдилайни.
128 Тагькимар Ви вири гьавиляй кьабулзава за
адалат гвайбур яз,
терс-чӀуру гьар са жигъир
аквадай заз вилер авач.
Руьгь акатунихъди рехъ
129 Хуьзва ви шагьидвилер за
тирвиляй абур ажайиббур.
130 Халисандаказ Ви гафарин керематри экв гузва,
дуьзенайриз акьулни гузва.
131 ХупӀ агь за чӀугвазва, сив ахъайна хьиз,
Ви эмиррихъ къаних я зун.
132 Хурт тавуна килига заз, регьим ая,
Ви тӀварцӀел рикӀ алайбуруз ийидайвал.
133 Хаин небгетвилив зун кьаз тамир.
Мягькем ая зи камар каламдив Жуван.
134 Хиласа зун инсандин басрухдикай,
хуьз жедайвал завай ви тагькимар.
135 Халис экуьнив Жуван чинин
Жуван лукӀраз экв ягъа,
чира заз Ви къайдаяр.
136 Хуьн тийизвайвиляй Ви Къанун зи вилери,
абурай церин вацӀар авахьзава.
Гьакъикъатдин рехъ
137 Чида заз, Вун гьахъ я, я Ребби,
адалат гва дуванривни Ви.
138 Чаз Вуна гайи шагьидвилер
гьахъбур я, тамамдиз гьакъикъибур я.
139 Чалкечир душманри зи
Ви гафар рикӀелай алудайвиляй
гъайради кьуна зун.
140 Чида заз, Ви калам гзаф михьиди я,
гьавиляй кӀанда ам лукӀраз Ви.
141 Чинал лугьун, зун гъвечӀи я, нифретдик ква,
амма за рикӀелай алудзавач тагькимар Ви.
142 Чав агакьнавай Ви гьахъвал – гьахъвал я даиман,
гьакъикъат я Къанун Ви.
143 Чуькьвезва зун хажалатди, адан кичӀ галукьнава захъ,
амма заз хуш я Ви эмирар.
144 Чуьруьт тежез, даим яз гьахъ я Ви шагьидвилер;
зав гъавурда акьаз гице,
завай уьмуьр тухуз жедайвал.
Дуьадин рехъ
145 ЧӀугуна ялварзава за жуван вири рикӀелди:
зи ван хьухь, я Ребби,
за амалда къайдайрал Ви.
146 ЧӀехи шагьидвилер Ви хуьда за,
За Ваз минет ийизва: хиласа зун,
147 ЧӀав алукьдалди экуьнин яран за Ваз минет ийизва;
зи умуд ква гафуник Ви.
148 ЧӀарни ксузвач зун вири йифди,
Ви каламдал фикир авун паталди.
149 ЧӀехи регьим тирвал Ви, зи ван хьухь Ваз,
зи уьмуьр хуьх Ви дуван тирвал, я Ребби.
150 ЧӀуру къастар туькӀуьрзавайбур
мукьвал атанва,
амма абур яргъа ава Ви Къанундивай.
151 ЧӀехи вири эмирар Ви гьакъикъат я,
Вун мукьвал ала, я Ребби.
152 ЧӀавалай лап фад заз чидай Ви шагьидвилерни,
абур Вуна даим яз тестикь авурдини.
Четинвилер алуддай рехъ
153 Ша, килиг зи бедбахтвилиз, хилас ая зун,
куьз лагьайтӀа за рикӀелай алудзавач Къанун Ви.
154 Ша, зи кардин пад хуьх, азад ая зун,
зи уьмуьр хуьх Жуван калам тирвал.
155 Шак алачиз, яргъа ава хиласвал небгетривай,
куьз лагьайтӀа абуру жагъурзавач къайдаяр Ви.
156 Ша, хуьх зи уьмуьр Ви дуван тирвал;
чӀехиди я, Ребби, Вуна чӀугвазвай язух.
157 Шагьидвилерилай Ви зун алатдач,
гзаф аватӀани захъ зи геле къекъезвайбур, душманар.
158 Шумудра заз хаинар акуна, нифретда за абуруз,
куьз лагьайтӀа абуру хуьзвачир Ви калам.
159 Ша, килиг, заз гьикӀ кӀанзаватӀа тагькимар Ви,
хуьх зи уьмуьр, я Ребби, Ви регьим тирвал.
160 Шак алачиз, гьакъикъиди я Ви гаф эвелдилай,
даимди я Ви вири гьахъ-дуван.
Руьгь секин хьунин рехъ
161 Экъвез ава зи геле гьакимар,
са тахсирни квачиз зак,
амма зи рикӀ зурзазва
вилик Ви гафунин.
162 Эхь, зун шад я Ви каламдал,
жагъайди хьиз чӀехи гъуьрч.
163 Эхдач за таб, ам аквар вилер заз авач,
кӀанда хьи заз Къанун Ви.
164 ЭкъечӀзава йикъа иридра Ви вилик Ви тариф ийиз
Ви гьахъ дуванрай.
165 Эцигай кӀвач галкӀидач
кӀандайбурун Ви Къанун,
абуруз ава чӀехи секинвал.
166 Эмирар Ви акъудзава кьилиз за,
Ребби, зи умуд ква
Вав гвай хиласвилив.
167 Эцигна рикӀел гъил,
хуьзва за Ви шагьидвилер,
гзаф кӀанда заз абур.
168 Эрзиман тир тагькимарни шагьидвилер Ви хуьзва за,
куьз лагьайтӀа Ви вилик ква
зи вири рекьер.
Тарифдин рехъ
169 Я Ребби, зи гьарай мукьва хьурай Ваз,
зав гъавурда акьаз гице Ви гаф тирвал.
170 Ялвар зи акъваз хьурай вилик Ви,
хиласа зун Ви калам тирвал.
171 Япара Ви цурай тариф меци зи
чирай чӀавуз Вуна заз Ви къайдаяр.
172 Я гьахъбур Ви вири эмирар;
Ви каламдикай рахурай зи мез.
173 Яб гун Ви тагькимриз хкяна за, гьавиляй
куьмекрай заз Ви гъили.
174 Я Ребби, зун Вуна гудай хиласвилихъ къаних я,
Ви Къанун заз хуш я.
175 Якъин чан алаз хьурай зун, Ви тариф ийиз,
Ви дуванри куьмек гурай заз.
176 Я зун хеб хьиз квахьнавай, рехъ алатна къекъвезвай,
жагъура Жуван лукӀ,
куьз лагьайтӀа алуднавач рикӀелай за эмирар Ви.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Институт перевода Библии, 2010-2024