Забур 115
115
1Зун агъанвай, лугьудайлани:
«Михьиз барбатӀ хьанва зун».
2Къапарай акъатна за лагьана:
«Гьар са инсан тапрукь я».
3Вуч вахгуда Реббидив за
зун паталди Ада авур вири хъсан крарай?
4Хиласвилин фейжан хкажна,
Реббидин тӀварцӀиз за эверда.
5Кьилиз акъудда за вири вядер
Реббидиз хиве кьур
Адан вири халкьдин вилик.
6Реббидин вилерай багьа я кьиникь
Вичиз вафа хуьзвайбурун.
7Я Ребби, зун рикӀивайни Ви лукӀ я,
зун Ви лукӀ я, хва я зун Ви къаравушдин.
Вуна зун азадна зунжуррикай.
8Ваз шукур авун яз къурбанд гуда за,
Реббидин тӀварцӀиз за эверда.
9Кьилиз акъудда за вири вядер
Реббидиз хиве кьур
Адан вири халкьдин вилик,
10 Реббидин КӀвалин гьар са гъенел,
Ви юкьни-юкьвал, Ярусалим!
Тариф ая Реббидин!
Արդեն Ընտրված.
Забур 115: ЛезПК
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Институт перевода Библии, 2010-2024