Забур 100

100

Пачагьди гаф гун

1 Давудан мани.

Регьимдикайни гьахъ-дувандикай

за тарифдин мани лугьуда,

за Ваз, я Ребби, мани лугьуда.

2Гьич рехне квачир рекьяй фида зун.

Мус зи патав къведа Вун?

Михьи рикӀ гваз жуван кӀвале къекъведа зун,

3рехне квай са затӀни эцигдач за жуван вилик.

Небгет крар аквадай заз вилер авач,

агатдач абур зав.

4Ява хьанвай рикӀ за жував агуддач.

Чир жедач заз небгет кас.

5Ни вичин къуншидал буьгьтен

вегьизватӀа чинеба,

ам тергда за: эхдач за

кьама ялар авайдини лавгъади.

6Къекъвез жеда вилер зи

имандаллай инсанрихъ,

абуру захъ галаз уьмуьр тухун паталди;

къуллугъда заз михьи рекьяй физвайда.

7Тапархъанди зи кӀвале тухудач уьмуьр,

захъ галаз амукьдай ихтияр гудач за адаз.

8Чилин вири небгетар

гьар пакамахъ телефда за,

Реббидин шегьердай михьиз тергда за

чӀуру крар ийизвай вирибур.

Արդեն Ընտրված.

Забур 100: ЛезПК

Ընդգծել

Կիսվել

Պատճենել

Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք

Աստվածաշնչի հայտնի հատվածներ
Забур 100
-ից