ՍԱՂՄՈՍ 70
70
ՕԳՆՈՒԹԵԱՆ ԱՂՕԹՔ ՄԸ
Գլխաւոր երաժշտին՝ Դաւիթին Սաղմոսը յիշատակի համար
1Ո՛վ Աստուած, զիս փրկելու կամք ըրէ.
Ո՛վ Տէր, ինծի օգնելու արտորցիր։
2Թող ամչնան ու խայտառակ ըլլան
Իմ անձս փնտռողները։
Ետ դառնան ու ամօթով ըլլան
Ինծի չարիք ուզողները։
3Թող #70:3 Կամ, իրենց ամօթին պատճառովամչնալով ետ դառնան
Անոնք որ ինծի «Վա՛շ, վա՛շ» կ’ըսեն։
4Ամէն քեզ փնտռող
Քեզմով թող ցնծայ եւ ուրախանայ
Եւ քու փրկութիւնդ սիրողները
Ամէն ժամանակ թող ըսեն. «Աստուած թո՛ղ մեծնայ»։
5Բայց ես աղքատ ու տնանկ եմ,
Ո՛վ Աստուած, շուտով հասի՛ր ինծի։
Իմ օգնականս ու փրկիչս դուն ես,
Ո՛վ Տէր, մի՛ ուշանար։
Արդեն Ընտրված.
ՍԱՂՄՈՍ 70: WARMB
Ընդգծել
Պատճենել
Համեմատել
Կիսվել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Հայ Արեւմտահայերէն Աստուածաշունչ © Bible Society in Lebanon, 1981.