ՍԱՂՄՈՍ 133
133
ԵՂԲԱՅՐԱԿԱՆ ՍԷՐԸ ՓԱՌՔԻ ՄԷՋ
Դաւիթին աստիճաններուն երգը
1Ահա ո՜րչափ բարի ու ո՜րչափ վայելուչ է
Որ եղբայրները իրարու հետ միաբանութեամբ բնակին։
2Այն ազնիւ իւղին պէս է,
Որ գլխուն վրայէն մօրուքին վրայ,
Ահարոնին մօրուքին վրայ վազեց
Ու մինչեւ անոր զգեստներուն ծայրը իջաւ։
3Սիօնի լեռներուն վրայ իջած
Հերմոնի շաղին պէս է,
Վասն զի Տէրը հոն հաստատեց օրհնութիւնը
Ու կեանքը մինչեւ յաւիտեան։
Արդեն Ընտրված.
ՍԱՂՄՈՍ 133: WARMB
Ընդգծել
Պատճենել
Համեմատել
Կիսվել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Հայ Արեւմտահայերէն Աստուածաշունչ © Bible Society in Lebanon, 1981.