Ephesians 3:19

What would happen if you woke up and reminded yourself of the Gospel every day? This 7-day devotional seeks to help you do just that! The Gospel not only saves us, it also sustains us throughout our lives. Author and Evangelist Matt Brown has formed this reading plan based on the 30-day devotional book written by Matt Brown and Ryan Skoog.

Աստծու սերը մեր հանդեպ անսահման է ու խորը։ Դրա ամենավառ դրսևորումը Տեր Հիսուսի աշխարհ գալն է ու Գողգոթայի խաչի վրա մեր մեղքերի համար Նրա կատարած զոհը։ Աստված բոլորին է սիրում և Նրա սերը անպայմանական է։ Աստծու սիրուն հնարավոր չէ արժանանալ, քանի որ Աստված սիրում է մեզ անկախ մեր արժանիքներից։ Աստված անգամ ամբարիշտ մարդու կործանումը չի կամենում, սակայն եթե տեղի չունենա ապաշխարություն և մեղքից դեպի սրբության անցում, ապա Աստծու բարկության պատիժն անխուսափելի է լինելու։ Աստվածային սերն ավելին է, քան միայն զգացմունք լինելը։ Այն վերաբերմունք է և հոգատարություն, մինչև իսկ՝ ամենաթանկը զոհելու պատրաստակամություն։

Հոգևոր պատերազմն անհերքելի իրողություն է։ Սակայն նույնքան անհերքելի իրողություն է այն, որ Քրիստոսի հավատարիմ աշակերտներն այդ պատերազմում հաղթողներ են, եթե սովորեն հոգևոր պատերազմի ճիշտ ռազմավարությունը և կիրառեն հե՛նց այն հոգևոր զենքերը, որ Աստված է նրանց փոխանցել։ Սատանան մեր թշնամին է։ Նրա նպատակը մարդկանց կործանումն է։ Սատանան ու նրա ողջ զորքը փորձում են հավատացյալներին գայթակղել, մոլորեցնել սխալ ուսուցումներով և վերադարձնել մեղքի ու խավարի ստրկության կապանքների կյանքին։ Սատանայի միակ զենքը սուտն է։ Տեր Հիսուսը նրան ստության ու կեղծիքի հայր է անվանում։ Իսկ հոգևոր հաղթանակը ստությունը մերժելն է։

Բազմաթիվ անկեղծ ու բարի մարդիկ սրտանց հավատում են Աստծուն, սակայն այդպես էլ չեն կատարում նվիրման վերջին ու կարևորագույն քայլը։ Իրական փրկարար հավատքը մարդուն մղում է անձն ուրանալուն, սեփական խաչը վերցնելուն և Տիրոջ աշակերտն ու հետևորդը դառնալուն։ Երբե՛ք չամաչես մարդկանց առաջ դավանել, որ քո կյանքն այլևս առաջվանը չէ, որ դու հիմա Տեր ունես՝ Փրկիչ ու Թագավոր, որի անունն է Հիսուս Քրիստոս։ Տեր Հիսուսի սիրով լեցուն հայացքն այսօր քեզ է ուղղված։ Նա սպասում է, որ գանձերդ Երկնքում դիզես, սովորես խաչդ վերցնելն ու Իրեն հետևել: